ਭਾਰਤ ''ਚ ਵਿੱਤੀ ਸਾਲ-24 ''ਚ 33 ਫ਼ੀਸਦੀ ਤੱਕ ਡਿੱਗ ਸਕਦੀ ਹੈ ਯੂਰੀਆ ਦੀ ਦਰਾਮਦ
03/25/2023 4:10:38 PM
ਨਵੀਂ ਦਿੱਲੀ - ਵਿੱਤੀ ਸਾਲ 24 'ਚ ਯੂਰੀਆ ਦੀ ਦਰਾਮਦ 40-50 ਲੱਖ ਟਨ ਹੋ ਸਕਦੀ ਹੈ। ਇਹ ਵਿੱਤੀ ਸਾਲ ਲਈ 7.5 ਮਿਲੀਅਨ ਟਨ ਦੇ ਸੋਧੇ ਅਨੁਮਾਨ ਤੋਂ ਘੱਟ ਹੈ। ਵਪਾਰ ਅਤੇ ਉਦਯੋਗ ਨਾਲ ਜੁੜੇ ਸੂਤਰਾਂ ਅਨੁਸਾਰ ਵਿੱਤੀ ਸਾਲ 24 'ਚ ਯੂਰੀਆ ਦੀ ਦਰਾਮਦ 'ਚ 33 ਫੀਸਦੀ ਦੀ ਗਿਰਾਵਟ ਦਾ ਅਨੁਮਾਨ ਹੈ। ਦਰਾਮਦ ਘਟਣ ਨਾਲ ਨਵੇਂ ਪਲਾਂਟਾਂ ਵਿੱਚ ਘਰੇਲੂ ਉਤਪਾਦਨ ਸਮਰੱਥਾ ਵਧੇਗੀ ਅਤੇ ਨੈਨੋ ਯੂਰੀਆ ਦੀ ਵਰਤੋਂ ਵੀ ਵਧੇਗੀ।
ਇਹ ਵੀ ਪੜ੍ਹੋ : ਇਸ ਸੂਬੇ ਨੇ ਫ਼ਸਲਾਂ ਦੇ ਨੁਕਸਾਨ ਲਈ 10 ਹਜ਼ਾਰ ਰੁਪਏ ਪ੍ਰਤੀ ਏਕੜ ਮੁਆਵਜ਼ੇ ਦਾ ਕੀਤਾ ਐਲਾਨ
ਸੂਤਰਾਂ ਮੁਤਾਬਕ ਵਿੱਤੀ ਸਾਲ 24 'ਚ 10 ਤੋਂ 15 ਲੱਖ ਟਨ ਅਨੁਮਾਨਿਤ ਦਰਾਮਦ ਲੰਬੇ ਸਮੇਂ ਦੇ ਸਮਝੌਤੇ ਅਧੀਨ ਹੈ। ਉਦਯੋਗਿਕ ਸੂਤਰਾਂ ਅਨੁਸਾਰ ਭਾਰਤ ਨੇ ਵਿੱਤੀ ਸਾਲ 22 ਦੇ ਅਪ੍ਰੈਲ ਤੋਂ ਫਰਵਰੀ ਮਹੀਨਿਆਂ ਦੌਰਾਨ ਲਗਭਗ 81 ਲੱਖ ਟਨ ਯੂਰੀਆ ਦੀ ਦਰਾਮਦ ਕੀਤੀ ਸੀ। ਇਸ ਵਿੱਤੀ ਸਾਲ ਦੀ ਰਿਪੋਰਟਿੰਗ ਮਿਆਦ 'ਚ ਇਹ ਲਗਭਗ 74 ਲੱਖ ਟਨ ਸੀ।
ਵਪਾਰ ਅਤੇ ਉਦਯੋਗ ਦੇ ਸੂਤਰਾਂ ਅਨੁਸਾਰ ਵਿੱਤੀ ਸਾਲ 24 ਵਿੱਚ ਘਰੇਲੂ ਉਤਪਾਦਨ 30 ਮਿਲੀਅਨ ਟਨ ਰਹਿਣ ਦਾ ਅਨੁਮਾਨ ਹੈ। ਇਹ ਵਿੱਤੀ ਸਾਲ 23 ਦੇ 28 ਮਿਲੀਅਨ ਟਨ ਤੋਂ ਵੱਧ ਸੀ। ਹਾਲਾਂਕਿ ਖਪਤ 3.3 ਤੋਂ 3.5 ਕਰੋੜ ਟਨ ਹੋਣ ਦਾ ਅਨੁਮਾਨ ਹੈ। ਇਸ ਲਈ, ਉਤਪਾਦਨ ਅਤੇ ਮੰਗ ਵਿਚਲਾ ਪਾੜਾ ਦਰਾਮਦ ਦੁਆਰਾ ਪੂਰਾ ਕੀਤਾ ਜਾਵੇਗਾ।
