ਭਾਰਤ ''ਚ ਸਤੰਬਰ ਤਿਮਾਹੀ ਦੌਰਾਨ 85 ਕਰੋੜ ਡਾਲਰ ਦੇ 8 IPO ਆਏ: ਰਿਪੋਰਟ
10/18/2020 7:00:25 PM
ਨਵੀਂ ਦਿੱਲੀ — ਅਰਨਸਟ ਐਂਡ ਯੰਗ (ਈ.ਵਾਈ.) ਦੀ ਇਕ ਰਿਪੋਰਟ ਅਨੁਸਾਰ ਅੱਠ ਭਾਰਤੀ ਕੰਪਨੀਆਂ ਨੇ ਸਤੰਬਰ 2020 ਦੀ ਤਿਮਾਹੀ ਦੌਰਾਨ 85 ਕਰੋੜ ਡਾਲਰ (6242.5 ਕਰੋੜ ਰੁਪਏ) ਦੇ ਆਈ.ਪੀ.ਓ. ਜਾਰੀ ਕੀਤੇ ਅਤੇ ਚਾਲੂ ਵਿੱਤੀ ਸਾਲ ਦਾ ਦੂਜਾ ਛਿਮਾਹੀ ਪ੍ਰਾਇਮਰੀ ਬਾਜ਼ਾਰ ਤੋਂ ਫੰਡ ਇਕੱਠਾ ਕਰਨ ਦੇ ਮਾਮਲੇ ਵਿਚ 'ਬਹੁਤ ਵਧੀਆ' ਰਿਹਾ। ਈਵਾਈ ਇੰਡੀਆ ਦੀ ਆਈ.ਪੀ.ਓ. ਟ੍ਰੈਂਡ ਰਿਪੋਰਟ ਤੀਜੀ ਤਿਮਾਹੀ 2020 ਦੇ ਅਨੁਸਾਰ ਰੀਅਲ ਅਸਟੇਟ, ਪ੍ਰਾਹੁਣਚਾਰੀ, ਨਿਰਮਾਣ, ਤਕਨਾਲੋਜੀ ਅਤੇ ਦੂਰਸੰਚਾਰ ਸਭ ਤੋਂ ਵੱਧ ਕਿਰਿਆਸ਼ੀਲ ਸੈਕਟਰ ਸਨ। ਸੰਖਿਆ ਦੇ ਹਿਸਾਬ ਨਾਲ 2020 ਦੀ ਸਤੰਬਰ ਤਿਮਾਹੀ ਦੌਰਾਨ ਅੱਠ ਸ਼ੁਰੂਆਤੀ ਜਨਤਕ ਪੇਸ਼ਕਸ਼ਾਂ (ਆਈ.ਪੀ.ਓਜ਼.) ਕੀਤੀਆਂ ਗਈਆਂ ਸਨ, ਜੋ ਇਕ ਸਾਲ ਪਹਿਲਾਂ ਦੀ ਮਿਆਦ ਵਿਚ 12 ਸੀ। ਹਾਲਾਂਕਿ ਇਨ੍ਹਾਂ 12 ਆਈ.ਪੀ.ਓ. ਰਾਹੀਂ ਕੁੱਲ 65.19 ਕਰੋੜ ਡਾਲਰ ਇਕੱਠੇ ਕੀਤੇ ਗਏ ਸਨ, ਜਦੋਂ ਕਿ ਮੌਜੂਦਾ ਵਿੱਤੀ ਸਾਲ ਦੀ ਸਤੰਬਰ ਤਿਮਾਹੀ ਦੌਰਾਨ 85 ਕਰੋੜ ਡਾਲਰ ਇਕੱਠੇ ਕੀਤੇ ਗਏ ਸਨ। ਮਾਈਂਡਸਪੇਸ ਬਿਜ਼ਨਸ ਪਾਰਕ ਦਾ ਆਰ.ਈ.ਆਈ.ਟੀ. ਦਾ ਆਈ.ਪੀ.ਓ. ਸਭ ਤੋਂ ਵੱਡਾ ਸੀ ਅਤੇ ਇਸ ਦੇ ਜ਼ਰੀਏ 60.2 ਕਰੋੜ ਅਮਰੀਕੀ ਡਾਲਰ ਇਕੱਠੇ ਕੀਤੇ ਗਏ।