ਰਿਲਾਇੰਸ ਇੰਡਸਟੀਰਜ਼ ਦਾ ਇਕ ਹੋਰ ਵੱਡਾ ਨਿਵੇਸ਼, 2850 ਕਰੋੜ ਰੁਪਏ 'ਚ ਖ਼ਰੀਦੀ ਜਰਮਨੀ ਦੀ ਕੰਪਨੀ
12/22/2022 7:33:04 PM
ਮੁੰਬਈ - ਰਿਲਾਇੰਸ ਇੰਡਸਟਰੀਜ਼ ਲਿਮਿਟੇਡ ਦੀ ਸਹਾਇਕ ਕੰਪਨੀ ਰਿਲਾਇੰਸ ਰਿਟੇਲ ਵੈਂਚਰਜ਼ ਲਿਮਿਟੇਡ ਨੇ ਮੈਟਰੋ ਕੈਸ਼ ਅਤੇ ਕੈਰੀ ਇੰਡੀਆ ਪ੍ਰਾਈਵੇਟ ਲਿਮਟਿਡ ('ਮੈਟਰੋ ਇੰਡੀਆ') ਵਿੱਚ 100% ਇਕੁਇਟੀ ਹਿੱਸੇਦਾਰੀ ਹਾਸਲ ਕਰਨ ਲਈ ਸਮਝੌਤਿਆਂ 'ਤੇ ਹਸਤਾਖਰ ਕੀਤੇ ਹਨ। 2,850 ਕਰੋੜ ਰੁਪਏ ਦਾ ਸੌਦਾ ਪੂਰਾ ਹੋਣ ਦੇ ਕਰੀਬ ਹੈ। ਮੈਟਰੋ-ਇੰਡੀਆ ਦੇਸ਼ ਵਿੱਚ ਕੈਸ਼-ਐਂਡ-ਕੈਰੀ ਬਿਜ਼ਨਸ ਫਾਰਮੈਟ ਨੂੰ ਪੇਸ਼ ਕਰਨ ਵਾਲੀ ਪਹਿਲੀ ਕੰਪਨੀ ਸੀ।
ਕੰਪਨੀ ਭਾਰਤ ਵਿੱਚ 2003 ਤੋਂ ਕੰਮ ਕਰ ਰਹੀ ਹੈ। ਲਗਭਗ 3,500 ਕਰਮਚਾਰੀਆਂ ਦੇ ਨਾਲ, ਕੰਪਨੀ 21 ਸ਼ਹਿਰਾਂ ਵਿੱਚ 31 ਵੱਡੇ ਫਾਰਮੈਟ ਸਟੋਰਾਂ ਦਾ ਸੰਚਾਲਨ ਕਰਦੀ ਹੈ। ਭਾਰਤ ਵਿੱਚ ਮਲਟੀ-ਚੈਨਲ B2B ਕੈਸ਼ ਐਂਡ ਕੈਰੀ ਥੋਕ ਵਪਾਰਕ ਕਾਰੋਬਾਰ ਲਗਭਗ 3 ਮਿਲੀਅਨ ਗਾਹਕਾਂ ਤੱਕ ਪਹੁੰਚਦਾ ਹੈ, ਜਿਨ੍ਹਾਂ ਵਿੱਚੋਂ 1 ਮਿਲੀਅਨ ਗਾਹਕ ਸਰਗਰਮੀ ਨਾਲ ਇਸਦੇ ਸਟੋਰ ਨੈੱਟਵਰਕ ਅਤੇ eB2B ਐਪਸ ਰਾਹੀਂ ਖਰੀਦਦਾਰੀ ਕਰਦੇ ਹਨ। ਵਿੱਤੀ ਸਾਲ 2021-22 (ਸਤੰਬਰ 2022 ਨੂੰ ਖਤਮ ਹੋਣ ਵਾਲੇ ਵਿੱਤੀ ਸਾਲ) ਵਿੱਚ, ਮੈਟਰੋ ਇੰਡੀਆ ਨੇ ₹7700 ਕਰੋੜ ਦੀ ਵਿਕਰੀ ਕੀਤੀ, ਜੋ ਭਾਰਤ ਵਿੱਚ ਇਸਦਾ ਹੁਣ ਤੱਕ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਹੈ।
ਇਹ ਵੀ ਪੜ੍ਹੋ : ਭਾਰਤ 'ਚ ਫਰਾਂਸੀਸੀ ਦੂਤਾਵਾਸ 'ਚ ਧੋਖਾਧੜੀ, 64 ਲੋਕਾਂ ਦੇ ਸ਼ੈਂਗੇਨ ਵੀਜ਼ਾ ਦਸਤਾਵੇਜ਼ "ਗੁੰਮ"
ਰਿਲਾਇੰਸ ਨੂੰ ਇਸ ਸੌਦਾ ਨਾਲ ਮਿਲੇਗੀ ਮਜ਼ਬੂਤੀ
