ਸ਼ਿਮਲਾ ਦੇ ਬਾਅਦ ਹੁਣ ਇਸ ਰੂਟ 'ਤੇ ਵੀ ਸ਼ੀਸ਼ੇ ਦੀ ਛੱਤ ਤੋਂ ਦੇਖ ਸਕੋਗੇ ਕੁਦਰਤੀ ਨਜ਼ਾਰੇ(ਵੀਡੀਓ)

ਨਵੀਂ ਦਿੱਲੀ — ਸ਼ਿਮਲਾ ਦੇ ਬਾਅਦ ਹੁਣ ਆਂਧਰਾ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ ਅਤੇ ਅਰਕੂ ਵਿਚਕਾਰ ਵੀ ਰੇਲ ਯਾਤਰਾ ਦਾ ਇਕ ਵੱਖਰਾ ਅੰਦਾਜ਼ ਯਾਤਰੀਆਂ ਨੂੰ ਦੇਖਣ ਲਈ ਮਿਲੇਗਾ। ਭਾਰਤੀ ਰੇਲਵੇ ਨੇ ਇਸ ਰੂਟ 'ਤੇ ਵੀ ਵਿਸਟਾਡੋਮ ਕੋਚ ਟ੍ਰੇਨ ਚਲਾਈ ਹੈ ਜਿਸ ਦੇ ਜ਼ਰੀਏ ਯਾਤਰੀ ਕੁਦਰਤੀ ਨਜ਼ਾਰਿਆਂ ਦਾ ਆਨੰਦ ਲੈ ਸਕਣਗੇ। ਸ਼ੀਸ਼ੇ ਦੀ ਛੱਤ ਰੋਟੇਟਏਬਲ ਕੁਰਸੀਆਂ, ਹੈਂਗਿੰਗ ਐਲ.ਸੀ.ਡੀ. ਦੇ ਨਾਲ ਖਾਸ ਸਹੂਲਤਾਂ ਇਸ ਕੋਚ ਵਿਚ ਮਿਲਣਗੀਆਂ।

विशाखापट्टनम और अरकू के बीच घाटियों की खूबसूरती को यात्री करीब से देख सकें, इसके लिये इस रूट पर विस्टाडोम कोच युक्त ट्रेन चलाई गयी है।

बड़ी खिड़कियों व पारदर्शी कांच की छत से यात्री सफर के दौरान प्रकृति को करीब से देख पाते हैं। यह ट्रेन पर्यटकों को सफर का एक नया अनुभव देती है। pic.twitter.com/zRUzBFFhDv

— Piyush Goyal (@PiyushGoyal) February 7, 2020

ਰੇਲ ਮੰਤਰੀ ਪਿਊਸ਼ ਗੋਇਲ ਨੇ ਸ਼ੁੱਕਰਵਾਰ ਨੂੰ ਇਕ ਵੀਡੀਓ ਜਾਰੀ ਕਰਕੇ ਇਸ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਲਿਖਿਆ ਕਿ ਵਿਸ਼ਾਖਾਪਟਨਮ ਅਤੇ ਅਰਕੂ ਵਿਚਾਲੇ ਕੁਦਰਤੀ ਨਜ਼ਾਰਿਆਂ ਦੀ ਖੂਬਸੂਰਤੀ ਨੂੰ ਯਾਤਰੀ ਨਜ਼ਦੀਕ ਤੋਂ ਦੇਖ ਸਕਣਗੇ, ਇਸ ਕਾਰਨ ਇਸ ਰੂਟ 'ਤੇ ਵਿਸਟਾਡੋਮ ਕੋਚ ਵਾਲੀ ਟ੍ਰੇਨ ਚਲਾਈ ਗਈ ਹੈ। ਵੱਡੀਆਂ ਖਿੜਕੀਆਂ ਅਤੇ ਪਾਰਦਰਸ਼ੀ ਸ਼ੀਸ਼ੇ ਵਾਲੀ ਛੱਤ ਜ਼ਰੀਏ ਯਾਤਰੀ ਸਫਰ ਦੌਰਾਨ ਕੁਦਰਤ ਨੂੰ ਨੇੜਿਓਂ ਦੇਖ ਸਕਣਗੇ।

