15 ਫਰਵਰੀ ਤੋਂ ਸਾਰੇ ਵਾਹਨਾਂ 'ਚ ਫਾਸਟੈਗ ਹੋਵੇਗਾ ਲਾਜ਼ਮੀ, ਜਾਣਕਾਰੀ ਨਾ ਹੋਣ ਤੇ ਭਰਨਾ ਪੈ ਸਕਦਾ ਹੈ ਦੁੱਗਣਾ ਜੁਰਮਾਨਾ
02/14/2021 6:01:30 PM
ਨਵੀਂ ਦਿੱਲੀ - ਸੋਮਵਾਰ 15 ਫਰਵਰੀ ਭਾਵ ਕੱਲ੍ਹ ਤੋਂ ਦੇਸ਼ ਭਰ ਵਿਚ ਫਾਸਟੈਗ ਲਾਜ਼ਮੀ ਹੋ ਜਾਵੇਗਾ। ਦੋਪਹੀਆ ਵਾਹਨਾਂ ਨੂੰ ਛੱਡ ਕੇ ਹਰ ਤਰਾਂ ਦੇ ਵਾਹਨਾਂ ਵਿਚ ਫਾਸਟੈਗ ਲਗਾਉਣਾ ਜ਼ਰੂਰੀ ਹੋਵੇਗਾ। ਵਾਹਨ 'ਤੇ ਫਾਸਟੈਗ ਨਾ ਲੱਗਾ ਹੋਣ ਦੀ ਸਥਿਤੀ 'ਚ ਡਰਾਈਵਰ / ਚਾਲਕ ਨੂੰ ਟੋਲ ਪਲਾਜ਼ਾ ਪਾਰ ਕਰਨ 'ਤੇ ਦੋਹਰਾ/ਦੁੱਗਣਾ ਟੋਲ ਟੈਕਸ ਜਾਂ ਜੁਰਮਾਨਾ ਦੇਣਾ ਪਵੇਗਾ।
ਫਾਸਟੈਗ ਕੀ ਹੈ?
ਫਾਸਟੈਗ ਟੈਗ ਇਕ ਕਿਸਮ ਦਾ ਟੈਗ ਜਾਂ ਸਟਿੱਕਰ ਹੁੰਦਾ ਹੈ। ਇਸ ਨੂੰ ਵਾਹਨ ਦੀ ਵਿੰਡਸਕਰੀਨ 'ਤੇ ਲਗਾਉਣਾ ਹੁੰਦਾ ਹੈ। ਫਾਸਟੈਗ ਰੇਡੀਓ ਬਾਰੰਬਾਰਤਾ ਪਛਾਣ ਜਾਂ ਆਰ.ਐਫ.ਆਈ.ਡੀ. ਤਕਨਾਲੋਜੀ 'ਤੇ ਕੰਮ ਕਰਦਾ ਹੈ। ਇਸ ਤਕਨਾਲੋਜੀ ਦੇ ਜ਼ਰੀਏ, ਟੋਲ ਪਲਾਜ਼ਾ 'ਤੇ ਲੱਗੇ ਕੈਮਰੇ ਸਟਿੱਕਰਾਂ ਦਾ ਬਾਰ ਕੋਡ ਸਕੈਨ ਕਰਦੇ ਹਨ ਅਤੇ ਟੋਲ ਫੀਸ ਆਪਣੇ ਆਪ ਹੀ ਫਾਸਟੈਗ ਦੇ ਵਾਲਿਟ ਵਿਚੋਂ ਕੱਟ ਲਈ ਜਾਂਦੀ ਹੈ। ਫਾਸਟੈਗ ਦੀ ਵਰਤੋਂ ਕਰਨ ਨਾਲ ਡਰਾਈਵਰ ਨੂੰ ਟੋਲ ਟੈਕਸ ਅਦਾ ਕਰਨ ਲਈ ਵਾਹਨ ਨੂੰ ਰੋਕਣਾ ਨਹੀਂ ਪੈਂਦਾ ਜਿਸ ਕਾਰਨ ਵਾਹਨ ਚਾਲਕ ਦੇ ਸਮੇਂ ਦੀ ਬਚਤ ਹੁੰਦੀ ਹੈ।
ਇਹ ਵੀ ਪੜ੍ਹੋ : ਇਸ ਸਾਲ ਗਰਮੀ ਕੱਢੇਗੀ ਵੱਟ, ਇਸ ਕਾਰਨ ਵਧ ਸਕਦੀਆਂ ਹਨ Fridge-AC ਦੀਆਂ ਕੀਮਤਾਂ
ਤੁਸੀਂ ਫਾਸਟੈਗ ਕਿੱਥੋਂ ਲੈ ਸਕਦੇ ਹੋ?
