Fitch ਨੇ ਭਾਰਤ ਦੀ ਰੇਟਿੰਗ ਘਟਾਈ, ਕਿਹਾ-ਮਹਾਮਾਰੀ ਕਾਰਨ ਰਿਕਵਰੀ ਵਿਚ ਹੋਵੇਗੀ ਦੇਰੀ
04/23/2021 2:00:47 PM
ਨਵੀਂ ਦਿੱਲੀ - ਕ੍ਰੈਡਿਟ ਰੇਟਿੰਗ ਏਜੰਸੀ ਫਿਚ ਰੇਟਿੰਗਜ਼ ਨੇ ਭਾਰਤ ਲਈ ਸਾਵਰੇਨ ਰੇਟਿੰਗ ਨੂੰ ਬੀਬੀਬੀ-ਮਾਈਨਸ ਰੱਖਿਆ ਹੈ। ਫਿਚ ਨੇ ਵਿੱਤੀ ਸਾਲ 2021-22 (FY22) ਲਈ ਜੀ.ਡੀ.ਪੀ. ਵਿਕਾਸ ਦਰ 12.8 ਪ੍ਰਤੀਸ਼ਤ ਰਹਿਣ ਦੀ ਭਵਿੱਖਬਾਣੀ ਕੀਤੀ ਹੈ। ਉਸਨੇ ਇਹ ਵੀ ਕਿਹਾ ਕਿ ਕੋਰੋਨਾ ਵਾਇਰਸ ਦੇ ਮਾਮਲਿਆਂ ਵਿਚ ਤੇਜ਼ੀ ਨਾਲ ਜੀਡੀਪੀ ਦੀ ਰਿਕਵਰੀ ਵਿਚ ਦੇਰੀ ਕਰ ਸਕਦੀ ਹੈ, ਪਰ ਇਹ ਆਰਥਿਕਤਾ ਦੇ ਵਿਕਾਸ ਦੇ ਚੱਕਰ ਨੂੰ ਪਟੜੀ ਤੋਂ ਨਹੀਂ ਉਤਾਰੇਗੀ।
ਫਿਚ ਨੇ ਆਉਟਲੁੱਕ ਨੂੰ ਨਕਾਰਾਤਮਕ ਰੱਖਿਆ ਹੈ। ਇਹ ਕਰਜ਼ੇ ਦੇ ਵਾਧੇ ਬਾਰੇ ਲੰਬੇ ਸਮੇਂ ਦੀ ਅਨਿਸ਼ਚਿਤਤਾ ਦੀ ਸਥਿਤੀ ਨੂੰ ਦਰਸਾਉਂਦਾ ਹੈ। ਰੇਟਿੰਗ ਏਜੰਸੀ ਨੇ ਕਿਹਾ, 'ਸਾਡਾ ਅਨੁਮਾਨ ਹੈ ਕਿ ਵਿੱਤੀ 2021-22 ਵਿਚ ਜੀ.ਡੀ.ਪੀ. ਦੀ ਵਾਧਾ ਦਰ 12.8 ਪ੍ਰਤੀਸ਼ਤ ਰਹੇਗੀ, ਜੋ 2022-23 ਵਿਚ ਘੱਟ ਕੇ 5.8 ਪ੍ਰਤੀਸ਼ਤ ਹੋ ਜਾਵੇਗੀ। ਰੇਟਿੰਗ ਏਜੰਸੀ ਨੇ ਕਿਹਾ ਵਿੱਤੀ ਸਾਲ 2020-21 ਵਿਚ ਵਿਕਾਸ ਦਰ 'ਚ 7.5 ਪ੍ਰਤੀਸ਼ਤ ਗਿਰਾਵਟ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ : FB ਅਤੇ Whatsapp ਨੂੰ ਦਿੱਲੀ ਹਾਈ ਕੋਰਟ ਤੋਂ ਝਟਕਾ, ਪਰਾਈਵੇਸੀ ਪਾਲਸੀ 'ਤੇ ਨਹੀਂ ਮਿਲੀ ਰਾਹਤ
ਹਾਲਾਂਕਿ ਕੋਰੋਨਾ ਵਾਇਰਸ ਦੀ ਲਾਗ ਦੇ ਮਾਮਲਿਆਂ ਵਿਚ ਵਾਧੇ ਨਾਲ 2021-22 ਦੇ ਦ੍ਰਿਸ਼ ਨੂੰ ਤੇਜ਼ੀ ਨਾਲ ਕਮਜ਼ੋਰ ਹੋਣ ਦਾ ਜੋਖ਼ਮ ਹੈ। ਲਾਗ ਦੇ ਮਾਮਲਿਆਂ ਵਿਚ ਵਾਧੇ ਨਾਲ ਮੁੜ ਸੁਰਜੀਤੀ ਵਿਚ ਦੇਰੀ ਹੋ ਸਕਦੀ ਹੈ, ਪਰ ਆਰਥਿਕਤਾ ਦੇ ਵਿਕਾਸ ਦੇ ਪਟੜੀ ਤੋਂ ਉਤਰਨ ਦੀ ਕੋਈ ਸੰਭਾਵਨਾ ਨਹੀਂ ਹੈ।'