ਜ਼ਿਕਰਯੋਗ ਹੈ ਕਿ ਵਿਸ਼ਾਖਾਪਟਨਮ ਤੋਂ ਅਰਕੂ ਘਾਟੀ ਪਰਬਤ ਸਟੇਸ਼ਨ ਵਿਚਾਲੇ ਦੀ ਦੂਰੀ 128 ਕਿਲੋਮੀਟਰ ਹੈ। ਚੇਨਈ ਦੀ ਇੰਟੈਗਰਲ ਕੋਚ ਫੈਕਟਰੀ(ICF) 'ਚ ਇਨ੍ਹਾਂ ਕੋਚ ਨੂੰ ਤਿਆਰ ਕੀਤਾ ਗਿਆ ਹੈ ਜਿਸ 'ਤੇ 3.38 ਕਰੋੜ ਦਾ ਖਰਚਾ ਆਇਆ ਹੈ। ਇਸ ਟ੍ਰੇਨ ਵਿਚ ਸਫਰ ਕਰਨ ਲਈ ਹਰੇਕ ਯਾਤਰੀ ਨੂੰ 670 ਰੁਪਏ ਚੁਕਾਣੇ ਹੋਣਗੇ। ਇਸ ਟ੍ਰੇਨ ਵਿਚ 7 ਕੋਚ ਹਨ। ਇਨ੍ਹਾਂ ਵਿਚੋਂ ਫਸਟ ਕਲਾਸ ਕੈਟੇਗਰੀ ਦੇ 6 ਵਿਸਟਾਡੋਮ ਕੋਚ ਹਨ। ਇਕ ਫਰਸਟ ਕਲਾਸ ਸਿਟਿੰਗ ਕਮ ਲਗੇਜ ਕੋਚ ਹਨ। ਇਕ ਕੋਚ ਵਿਚ 15 ਯਾਤਰੀ ਹੀ ਸਫਰ ਕਰ ਸਕਦੇ ਹਨ ਜਦੋਂਕਿ ਸਿਟਿੰਗ ਕਲਾਸ ਦੀ ਸਮਰੱਥਾ 14 ਹੈ।

ਇਸ ਕੋਚ ਦੀ ਛੱਤ ਵੀ ਸ਼ੀਸ਼ੇ ਦੀ ਬਣੀ ਹੈ ਇਸ ਵਿਚ ਅਪਾਹਜਾਂ ਲਈ ਸਾਈਡ ਡੋਰ ਵੀ ਉਪਲੱਬਧ ਹੈ। ਇਸ ਦੇ ਨਾਲ ਹੀ ਕੰਪਾਰਟਮੈਂਟ ਵਿਚ ਆਟੋਮੈਟਿਕ ਦਰਵਾਜ਼ੇ ਵੀ ਲਗਾਏ ਗਏ ਹਨ। ਹਰੇਕ ਕੋਚ ਵਿਚ ਐਲ.ਈ.ਡੀ. ਲਾਈਟਾਂ ਲੱਗੀਆਂ ਹਨ। ਇਸ ਤੋਂ ਇਲਾਵਾ ਯਾਤਰੀਆਂ ਤੱਕ ਜਲਦੀ ਸੂਚਨਾ ਪਹੁੰਚਾਉਣ ਲਈ ਜੀ.ਪੀ.ਸੀ. ਅਧਾਰਿਤ ਸੂਚਨਾ ਪ੍ਰਣਾਲੀ ਦੀ ਵਰਤੋਂ ਕੀਤੀ ਗਈ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਦਸੰਬਰ ਮਹੀਨੇ 'ਚ ਪਾਰਦਰਸ਼ੀ ਛੱਤ ਅਤੇ ਵੱਡੀਆਂ ਖਿੜਕੀਆਂ ਵਾਲੀ ਇਸ 'ਹਿਮ ਦਰਸ਼ਨ ਐਕਸਪੈੱ੍ਰਸ' ਨੂੰ ਸ਼ੁਰੂ ਕੀਤਾ ਗਿਆ ਸੀ। ਹਿਮ ਦਰਸ਼ਨ ਐਕਸਪ੍ਰੈੱਸ ਕਾਲਕਾ-ਸ਼ਿਮਲਾ ਮਾਰਗ 'ਤੇ ਚਲਾਈ ਦਾ ਰਹੀ ਹੈ।