ਏਅਰ ਇੰਡੀਆ 4200 ਤੋਂ ਵੱਧ ਕੈਬਿਨ ਕਰੂ ਤੇ 900 ਪਾਇਲਟ ਕਰੇਗੀ ਨਿਯੁਕਤ
02/24/2023 7:03:04 PM
ਨਵੀਂ ਦਿੱਲੀ (ਅਨਸ) : ਏਅਰ ਇੰਡੀਆ ਨੇ 2023 ’ਚ 4200 ਤੋਂ ਵੱਧ ਕੈਬਿਨ ਕਰੂ ਸਿਖਿਆਰਥੀਆਂ ਅਤੇ 900 ਪਾਇਲਟਾਂ ਨੂੰ ਨਿਯੁਕਤ ਕਰਨ ਦੀ ਯੋਜਨਾ ਬਣਾਈ ਹੈ। ਏਅਰਲਾਈਨ ਆਪਣੇ ਬੇੜੇ ’ਚ ਨਵੇਂ ਜਹਾਜ਼ ਜੋੜ ਰਹੀ ਹੈ ਅਤੇ ਤੇਜ਼ੀ ਨਾਲ ਆਪਣੇ ਘਰੇਲੂ ਅਤੇ ਕੌਮਾਂਤਰੀ ਸੰਚਾਲਨ ਦਾ ਵਿਸਥਾਰ ਕਰ ਰਹੀ ਹੈ। ਇਸ ਮਹੀਨੇ ਦੀ ਸ਼ੁਰੂਆਤ ’ਚ ਏਅਰ ਇੰਡੀਆ ਨੇ ਆਪਣੀਆਂ ਵਿਕਾਸ ਯੋਜਨਾਵਾਂ ਦਾ ਸਮਰਥਨ ਕਰਨ ਲਈ ਬੋਇੰਗ ਅਤੇ ਏਅਰਬੱਸ ਤੋਂ 470 ਜਹਾਜ਼ ਖ਼ਰੀਦਣ ਲਈ ਇਕ ਮੈਗਾ ਆਰਡਰ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਪਹਿਲਾਂ ਹੀ 36 ਜਹਾਜ਼ਾਂ ਨੂੰ ਲੀਜ਼ ’ਤੇ ਦੇਣ ਦੀ ਯੋਜਨਾ ਦਾ ਐਲਾਨ ਕੀਤਾ ਹੈ, ਜਿਨ੍ਹਾਂ ’ਚੋਂ 2ਬੀ 777-200 ਐੱਲ. ਆਰ. ਪਹਿਲਾਂ ਹੀ ਬੇੜੇ ’ਚ ਸ਼ਾਮਲ ਹੋ ਚੁੱਕੇ ਹਨ।
ਇਹ ਵੀ ਪੜ੍ਹੋ : ‘ਸਕੂਲਜ਼ ਆਫ ਐਮੀਨੈਂਸ’ 'ਚ ਪੜ੍ਹਨ ਦੇ ਚਾਹਵਾਨ ਵਿਦਿਆਰਥੀ ਖਿੱਚ ਲੈਣ ਤਿਆਰੀ, ਦਾਖ਼ਲੇ ਲਈ ਪੋਰਟਲ ਲਾਂਚ
ਕੈਬਿਨ ਕਰੂ, ਜਿਨ੍ਹਾਂ ਨੂੰ ਦੇਸ਼ ਭਰ ਤੋਂ ਭਰਤੀ ਕੀਤਾ ਜਾਵੇਗਾ, ਸੁਰੱਖਿਆ ਅਤੇ ਸੇਵਾ ਹੁਨਰ ਮੁਹੱਈਆ ਕਰਨ ਵਾਲੇ 165 ਹਫ਼ਤਿਆਂ ਦੇ ਪ੍ਰੋਗਰਾਮਾਂ ’ਚੋਂ ਲੰਘਣਗੇ ਅਤੇ ਉਸ ਨੂੰ ਸਰਬੋਤਮ ਭਾਰਤੀ ਪ੍ਰਾਹੁਣਚਾਰੀ ਅਤੇ ਟਾਟਾ ਸਮੂਹ ਦੀ ਸੰਸਕ੍ਰਿਤੀ ਦੀ ਉਦਾਹਰਣ ਦੇਣ ਲਈ ਟ੍ਰੇਂਡ ਕੀਤਾ ਜਾਵੇਗਾ। ਟ੍ਰੇਨਿੰਗ ਪ੍ਰੋਗਰਾਮ ’ਚ ਮੁੰਬਈ ’ਚ ਏਅਰਲਾਈਨ ਦੀ ਟ੍ਰੇਨਿੰਗ ਸਹੂਲਤ ਦੇ ਨਾਲ-ਨਾਲ ਜਾਣੂ ਉਡਾਣਾਂ ’ਚ ਵਿਆਪਕ ਜਮਾਤ ਅਤੇ ਇਨ-ਫਲਾਈਟ ਟ੍ਰੇਨਿੰਗ ਸ਼ਾਮਲ ਹੋਵੇਗੀ।
ਇਹ ਵੀ ਪੜ੍ਹੋ : ਪ੍ਰੀਪੇਡ ਬਿਜਲੀ ਮੀਟਰ ਯੋਜਨਾ ਨੇ ਵਧਾਈ ਲੋਕਾਂ ਦੀ ਚਿੰਤਾ; ਜਾਣੋ ਕਿਵੇਂ ਕਰਦੈ ਕੰਮ ਤੇ ਕੀ ਹਨ ਮੀਟਰ ਦੇ ਲਾਭ
ਵਿਸ਼ੇਸ਼ ਤੌਰ ’ਤੇ ਮਈ 2022 ਅਤੇ ਫਰਵਰੀ 2023 ਦਰਮਿਆਨ ਏਅਰ ਇੰਡੀਆ ਨੇ 1900 ਤੋਂ ਵੱਧ ਕੈਬਿਨ ਕਰੂ ਨੂੰ ਕੰਮ ’ਤੇ ਰੱਖਿਆ ਹੈ। ਪਿਛਲੇ ਸੱਤ ਮਹੀਨਿਆਂ (ਜੁਲਾਈ 2022 ਅਤੇ ਜਨਵਰੀ 2023 ਦਰਮਿਆਨ) 1,100 ਤੋਂ ਵੱਧ ਕੈਬਿਨ ਕਰੂਡ ਨੂੰ ਟ੍ਰੇਂਡ ਕੀਤਾ ਗਿਆ ਹੈ ਅਤੇ ਪਿਛਲੇ ਤਿੰਨ ਮਹੀਨਿਆਂ ’ਚ ਲਗਭਗ 500 ਕੈਬਿਨ ਕਰੂ ਨੂੰ ਏਅਰਲਾਈਨ ਵਲੋਂ ਉਡਾਣ ਭਰਨ ਲਈ ਜਾਰੀ ਕੀਤਾ ਗਿਆ ਹੈ।