ਉਦਯੋਗ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ, ''ਯੂਰੀਆ ਦੀ ਖਪਤ ਆਉਣ ਵਾਲੇ ਮਹੀਨਿਆਂ 'ਚ ਮੌਸਮ ਅਤੇ ਚੰਗੇ ਮਾਨਸੂਨ 'ਤੇ ਨਿਰਭਰ ਕਰੇਗੀ। ਲ ਨੀਨੋ ਕਾਰਨ ਕਾਸ਼ਤ ਵਾਲੇ ਰਕਬੇ ਵਿੱਚ ਕਮੀ ਆਉਣ ਕਾਰਨ ਯੂਰੀਆ ਦੀ ਖਪਤ ਉੱਤੇ ਵੀ ਮਾੜਾ ਅਸਰ ਪਵੇਗਾ।
ਯੂਰੀਆ ਦੇਸ਼ ਵਿੱਚ ਸਭ ਤੋਂ ਵੱਧ ਵਰਤੀ ਜਾਣ ਵਾਲੀ ਖਾਦ ਹੈ। ਇਸ ਤੋਂ ਬਾਅਦ ਡੀ ਅਮੋਨੀਅਮ ਸਲਫੇਟ (ਡੀਏਪੀ) ਹੈ। ਸਰਕਾਰ ਨੇ ਯੂਰੀਆ ਦੀ ਕੀਮਤ 'ਤੇ ਵੱਡੀ ਰਿਆਇਤ ਦਿੱਤੀ ਹੈ। ਇਸ ਵਿੱਤੀ ਸਾਲ ਦੌਰਾਨ ਅਪ੍ਰੈਲ ਤੋਂ ਫਰਵਰੀ ਦੌਰਾਨ ਯੂਰੀਆ ਦਾ ਉਤਪਾਦਨ ਲਗਭਗ 261.1 ਲੱਖ ਟਨ ਰਿਹਾ। ਇਹ ਪਿਛਲੇ ਸਾਲ ਦੀ ਸਮੀਖਿਆ ਅਧੀਨ ਮਿਆਦ ਨਾਲੋਂ 14 ਫੀਸਦੀ ਜ਼ਿਆਦਾ ਹੈ। ਅਪ੍ਰੈਲ ਤੋਂ ਫਰਵਰੀ ਦੇ ਦੌਰਾਨ ਘਰੇਲੂ ਖਪਤ ਸਮੇਤ ਵਿਕਰੀ 341.7 ਲੱਖ ਟਨ ਰਹਿਣ ਦਾ ਅਨੁਮਾਨ ਹੈ। ਇਸ ਲਈ ਪਿਛਲੇ ਸਾਲ ਦੀ ਸਮੀਖਿਆ ਅਧੀਨ ਮਿਆਦ ਦੌਰਾਨ ਵਿਕਰੀ 6 ਫੀਸਦੀ ਵੱਧ ਸੀ।
ਇਹ ਵੀ ਪੜ੍ਹੋ : 7 ਲੱਖ ਤੋਂ ਜ਼ਿਆਦਾ ਆਮਦਨ ਵਾਲਿਆਂ ਨੂੰ ਨਵੇਂ ਟੈਕਸ ਰਿਜਿਸ ਦੇ ਤਹਿਤ ਵਿੱਤ ਮੰਤਰੀ ਨੇ ਦਿੱਤੀ ਰਾਹਤ