ਫਿਚ ਦਾ ਮੰਨਣਾ ਹੈ ਕਿ ਮਹਾਂਮਾਰੀ ਨਾਲ ਸਬੰਧਤ ਪਾਬੰਦੀਆਂ ਸਥਾਨਕ ਪੱਧਰ 'ਤੇ ਸੀਮਿਤ ਰਹਿਣਗੀਆਂ ਅਤੇ 2020 ਵਿਚ ਰਾਸ਼ਟਰੀ ਪੱਧਰ 'ਤੇ ਲਗਾਈਆਂ ਗਈਆਂ ਤਾਲਾਬੰਦੀਆਂ ਪਾਬੰਦੀਆਂ ਨਾਲੋਂ ਘੱਟ ਸਖਤ ਹੋਣਗੀਆਂ। ਇਸ ਦੇ ਨਾਲ ਹੀ ਟੀਕਾਕਰਨ ਮੁਹਿੰਮ ਨੂੰ ਤੇਜ਼ ਕੀਤਾ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ : ਕੋਰੋਨਾ ਟੀਕਾਕਰਨ ਮਗਰੋਂ ਲੋਕਾਂ ਵਿਚ ਦਿਖਾਈ ਦੇ ਰਹੇ ਅਸਾਧਾਰਣ ਲੱਛਣ, ਜਾਰੀ ਹੋ ਸਕਦੇ ਨੇ ਨਵੇਂ ਦਿਸ਼ਾ ਨਿਰਦੇਸ਼
ਕੇਅਰ ਰੇਟਿੰਗਜ਼ ਨੇ ਭਾਰਤ ਦੀ ਆਰਥਿਕ ਵਿਕਾਸ ਦੀ ਭਵਿੱਖਬਾਣੀ ਨੂੰ 10.2% ਤੱਕ ਘਟਾ ਦਿੱਤਾ
ਇਹ ਧਿਆਨ ਦੇਣ ਯੋਗ ਹੈ ਕਿ ਰੇਟਿੰਗ ਏਜੰਸੀ ਕੇਅਰ ਰੇਟਿੰਗਜ਼ ਨੇ ਵਿੱਤੀ ਸਾਲ 2021-22 ਲਈ ਭਾਰਤ ਦੇ ਜੀ.ਡੀ.ਪੀ. ਦੇ ਵਾਧੇ ਨੂੰ ਘਟਾ 10.2 ਪ੍ਰਤੀਸ਼ਤ ਕਰ ਦਿੱਤਾ ਹੈ। ਪਹਿਲਾਂ ਵਿਕਾਸ ਦਰ 10.7 ਤੋਂ 10.9 ਪ੍ਰਤੀਸ਼ਤ ਤੱਕ ਰਹਿਣ ਦੀ ਉਮੀਦ ਕੀਤੀ ਗਈ ਸੀ।
ਐੱਸ.ਐਂਡ.ਪੀ. ਗਲੋਬਲ ਰੇਟਿੰਗਸ ਨੇ ਵਿੱਤੀ ਸਾਲ 22 ਵਿਚ ਕੀਤੀ 11% ਦੇ ਵਾਧੇ ਦੀ ਭਵਿੱਖਬਾਣੀ
ਇਹ ਜ਼ਿਕਰਯੋਗ ਹੈ ਕਿ ਐਸ ਐਂਡ ਪੀ ਗਲੋਬਲ ਰੇਟਿੰਗਸ (S&P Global Ratings) ਨੇ ਚਾਲੂ ਵਿੱਤੀ ਸਾਲ 2021-22 ਵਿਚ ਭਾਰਤੀ ਅਰਥਵਿਵਸਥਾ ਦੀ ਵਾਧਾ ਦਰ 11 ਫ਼ੀਸਦੀ ਰਹਿਣ ਦਾ ਅੰਦਾਜ਼ਾ ਲਗਾਇਆ ਹੈ। ਇਸ ਦੇ ਨਾਲ ਹੀ ਉਸਨੇ ਵਿਆਪਕ ਤਾਲਾਬੰਦੀ ਦੇ ਅਰਥਵਿਵਸਥਾ ਦੇ ਪ੍ਰਭਾਵ ਨੂੰ ਲੈ ਕੇ ਖਦਸ਼ਾ ਜ਼ਾਹਰ ਕੀਤਾ ਹੈ।
ਇਹ ਵੀ ਪੜ੍ਹੋ : ਬੱਚੇ ਦੀ ਜਾਨ ਬਚਾਉਣ ਵਾਲੇ ਰੇਲਵੇ ਦੇ Pointsman ਨੂੰ ਆਨੰਦ ਮਹਿੰਦਰਾ ਦਾ ਸਲਾਮ, ਟਵੀਟ ਕਰ ਆਖੀ ਇਹ ਗੱਲ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।