ਫਾਸਟੈਗ ਨੂੰ ਆਨਲਾਈਨ ਅਤੇ ਆਫਲਾਈਨ ਦੋਵੇਂ ਤਰੀਕਿਆਂ ਨਾਲ ਖਰੀਦਿਆ ਜਾ ਸਕਦਾ ਹੈ। ਫਾਸਟੈਗ ਕਿਸੇ ਵੀ ਅਧਿਕਾਰਤ ਬੈਂਕ ਜਾਂ ਈ-ਕਾਮਰਸ ਪਲੇਟਫਾਰਮ ਜਿਵੇਂ ਕਿ ਐਮਾਜ਼ੋਨ, ਫਲਿੱਪਕਾਰਟ ਅਤੇ ਪੇਟੀਐਮ ਤੋਂ ਆਨਲਾਈਨ ਖਰੀਦਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ 23 ਅਧਿਕਾਰਤ ਬੈਂਕ ਰੋਡ ਟਰਾਂਸਪੋਰਟ ਦਫਤਰ ਦੇ ਪੁਆਇੰਟ ਆਫ ਸੇਲ ਤੋਂ ਵੀ ਫਾਸਟੈਗ ਲੈ ਸਕਦੇ ਹੋ। ਐਨ.ਐਚ.ਏ.ਆਈ. ਦੇ ਅਨੁਸਾਰ ਫਾਸਟੈਗਸ ਦੇਸ਼ ਭਰ ਵਿਚ ਵਿਕਰੀ ਦੇ 30,000 ਪੁਆਇੰਟ (ਪੀ.ਓ.ਐਸ.) 'ਤੇ ਉਪਲਬਧ ਹਨ।
ਇਹ ਵੀ ਪੜ੍ਹੋ : ਜਾਣੋ ਕਿਵੇਂ ਲੀਕ ਹੋ ਰਿਹੈ Koo ਐਪ ਤੋਂ ਉਪਭੋਗਤਾਵਾਂ ਦਾ ਡਾਟਾ, ਚੀਨੀ ਕੁਨੈਕਸ਼ਨ ਵੀ ਆਇਆ ਸਾਹਮਣੇ
ਫਾਸਟੈਗ ਖਰੀਦਣ ਲਈ ਕਿਹੜੇ ਦਸਤਾਵੇਜ਼ ਲੋੜੀਂਦੇ ਹਨ?
ਫਾਸਟੈਗ ਨੂੰ ਡਰਾਈਵਰ ਲਾਇਸੈਂਸ ਅਤੇ ਵਾਹਨ ਰਜਿਸਟ੍ਰੇਸ਼ਨ ਸਰਟੀਫਿਕੇਟ ਦੀ ਇਕ ਕਾੱਪੀ ਜਮ੍ਹਾਂ ਕਰਕੇ ਖਰੀਦਿਆ ਜਾ ਸਕਦਾ ਹੈ। ਬੈਂਕ ਕੇ.ਵਾਈ.ਸੀ. ਲਈ ਪੈਨ ਕਾਰਡ ਅਤੇ ਉਪਭੋਗਤਾਵਾਂ ਦੇ ਆਧਾਰ ਕਾਰਡ ਦੀ ਕਾੱਪੀ ਵੀ ਮੰਗਦੇ ਹਨ।
ਫਾਸਟੈਗ ਰਿਚਾਰਜ ਕਿਵੇਂ ਕਰੀਏ?