ਖਾਦ ਮੰਤਰੀ ਮਨਸੁਖ ਮੰਡਾਵੀਆ ਨੇ ਬੁੱਧਵਾਰ ਨੂੰ ਕਿਹਾ ਕਿ ਦੇਸ਼ ਨੂੰ ਸਾਉਣੀ ਦੀ ਫਸਲ ਦੀ ਮੰਗ ਨੂੰ ਪੂਰਾ ਕਰਨ ਲਈ ਹਾਜ਼ਿਰ ਬਾਜ਼ਾਰ ਤੋਂ ਯੂਰੀਆ ਦਰਾਮਦ ਕਰਨ ਦੀ ਜ਼ਰੂਰਤ ਨਹੀਂ ਹੋਵੇਗੀ। ਹਾਲਾਂਕਿ ਲੰਬੇ ਸਮੇਂ ਲਈ ਯੂਰੀਆ ਦੀ ਦਰਾਮਦ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਘਰੇਲੂ ਉਤਪਾਦਨ ਅਤੇ ਲੋੜੀਂਦੇ ਸਟਾਕ ਕਾਰਨ ਸਾਉਣੀ ਦੀ ਫ਼ਸਲ ਲਈ ਯੂਰੀਆ ਦੀ ਕੋਈ ਕਮੀ ਨਹੀਂ ਆਵੇਗੀ।
ਹਾਲਾਂਕਿ, ਉਨ੍ਹਾਂ ਕਿਹਾ ਕਿ ਡੀ.ਏ.ਪੀ. ਦੀ ਕੁਝ ਦਰਾਮਦ ਹੋਵੇਗੀ। ਸਾਉਣੀ ਦੀਆਂ ਫ਼ਸਲਾਂ ਦੀ ਬਿਜਾਈ ਮਾਨਸੂਨ ਦੇ ਸ਼ੁਰੂ ਹੋਣ ਨਾਲ ਸ਼ੁਰੂ ਹੋ ਜਾਂਦੀ ਹੈ। ਮੁੱਖ ਸਾਉਣੀ ਦੀਆਂ ਫਸਲਾਂ ਝੋਨਾ, ਕਪਾਹ, ਦਾਲਾਂ ਅਤੇ ਸੋਇਆਬੀਨ ਹਨ।
ਮਾਂਡਵੀਆ ਨੇ ਦੱਸਿਆ ਕਿ ਸਾਉਣੀ ਲਈ ਯੂਰੀਆ ਦੀ ਲੋੜ 1.8 ਕਰੋੜ ਟਨ ਹੋਣ ਦਾ ਅਨੁਮਾਨ ਸੀ। ਸਾਉਣੀ ਲਈ 1.943 ਕਰੋੜ ਟਨ ਯੂਰੀਆ ਮਿਲੇਗਾ। ਇਸ ਤਹਿਤ ਪਹਿਲੀ ਅਪਰੈਲ ਤੋਂ ਸ਼ੁਰੂਆਤੀ ਸਟਾਕ ਵਿੱਚ 55 ਲੱਖ ਟਨ ਯੂਰੀਆ ਉਪਲਬਧ ਹੋਵੇਗਾ ਅਤੇ ਅਗਲੇ ਛੇ ਮਹੀਨਿਆਂ ਦੌਰਾਨ 1.4 ਕਰੋੜ ਟਨ ਦਾ ਉਤਪਾਦਨ ਹੋਣ ਦੀ ਉਮੀਦ ਹੈ। ਡੀਏਪੀ ਦਾ ਸ਼ੁਰੂਆਤੀ ਸਟਾਕ 25 ਲੱਖ ਟਨ ਹੈ ਅਤੇ ਉਤਪਾਦਨ ਲਗਭਗ 20 ਲੱਖ ਟਨ ਹੋਣ ਦਾ ਅਨੁਮਾਨ ਹੈ।
ਇਹ ਵੀ ਪੜ੍ਹੋ : ਕੌਣ ਹੈ ਅੰਮ੍ਰਿਤਾ ਆਹੂਜਾ? ਜਿਸਦਾ ਹਿੰਡਨਬਰਗ ਦੀ ਨਵੀਂ ਰਿਪੋਰਟ 'ਚ ਆਇਆ ਨਾਮ, ਜਾਣੋ ਕਿਹੜੇ ਲੱਗੇ ਦੋਸ਼
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।