ਤੰਬਾਕੂ-ਸਿਗਰਟ ਦਾ ਇਸਤੇਮਾਲ ਕਰਨ ਵਾਲਿਆਂ ਉੱਤੇ ਅੱਜ ਤੋਂ ਵਧੇਗਾ ਮਹਿੰਗਾਈ ਦਾ ਬੋਝ
04/01/2022 1:03:34 PM
ਨਵੀਂ ਦਿੱਲੀ (ਇੰਟ) - ਸਰਕਾਰ ਨੇ ਤੰਬਾਕੂ, ਪਾਨ ਮਸਾਲਾ ਅਤੇ ਸਿਗਰਟ ਦੇ ਸ਼ੌਕੀਨਾਂ ਨੂੰ ਵੀ ਤਗਡ਼ਾ ਝਟਕਾ ਦਿੱਤਾ ਹੈ। ਬਜਟ 2022 ਵਿਚ ਕੀਤੇ ਪ੍ਰਬੰਧਾਂ ਦੀ ਵਜ੍ਹਾ ਨਾਲ 1 ਅਪ੍ਰੈਲ ਤੋਂ ਇਨ੍ਹਾਂ ਉਤਪਾਦਾਂ ਦੀਆਂ ਕੀਮਤਾਂ ਵਿਚ ਵਾਧਾ ਹੋਣ ਵਾਲਾ ਹੈ।
ਦਰਅਸਲ, ਤੰਬਾਕੂ ਅਤੇ ਪਾਨ ਮਸਾਲਾ ਵਰਗੀਆਂ ਚੀਜ਼ਾਂ ਉੱਤੇ ਸਰਕਾਰ ਨੇ ਉਤਪਾਦ ਡਿਊਟੀ ਵਧਾ ਦਿੱਤੀ ਹੈ। ਇਸ ਦਾ ਅਸਰ ਕੰਪਨੀਆਂ ਦੀ ਉਤਪਾਦਨ ਲਾਗਤ ਉੱਤੇ ਵਿਖੇਗਾ । ਇਸ ਦੀ ਪੂਰਤੀ ਕਰਨ ਲਈ ਕੰਪਨੀਆਂ ਆਪਣੇ ਉਤਪਾਦਾਂ ਦੀਆਂ ਕੀਮਤਾਂ ਵਧਾਉਣਗੀਆਂ, ਜਿਸ ਦਾ ਸਿੱਧਾ ਅਸਰ ਤੰਬਾਕੂ ਜਾਂ ਪਾਨ ਮਸਾਲਾ ਦਾ ਇਸਤੇਮਾਲ ਕਰਨ ਵਾਲੇ ਗਾਹਕਾਂ ਉੱਤੇ ਹੋਵੇਗਾ। ਹਾਲਾਂਕਿ, ਸਰਕਾਰ ਨੇ ਬਜਟ ਵਿਚ ਸਿਗਰਟ ਉੱਤੇ ਸੈੱਸ ਜਾਂ ਜੀ. ਐੱਸ. ਟੀ. ਦੀ ਦਰ ਵਧਾਉਣ ਤੋਂ ਮਨ੍ਹਾ ਕਰ ਦਿੱਤਾ ਸੀ।
ਇਹ ਵੀ ਪੜ੍ਹੋ : ਕੇਂਦਰੀ ਮੁਲਾਜ਼ਮਾਂ ਲਈ ਵੱਡੀ ਖ਼ੁਸ਼ਖ਼ਬਰੀ, ਮਹਿੰਗਾਈ ਭੱਤੇ ਦੀ ਦਰ ’ਚ ਕੀਤਾ ਵਾਧਾ
ਸਰਕਾਰ ਨੇ 1 ਅਪ੍ਰੈਲ ਤੋਂ ਨਵੀਂ ਉਤਪਾਦ ਡਿਊਟੀ ਲਾਗੂ ਕਰ ਦਿੱਤੀ ਹੈ। ਇਸ ਤਹਿਤ ਤੰਬਾਕੂ ਵਾਲੇ ਪਾਨ-ਮਸਾਲੇ ਅਤੇ ਗੁਟਖੇ ਉੱਤੇ ਉਤਪਾਦ ਡਿਊਟੀ ਹੁਣ 10 ਫੀਸਦੀ ਤੋਂ ਵਧ ਕੇ 12 ਫੀਸਦੀ ਹੋ ਜਾਵੇਗੀ। ਅਜਿਹੇ ਵਿਚ ਇਨ੍ਹਾਂ ਉਤਪਾਦਾਂ ਦੀਆਂ ਕੀਮਤਾਂ ਵਿਚ ਵੀ 2 ਤੋਂ 5 ਫੀਸਦੀ ਦਾ ਉਛਾਲ ਆ ਸਕਦਾ ਹੈ। ਖਪਤਕਾਰਾਂ ਨੂੰ ਜਲਦ ਹੀ 50 ਪੈਸੇ ਤੱਕ ਦਾ ਵਾਧਾ ਦੇਖਣ ਨੂੰ ਮਿਲ ਸਕਦਾ ਹੈ।
ਸਿਗਰਟ ਉੱਤੇ ਵੀ ਉਤਪਾਦ ਡਿਊਟੀ ਵਧੇਗੀ