ਇਸ ਪ੍ਰਾਪਤੀ ਦੇ ਜ਼ਰੀਏ, ਰਿਲਾਇੰਸ ਰਿਟੇਲ ਨੂੰ ਵੱਡੇ ਸ਼ਹਿਰਾਂ ਵਿੱਚ ਪ੍ਰਮੁੱਖ ਸਥਾਨਾਂ 'ਤੇ ਸਥਿਤ ਮੈਟਰੋ ਇੰਡੀਆ ਸਟੋਰਾਂ ਦਾ ਇੱਕ ਵਿਸ਼ਾਲ ਨੈਟਵਰਕ ਮਿਲੇਗਾ। ਜਿਸ ਕਾਰਨ ਰਿਲਾਇੰਸ ਰਿਟੇਲ ਦੀ ਮਾਰਕੀਟ ਮੌਜੂਦਗੀ ਮਜ਼ਬੂਤ ਹੋਵੇਗੀ। ਇਸ ਦੇ ਨਾਲ, ਰਜਿਸਟਰਡ ਕਰਿਆਨੇ ਅਤੇ ਹੋਰ ਸੰਸਥਾਗਤ ਗਾਹਕਾਂ ਦਾ ਇੱਕ ਵੱਡਾ ਅਧਾਰ ਅਤੇ ਇੱਕ ਬਹੁਤ ਮਜ਼ਬੂਤ ਸਪਲਾਇਰ ਨੈਟਵਰਕ ਵੀ ਉਪਲਬਧ ਹੋਵੇਗਾ।
ਇਹ ਵੀ ਪੜ੍ਹੋ : Metro AG ਦੇ ਗਲੋਬਲ CEO ਗ੍ਰੇਬੇਲ ਨੇ ਭਾਰਤ ਤੋਂ ਬਾਹਰ ਜਾਣ ਦੇ ਦਿੱਤੇ ਸੰਕੇਤ
ਈਸ਼ਾ ਅੰਬਾਨੀ ਨੇ ਕੀਤਾ ਸਮਰਥਨ
ਨਿਵੇਸ਼ ਬਾਰੇ ਬੋਲਦੇ ਹੋਏ ਰਿਲਾਇੰਸ ਰਿਟੇਲ ਵੈਂਚਰਸ ਲਿਮਟਿਡ ਦੀ ਡਾਇਰੈਕਟਰ ਈਸ਼ਾ ਅੰਬਾਨੀ ਨੇ ਕਿਹਾ, “ਮੈਟਰੋ ਇੰਡੀਆ ਦੀ ਪ੍ਰਾਪਤੀ ਛੋਟੇ ਵਪਾਰੀਆਂ ਅਤੇ ਉੱਦਮਾਂ ਦੇ ਨਾਲ ਸਰਗਰਮ ਸਹਿਯੋਗ ਦੁਆਰਾ ਸਾਂਝੀ ਖੁਸ਼ਹਾਲੀ ਦਾ ਇੱਕ ਵਿਲੱਖਣ ਮਾਡਲ ਬਣਾਉਣ ਲਈ ਸਾਡੀ ਨਵੀਂ ਵਪਾਰਕ ਰਣਨੀਤੀ ਦੇ ਅਨੁਸਾਰ ਹੈ। Metro India ਭਾਰਤੀ B2B ਮਾਰਕੀਟ ਵਿੱਚ ਇੱਕ ਪ੍ਰਮੁੱਖ ਅਤੇ ਪ੍ਰਭਾਵਸ਼ਾਲੀ ਖਿਡਾਰੀ ਹੈ ਅਤੇ ਇੱਕ ਠੋਸ ਮਲਟੀ-ਚੈਨਲ ਪਲੇਟਫਾਰਮ ਬਣਾਇਆ ਹੈ। ਸਾਡਾ ਮੰਨਣਾ ਹੈ ਕਿ ਮੈਟਰੋ ਇੰਡੀਆ ਦੇ ਨਵੇਂ ਸਟੋਰਾਂ ਦੇ ਨਾਲ ਮਿਲ ਕੇ ਭਾਰਤੀ ਵਪਾਰੀ ਅਤੇ ਕਰਿਆਨੇ ਦੀ ਈਕੋ ਪ੍ਰਣਾਲੀ ਬਾਰੇ ਸਾਡੀ ਸਮਝ ਛੋਟੇ ਕਾਰੋਬਾਰਾਂ ਲਈ ਵਰਦਾਨ ਸਾਬਤ ਹੋਵੇਗੀ।
ਮੈਟਰੋ ਏਜੀ ਦੇ CEO ਡਾ. ਸਟੀਫਨ ਗਰੇਬਲ ਨੇ ਕਿਹਾ, “ਸਾਨੂੰ ਭਰੋਸਾ ਹੈ ਕਿ ਸਾਨੂੰ ਰਿਲਾਇੰਸ ਵਿੱਚ ਇੱਕ ਯੋਗ ਸਾਥੀ ਮਿਲਿਆ ਹੈ। ਰਿਲਾਇੰਸ ਮੈਟਰੋ ਇੰਡੀਆ ਨੂੰ ਭਵਿੱਖ ਵਿੱਚ ਸਫਲਤਾਪੂਰਵਕ ਅਗਵਾਈ ਕਰਨ ਲਈ ਚੰਗੀ ਸਥਿਤੀ ਵਿੱਚ ਹੈ। ਇਸ ਨਾਲ ਸਾਡੇ ਗਾਹਕਾਂ ਅਤੇ ਸਾਡੇ ਕਰਮਚਾਰੀਆਂ ਦੋਵਾਂ ਨੂੰ ਫਾਇਦਾ ਹੋਵੇਗਾ।”
ਇਹ ਵੀ ਪੜ੍ਹੋ : ਤੱਥਾਂ ਨੂੰ ਛੁਪਾ ਕੇ ਬੀਮਾ ਪਾਲਸੀਆਂ ਵੇਚਣ ਵਾਲੀਆਂ ਸਰਕਾਰੀ ਬੈਂਕਾਂ ਨੂੰ ਫਿਟਕਾਰ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।