ਜਿਸ ਬੈਂਕ ਕੋਲੋਂ ਫਾਸਟੈਗ ਖਰੀਦਿਆ ਹੈ ਉਸ ਦੀ ਵੈਬਸਾਈਟ 'ਤੇ ਜਾ ਕੇ ਆਨਲਾਈਨ ਰਿਚਾਰਜ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ, ਯੂਪੀਆਈ / ਡੈਬਿਟ ਕਾਰਡ / ਕ੍ਰੈਡਿਟ ਕਾਰਡ / ਐਨ.ਈ.ਐਫ.ਟੀ. / ਨੈੱਟ ਬੈਂਕਿੰਗ ਆਦਿ ਦੁਆਰਾ ਰੀਚਾਰਜ ਕੀਤਾ ਜਾ ਸਕਦਾ ਹੈ। ਜੇ ਫਾਸਟੈਗ ਬੈਂਕ ਖਾਤੇ ਨਾਲ ਜੁੜਿਆ ਹੋਇਆ ਹੈ ਤਾਂ ਖਾਤੇ ਵਿਚੋਂ ਪੈਸੇ ਸਿੱਧੇ ਕੱਟ ਦਿੱਤੇ ਜਾਣਗੇ। ਜੇ ਪੇਟੀਐਮ ਵਾਲਿਟ ਫਾਸਟੈਗ ਨਾਲ ਜੁੜਿਆ ਹੋਇਆ ਹੈ ਤਾਂ ਸਿੱਧੇ ਵਾਲਿਟ ਵਿਚੋਂ ਪੈਸੇ ਇਸ ਵਿਚ ਪਾਏ ਜਾ ਸਕਦੇ ਹਨ।
ਇਹ ਵੀ ਪੜ੍ਹੋ : ਹੁਣ ਫਟਾਫਟ ਬੁੱਕ ਹੋਵੇਗੀ ਟ੍ਰੇਨ ਦੀ ਟਿਕਟ, IRCTC ਨੇ ਸ਼ੁਰੂ ਕੀਤਾ ਆਪਣਾ ਭੁਗਤਾਨ ਗੇਟਵੇ
ਫਾਸਟੈਗ ਕੀਮਤ?
ਨੈਸ਼ਨਲ ਪੇਮੈਂਟ ਕਾਰਪੋਰੇਸ਼ਨ ਆਫ ਇੰਡੀਆ ਨੇ ਫਾਸਟੈਗ ਦੀ ਕੀਮਤ 100 ਰੁਪਏ ਨਿਰਧਾਰਤ ਕੀਤੀ ਹੈ। ਇਸ ਤੋਂ ਇਲਾਵਾ 200 ਰੁਪਏ ਦੀ ਸਿਕਿਓਰਿਟੀ ਡਿਪਾਜ਼ਿਟ ਦਾ ਭੁਗਤਾਨ ਕਰਨਾ ਪਏਗਾ। ਹਾਲਾਂਕਿ ਹਰੇਕ ਬੈਂਕ ਦੀ ਦਰ ਵੱਖ-ਵੱਖ ਹੋ ਸਕਦੀ ਹੈ।
ਕੀ ਫਾਸਟੈਗ ਜ਼ਰੂਰੀ ਹੈ?
ਟੋਲ ਪਲਾਜ਼ਾ ਪਾਰ ਕਰਨ ਲਈ ਫਾਸਟੈਗ ਜ਼ਰੂਰੀ ਹੈ। 1 ਅਪ੍ਰੈਲ ਤੋਂ ਸਰਕਾਰ ਤੀਜੀ ਧਿਰ ਬੀਮਾ ਖਰੀਦਣ ਲਈ ਫਾਸਟੈਗ ਨੂੰ ਲਾਜ਼ਮੀ ਕਰਨ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : ਜਿਸ ਕੰਪਨੀ ਨੂੰ ਵੇਚਣ ਵਾਲੀ ਹੈ ਮੋਦੀ ਸਰਕਾਰ, ਉਸ ਨੂੰ ਹੋਇਆ 2,777.6 ਕਰੋੜ ਰੁਪਏ ਦਾ ਮੁਨਾਫਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।