ਰਿਲਾਇੰਸ ਰਿਟੇਲ ਨੇ Just Dial ''ਚ ਖ਼ਰੀਦੀ ਵੱਡੀ ਹਿੱਸੇਦਾਰੀ, 3497 ਕਰੋੜ ਰੁਪਏ ''ਚ ਹੋਇਆ ਸੌਦਾ
07/17/2021 12:33:17 PM
ਮੁੰਬਈ - ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ (ਆਰਆਈਐਲ) ਦੀ ਪ੍ਰਚੂਨ ਵਪਾਰਕ ਇਕਾਈ ਰਿਲਾਇੰਸ ਰਿਟੇਲ ਵੈਂਚਰਜ਼ ਲਿਮਟਿਡ ਨੇ ਡਿਜੀਟਲ ਡਾਇਰੈਕਟਰੀ ਸਰਵਿਸ ਕੰਪਨੀ ਜਸਟ ਡਾਇਲ ਲਿਮਟਿਡ ਦੀ ਬਹੁਗਿਣਤੀ ਹਿੱਸੇਦਾਰੀ 3,497 ਕਰੋੜ ਰੁਪਏ ਵਿਚ ਹਾਸਲ ਕਰ ਲਈ ਹੈ। ਰਿਲਾਇੰਸ ਰਿਟੇਲ ਨੇ ਕਿਹਾ ਕਿ ਉਸਨੇ ਜਸਟ ਡਾਇਲ ਵਿਚ 40.95 ਪ੍ਰਤੀਸ਼ਤ ਹਿੱਸੇਦਾਰੀ ਹਾਸਲ ਕੀਤੀ ਹੈ। ਇੱਕ ਬਿਆਨ ਵਿੱਚ, ਕੰਪਨੀ ਨੇ ਕਿਹਾ ਕਿ ਵੀ.ਐਸ.ਐਸ. ਮਨੀ ਜਸਟ ਡਾਇਲ ਦੇ ਪ੍ਰਬੰਧ ਨਿਰਦੇਸ਼ਕ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਵਜੋਂ ਬਣੇ ਰਹਿਣਗੇ।
ਆਰਆਰਵੀਐਲ ਦੁਆਰਾ ਪ੍ਰਦਾਨ ਕੀਤੀ ਗਈ ਪੂੰਜੀ ਜਸਟ ਡਾਇਲ ਦੇ ਵਿਕਾਸ ਅਤੇ ਵਿਸਥਾਰ ਲਈ ਵਰਤੀ ਜਾਏਗੀ। ਜਸਟ ਡਾਇਲ ਆਪਣੇ ਸਥਾਨਕ ਕਾਰੋਬਾਰਾਂ ਦੀ ਸੂਚੀ ਨੂੰ ਹੋਰ ਮਜ਼ਬੂਤ ਕਰੇਗੀ। ਜਸਟ ਡਾਇਲ ਆਪਣੇ ਪਲੇਟਫਾਰਮ 'ਤੇ ਲੱਖਾਂ ਉਤਪਾਦਾਂ ਅਤੇ ਸੇਵਾਵਾਂ ਦੇ ਵਿਸਥਾਰ 'ਤੇ ਕੰਮ ਕਰੇਗੀ ਜਿਸ ਨਾਲ ਲੈਣ ਦੇਣ ਨੂੰ ਉਤਸ਼ਾਹਤ ਮਿਲੇਗਾ।
ਇਹ ਵੀ ਪੜ੍ਹੋ : ਮੋਦੀ ਸਰਕਾਰ ਦੀ 'ਮੇਕ ਇਨ ਇੰਡੀਆ' ਨੂੰ ਝਟਕਾ, ਚੀਨ ਨਾਲ ਭਾਰਤ ਦਾ ਵਪਾਰ 62 ਫੀਸਦੀ ਵਧਿਆ
ਇਹ ਨਿਵੇਸ਼ ਜਸਟ ਡਾਇਲ ਦੇ ਮੌਜੂਦਾ ਡਾਟਾਬੇਸ ਵਿਚ ਵੀ ਸਹਾਇਤਾ ਕਰੇਗਾ। 31 ਮਾਰਚ 2021 ਤੱਕ, ਜਸਟ ਡਾਇਲ ਕੋਲ ਇਸ ਦੇ ਡੇਟਾਬੇਸ ਵਿੱਚ 30.4 ਮਿਲੀਅਨ ਸੂਚੀ ਸੀ ਅਤੇ 129.1 ਮਿਲੀਅਨ ਉਪਭੋਗਤਾ ਇਸ ਤਿਮਾਹੀ ਦੌਰਾਨ ਜਸਟ ਡਾਇਲ ਪਲੇਟਫਾਰਮ ਦੀ ਵਰਤੋਂ ਕਰ ਰਹੇ ਸਨ।
ਇਸ ਸੌਦੇ ਬਾਰੇ ਬੋਲਦਿਆਂ ਆਰ.ਆਰ.ਵੀ.ਐਲ. ਦੀ ਡਾਇਰੈਕਟਰ ਈਸ਼ਾ ਅੰਬਾਨੀ ਨੇ ਕਿਹਾ, 'ਰਿਲਾਇੰਸ ਪਹਿਲੀ ਪੀੜ੍ਹੀ ਦੇ ਉੱਦਮੀ ਵੀ.ਐਸ.ਐਸ. ਮਨੀ ਨਾਲ ਸਾਂਝੇਦਾਰੀ ਕਰਨ ਲਈ ਉਤਸ਼ਾਹਿਤ ਹੈ, ਜਿਸ ਨੇ ਆਪਣੀ ਕਾਰੋਬਾਰੀ ਮਹਾਰਤ ਅਤੇ ਤਨਦੇਹੀ ਨਾਲ ਇੱਕ ਮਜ਼ਬੂਤ ਕਾਰੋਬਾਰ ਖੜ੍ਹਾ ਕੀਤਾ ਹੈ। ਜਸਟ ਡਾਇਲ ਵਿਚ ਨਿਵੇਸ਼ ਸਾਡੇ ਲੱਖਾਂ ਸਹਿਭਾਗੀ ਵਪਾਰੀਆਂ, ਸੂਖਮ, ਛੋਟੇ ਅਤੇ ਦਰਮਿਆਨੇ ਉੱਦਮਾਂ ਲਈ ਡਿਜੀਟਲ ਈਕੋਸਿਸਟਮ ਨੂੰ ਹੋਰ ਵਧਾਏਗਾ ਅਤੇ ਨਾਲ ਹੀ ਇਹ ਨਵੇਂ ਵਣਜ ਪ੍ਰਤੀ ਸਾਡੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ। '
ਇਹ ਵੀ ਪੜ੍ਹੋ : ਜ਼ੋਮੈਟੋ ਦੇ IPO ਲਈ ਉਮੜਿਆ ਨਿਵੇਸ਼ਕਾਂ ਦਾ ਹੜ੍ਹ, 10.7 ਗੁਣਾ ਵਧੇਰੇ ਅਰਜ਼ੀਆਂ ਮਿਲੀਆਂ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।