ਸਰਕਾਰ ਨੇ ਸਿਗਰਟ ਦੇ ਸ਼ੌਕੀਨਾਂ ਨੂੰ ਵੀ ਝਟਕਾ ਦਿੱਤਾ ਹੈ। 1 ਅਪ੍ਰੈਲ ਤੋਂ ਸਿਗਰਟ ਉੱਤੇ ਉਤਪਾਦ ਡਿਊਟੀ ਵੀ 215 ਰੁਪਏ ਪ੍ਰਤੀ 1000 ਤੋਂ ਵਧ ਕੇ 311 ਰੁਪਏ ਪ੍ਰਤੀ ਇਕ ਹਜ਼ਾਰ ਰੁਪਏ ਹੋ ਜਾਵੇਗਾ। ਯਾਨੀ ਕੰਪਨੀਆਂ ਨੂੰ ਪ੍ਰਤੀ ਇਕ ਹਜ਼ਾਰ ਸਿਗਰਟ ਦੇ ਉਤਪਾਦਨ ਉੱਤੇ ਸਰਕਾਰ ਨੂੰ 96 ਰੁਪਏ ਜ਼ਿਆਦਾ ਉਤਪਾਦ ਡਿਊਟੀ ਦਾ ਭੁਗਤਾਨ ਕਰਨਾ ਪਵੇਗਾ। ਇਸ ਦਾ ਸਿੱਧਾ ਅਸਰ ਖਪਤਕਾਰਾਂ ਉੱਤੇ ਪੈ ਸਕਦਾ ਹੈ ਅਤੇ ਕੰਪਨੀਆਂ ਆਪਣੇ ਉਤਪਾਦ ਦੀਆਂ ਕੀਮਤਾਂ ਵਿਚ ਵਾਧਾ ਕਰ ਸਕਦੀਆਂ ਹਨ।
ਇਹ ਵੀ ਪੜ੍ਹੋ : ਘਟਣਗੇ ਇਨ੍ਹਾਂ ਦਾਲਾਂ ਦੇ ਰੇਟ , ਸਰਕਾਰ ਨੇ ਦਰਾਮਦ ਨੂੰ ‘ਫ੍ਰੀ ਰੇਂਜ’ ਵਿਚ ਰੱਖਣ ਦਾ ਕੀਤਾ ਫੈਸਲਾ
ਪਹਿਲਾਂ ਤੋਂ ਹੀ ਵਸੂਲਿਆ ਜਾ ਰਿਹਾ ਜ਼ਿਆਦਾ ਟੈਕਸ ਅਤੇ ਸੈੱਸ
ਜੀ. ਐੱਸ. ਟੀ. ਕਾਨੂੰਨ ਤਹਿਤ ਤੰਬਾਕੂ, ਪਾਨ-ਮਸਾਲਾ ਅਤੇ ਸਿਗਰਟ ਵਰਗੇ ਉਤਪਾਦਾਂ ਨੂੰ ਨੁਕਸਾਨਦਾਇਕ ਪ੍ਰਾਡਕਟ ਦੀ ਸ਼੍ਰੇਣੀ ਵਿਚ ਰੱਖਿਆ ਗਿਆ ਹੈ। ਲਿਹਾਜ਼ਾ ਸਰਕਾਰ ਇਸ ਉੱਤੇ ਜੀ. ਐੱਸ. ਟੀ. ਦੀ ਸਭ ਤੋਂ ਉੱਚੀ 28 ਫੀਸਦੀ ਦੀ ਦਰ ਨਾਲ ਟੈਕਸ ਵਸੂਲਦੀ ਹੈ। ਇੰਨਾ ਹੀ ਨਹੀਂ ਇਨ੍ਹਾਂ ਉਤਪਾਦਾਂ ਉੱਤੇ 4 ਫੀਸਦੀ ਦਾ ਸੈੱਸ ਯਾਨੀ ਉਪਕਰ ਵੀ ਵਸੂਲਿਆ ਜਾਂਦਾ ਹੈ। ਇਸ ਦਾ ਮਤਲੱਬ ਹੈ ਕਿ ਤੰਬਾਕੂ, ਪਾਨ-ਮਸਾਲਾ ਅਤੇ ਸਿਗਰਟ ਵਰਗੇ ਉਤਪਾਦ ਪਹਿਲਾਂ ਹੀ ਭਾਰੀ-ਭਰਕਮ ਟੈਕਸ ਦੇ ਦਬਾਅ ਨਾਲ ਜੂਝ ਰਹੇ ਹਨ। ਨਵੇਂ ਵਿੱਤੀ ਸਾਲ ਤੋਂ ਉਤਪਾਦ ਡਿਊਟੀ ਵਿਚ ਇਜ਼ਾਫੇ ਤੋਂ ਬਾਅਦ ਇਨ੍ਹਾਂ ਦੇ ਖਪਤਕਾਰਾਂ ਦੀ ਜੇਬ ਹੋਰ ਢਿੱਲੀ ਹੋਣ ਵਾਲੀ ਹੈ।
ਇਹ ਵੀ ਪੜ੍ਹੋ : ਤਾਲਿਬਾਨ ਨੇ BBC ਨਿਊਜ਼ ਪ੍ਰਸਾਰਣ ਅਤੇ ਵਾਇਸ ਆਫ਼ ਅਮਰੀਕਾ 'ਤੇ ਲਗਾਈ ਪਾਬੰਦੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।