Deloitte ਨੇ ਵਿੱਤੀ ਸਾਲ ਭਾਰਤ ਦੀ GDP ਵਿਕਾਸ ਦਰ 6.6 ਫ਼ੀਸਦੀ ਰਹਿਣ ਦਾ ਲਾਇਆ ਅਨੁਮਾਨ
04/26/2024 3:51:22 PM
ਨਵੀਂ ਦਿੱਲੀ (ਭਾਸ਼ਾ) - ਡੈਲੋਇਟ ਇੰਡੀਆ ਨੇ ਮੌਜੂਦਾ ਵਿੱਤੀ ਸਾਲ 2024-25 ਵਿੱਚ ਭਾਰਤ ਦੀ ਕੁੱਲ ਘਰੇਲੂ ਉਤਪਾਦ (ਜੀਡੀਪੀ) ਵਿਕਾਸ ਦਰ 6.6 ਫ਼ੀਸਦੀ ਰਹਿਣ ਦਾ ਅਨੁਮਾਨ ਲਗਾਇਆ ਹੈ। ਨਿਰਯਾਤ ਵਿੱਚ ਵਾਧਾ ਅਤੇ ਪੂੰਜੀ ਪ੍ਰਵਾਹ ਇਸ ਵਿੱਚ ਮੁੱਖ ਕਾਰਕ ਹੋਣਗੇ। ਡੇਲੋਇਟ ਨੇ ਭਾਰਤ ਦੇ ਆਰਥਿਕ ਦ੍ਰਿਸ਼ਟੀਕੋਣ 'ਤੇ ਆਪਣੀ ਰਿਪੋਰਟ 'ਚ ਕਿਹਾ ਹੈ ਕਿ ਮੱਧ ਆਮਦਨੀ ਸਮੂਹ ਦੀ ਤੇਜ਼ੀ ਨਾਲ ਖਰੀਦ ਸ਼ਕਤੀ ਵਧੀ ਹੈ। ਪ੍ਰੀਮੀਅਮ ਲਗਜ਼ਰੀ ਉਤਪਾਦਾਂ ਅਤੇ ਸੇਵਾਵਾਂ ਦੀ ਮੰਗ ਵੀ ਉੱਠੀ ਹੈ।
ਇਹ ਵੀ ਪੜ੍ਹੋ - Bank Holiday: ਮਈ ਦੇ ਮਹੀਨੇ ਇੰਨੇ ਦਿਨ ਬੰਦ ਰਹਿਣਗੇ ਬੈਂਕ, ਜਲਦੀ ਪੂਰੇ ਕਰ ਲਓ ਆਪਣੇ ਸਾਰੇ ਕੰਮ
ਡੈਲੋਇਟ ਨੇ ਪਿਛਲੇ ਵਿੱਤੀ ਸਾਲ ਲਈ ਭਾਰਤ ਦੇ ਆਰਥਿਕ ਵਿਕਾਸ ਦੇ ਅਨੁਮਾਨ ਨੂੰ 7.6 ਤੋਂ 7.8 ਫ਼ੀਸਦੀ ਦੇ ਵਿਚਕਾਰ ਸੋਧਿਆ ਹੈ। ਜਨਵਰੀ 'ਚ ਕੰਪਨੀ ਨੇ ਵਿੱਤੀ ਸਾਲ 2023-24 'ਚ ਵਿਕਾਸ ਦਰ 6.9 ਤੋਂ 7.2 ਫ਼ੀਸਦੀ ਦੀ ਰੇਂਜ 'ਚ ਰਹਿਣ ਦਾ ਅਨੁਮਾਨ ਲਗਾਇਆ ਸੀ। ਡੇਲੋਇਟ ਨੇ ਆਪਣੇ ਤਿਮਾਹੀ ਆਰਥਿਕ ਦ੍ਰਿਸ਼ਟੀਕੋਣ ਵਿੱਚ ਕਿਹਾ ਕਿ ਦੇਸ਼ ਦੀ ਜੀਡੀਪੀ ਵਾਧਾ ਵਿੱਤੀ ਸਾਲ 2024-25 ਵਿੱਚ ਲਗਭਗ 6.6 ਫ਼ੀਸਦੀ ਅਤੇ ਅਗਲੇ ਸਾਲ 6.75 