ਨੀਤਾ ਅੰਬਾਨੀ ਨੇ 3 ਹਜ਼ਾਰ ਬੱਚਿਆਂ ਨਾਲ ਇੰਝ ਮਨਾਇਆ ਆਪਣਾ ਜਨਮ ਦਿਨ, ਵੇਖੋ ਤਸਵੀਰਾਂ
11/02/2023 5:24:51 PM
ਨਵੀਂ ਦਿੱਲੀ (ਭਾਸ਼ਾ) - ਰਿਲਾਇੰਸ ਫਾਊਂਡੇਸ਼ਨ ਦੀ ਸੰਸਥਾਪਕ ਅਤੇ ਚੇਅਰਪਰਸਨ ਨੀਤਾ ਅੰਬਾਨੀ ਨੇ ਆਪਣਾ 60ਵਾਂ ਜਨਮ ਦਿਨ ਗ਼ਰੀਬ ਵਰਗ ਦੇ ਲਗਭਗ 3000 ਬੱਚਿਆਂ ਨਾਲ ਮਨਾਇਆ। ਸ਼੍ਰੀਮਤੀ ਅੰਬਾਨੀ ਨੇ ਅੰਨਾ ਸੇਵਾ ਦੇ ਤਹਿਤ 15 ਰਾਜਾਂ ਦੇ 1.4 ਲੱਖ ਲੋਕਾਂ ਨੂੰ ਭੋਜਨ ਮੁਹੱਈਆ ਕਰਵਾਇਆ। ਅੰਨਾ ਸੇਵਾ ਰਾਹੀਂ ਕਰੀਬ 75 ਹਜ਼ਾਰ ਲੋਕਾਂ ਨੂੰ ਖਾਣਾ ਪਰੋਸਿਆ ਗਿਆ। ਇਸ ਲਈ ਕਰੀਬ 65 ਹਜ਼ਾਰ ਰੁਪਏ ਦਾ ਕੱਚਾ ਰਾਸ਼ਨ ਵੰਡਿਆ ਗਿਆ।
ਸ਼੍ਰੀਮਤੀ ਅੰਬਾਨੀ ਬੁੱਧਵਾਰ ਨੂੰ 60 ਸਾਲ ਦੀ ਹੋ ਗਈ। ਆਪਣੇ ਜਨਮ ਦਿਨ 'ਤੇ ਉਨ੍ਹਾਂ ਨੇ ਬੱਚਿਆਂ, ਬੁਢਾਪਾ ਘਰਾਂ 'ਚ ਰਹਿ ਰਹੇ ਬਜ਼ੁਰਗਾਂ, ਦਿਹਾੜੀਦਾਰਾਂ, ਕਿੰਨਰ ਭਾਈਚਾਰੇ ਦੇ ਲੋਕਾਂ, ਕੋੜ੍ਹ ਦੇ ਮਰੀਜ਼ਾਂ ਅਤੇ ਵਿਸ਼ੇਸ਼ ਲੋੜਾਂ ਵਾਲੇ ਲੋਕਾਂ ਨੂੰ ਭੋਜਨ ਪਰੋਸਿਆ। ਭੋਜਨ ਵੰਡਣ ਤੋਂ ਲੈ ਕੇ ਵੱਖ-ਵੱਖ ਥਾਵਾਂ 'ਤੇ ਗਰਮ ਭੋਜਨ ਪਰੋਸਣ ਤੱਕ ਦਾ ਸਾਰਾ ਕੰਮ ਰਿਲਾਇੰਸ ਵਾਲੰਟੀਅਰਾਂ ਦੁਆਰਾ ਕੀਤਾ ਗਿਆ।
ਧਿਆਨਯੋਗ ਹੈ ਕਿ ਕੋਰੋਨਾ ਮਹਾਮਾਰੀ ਦੌਰਾਨ ਸ਼੍ਰੀਮਤੀ ਅੰਬਾਨੀ ਦੀ ਰਿਲਾਇੰਸ ਫਾਊਂਡੇਸ਼ਨ ਨੇ ਅੰਨਾ ਸੇਵਾ ਦੇ ਨਾਂ 'ਤੇ ਉਸ ਸਮੇਂ ਦਾ ਸਭ ਤੋਂ ਵੱਡਾ ਭੋਜਨ ਵੰਡ ਪ੍ਰੋਗਰਾਮ ਚਲਾਇਆ ਸੀ। ਫਾਊਂਡੇਸ਼ਨ ਮੁਤਾਬਕ ਨੀਤਾ ਅੰਬਾਨੀ ਦੇ ਜਨਮ ਦਿਨ 'ਤੇ ਭੋਜਨ ਵੰਡਣਾ ਉਸੇ ਪਰੰਪਰਾ ਦਾ ਵਿਸਥਾਰ ਹੈ।
ਨੀਤਾ ਅੰਬਾਨੀ ਦੀਆਂ ਸਿੱਖਿਆ, ਮਹਿਲਾ ਸਸ਼ਕਤੀਕਰਨ, ਖੇਡਾਂ, ਕਲਾ ਅਤੇ ਸੱਭਿਆਚਾਰ ਦੇ ਖੇਤਰਾਂ ਵਿੱਚ ਅਣਗਿਣਤ ਪ੍ਰਾਪਤੀਆਂ ਹਨ। ਉਨ੍ਹਾਂ ਦੀ ਅਗਵਾਈ ਵਿੱਚ ਰਿਲਾਇੰਸ ਫਾਊਂਡੇਸ਼ਨ ਨੇ ਦੇਸ਼ ਭਰ ਵਿੱਚ ਸੱਤ ਕਰੋੜ 10 ਲੱਖ ਤੋਂ ਵੱਧ ਲੋਕਾਂ ਦੀ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕੀਤਾ ਹੈ।