ਫ਼ੀਸਦੀ ਤੱਕ ਪਹੁੰਚਣ ਦੀ ਉਮੀਦ ਹੈ। ਬਾਜ਼ਾਰ ਆਪਣੇ ਨਿਵੇਸ਼ ਅਤੇ ਖਪਤ ਦੇ ਫ਼ੈਸਲਿਆਂ ਵਿੱਚ ਭੂ-ਰਾਜਨੀਤਿਕ ਅਨਿਸ਼ਚਿਤਤਾਵਾਂ ਨੂੰ ਧਿਆਨ ਵਿੱਚ ਰੱਖਣਾ ਸਿੱਖ ਰਹੇ ਹਨ।
ਇਹ ਵੀ ਪੜ੍ਹੋ - ਕੈਨੇਡਾ 'ਚ ਹਾਦਸੇ ਦੌਰਾਨ ਫਿਰੋਜ਼ਪੁਰ ਦੇ ਨੌਜਵਾਨ ਦੀ ਮੌਤ, ਟਰਾਲੇ ਦੇ ਉੱਡੇ ਪਰਖੱਚੇ, 1 ਸਾਲ ਪਹਿਲਾਂ ਗਿਆ ਸੀ ਵਿਦੇਸ਼
ਡੇਲੋਇਟ ਇੰਡੀਆ ਦੇ ਅਰਥ ਸ਼ਾਸਤਰੀ ਰੁਮਕੀ ਮਜੂਮਦਾਰ ਨੇ ਕਿਹਾ, “ਵਿਸ਼ਵ ਅਰਥਚਾਰੇ ਵਿੱਚ 2025 ਵਿੱਚ ਇੱਕ ਸਮਕਾਲੀ ਤਬਦੀਲੀ ਦੇਖਣ ਦੀ ਉਮੀਦ ਹੈ, ਕਿਉਂਕਿ ਮੁੱਖ ਚੋਣ ਅਨਿਸ਼ਚਿਤਤਾਵਾਂ ਦੂਰ ਹੋ ਜਾਣਗੀਆਂ ਅਤੇ ਪੱਛਮੀ ਕੇਂਦਰੀ ਬੈਂਕ 2024 ਵਿੱਚ ਬਾਅਦ ਵਿੱਚ ਕੁਝ ਦਰਾਂ ਵਿੱਚ ਕਟੌਤੀ ਦਾ ਐਲਾਨ ਕਰ ਸਕਦੇ ਹਨ। ਭਾਰਤ ਵਿੱਚ ਪੂੰਜੀ ਪ੍ਰਵਾਹ ਵਿੱਚ ਸੁਧਾਰ ਅਤੇ ਬਰਾਮਦ ਵਿੱਚ ਵਾਧਾ ਹੋਣ ਦੀ ਸੰਭਾਵਨਾ ਹੈ। ਮਜੂਮਦਾਰ ਨੇ ਕਿਹਾ ਕਿ ਮਜ਼ਬੂਤ ਆਰਥਿਕ ਗਤੀਵਿਧੀ ਦੇ ਮੱਦੇਨਜ਼ਰ, ਪੂਰਵ ਅਨੁਮਾਨ ਅਵਧੀ ਵਿੱਚ ਮਹਿੰਗਾਈ ਦਰ ਭਾਰਤੀ ਰਿਜ਼ਰਵ ਬੈਂਕ ਦੇ ਚਾਰ ਫ਼ੀਸਦੀ ਦੇ ਟੀਚੇ ਦੇ ਪੱਧਰ ਤੋਂ ਉਪਰ ਰਹਿਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ - ਸੋਨੇ ਦੇ ਗਹਿਣੇ ਖਰੀਦਣ ਵਾਲੇ ਲੋਕਾਂ ਲਈ ਖ਼ਾਸ ਖ਼ਬਰ, 71 ਹਜ਼ਾਰ ਤੋਂ ਹੇਠਾਂ ਡਿੱਗੀਆਂ ਕੀਮਤਾਂ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8