20% ਸਭ ਤੋਂ ਗਰੀਬਾਂ ਨਾਲੋਂ 20% ਸਭ ਤੋਂ ਅਮੀਰ ਲੋਕ ਮਹਿੰਗਾਈ ਨਾਲ ਜ਼ਿਆਦਾ ਜੂਝ ਰਹੇ : CRISIL
11/13/2021 2:25:49 PM
ਨਵੀਂ ਦਿੱਲੀ - ਰੇਟਿੰਗ ਏਜੰਸੀ ਕ੍ਰਿਸਿਲ ਨੇ ਕਿਹਾ ਕਿ ਸਭ ਤੋਂ ਅਮੀਰ 20 ਫੀਸਦੀ ਆਬਾਦੀ ਨੂੰ 20 ਫੀਸਦੀ ਸਭ ਤੋਂ ਗਰੀਬ ਆਬਾਦੀ ਦੇ ਮੁਕਾਬਲੇ ਜ਼ਿਆਦਾ ਮਹਿੰਗਾਈ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕ੍ਰਿਸਿਲ ਨੇ ਕਿਹਾ ਕਿ 20 ਫੀਸਦੀ ਗਰੀਬ ਆਬਾਦੀ ਖਾਣ-ਪੀਣ ਵਾਲੀਆਂ ਚੀਜ਼ਾਂ 'ਤੇ ਜ਼ਿਆਦਾ ਖਰਚ ਕਰਦੀ ਹੈ, ਜੋ ਅਕਤੂਬਰ 2021 ਦੌਰਾਨ ਘਟੀ ਹੈ। ਦੂਜੇ ਪਾਸੇ ਸਭ ਤੋਂ ਅਮੀਰ 20 ਫੀਸਦੀ ਲੋਕ ਨਾਨ-ਫੂਡ ਆਈਟਮਾਂ 'ਤੇ ਜ਼ਿਆਦਾ ਖਰਚ ਕਰਦੇ ਹਨ, ਜੋ ਪਿਛਲੇ ਮਹੀਨੇ ਮਹਿੰਗੀਆਂ ਹੋ ਗਈਆਂ।
ਇਹ ਵੀ ਪੜ੍ਹੋ : PM ਮੋਦੀ ਨੇ ਲਾਂਚ ਕੀਤੀਆਂ RBI ਦੀਆਂ ਦੋ ਨਵੀਆਂ ਸਕੀਮਾਂ, ਆਮ ਲੋਕਾਂ ਨੂੰ ਮਿਲੇਗਾ ਵੱਡਾ ਲਾਭ
ਖਰਚਿਆਂ ਦਾ ਹਿੱਸਾ ਹਰੇਕ ਸ਼੍ਰੇਣੀਆਂ ਲਈ ਹੁੰਦਾ ਹੈ ਵੱਖਰਾ
CRISIL ਦੀ ਦਲੀਲ ਇਸ ਤੱਥ 'ਤੇ ਅਧਾਰਤ ਹੈ ਕਿ ਆਮਦਨੀ ਸਮੂਹਾਂ ਵਿਚਕਾਰ ਮਹਿੰਗਾਈ ਦਾ ਬੋਝ ਵੱਖ-ਵੱਖ ਹੁੰਦਾ ਹੈ, ਕਿਉਂਕਿ ਭੋਜਨ, ਈਂਧਨ ਅਤੇ ਮੁੱਖ ਸ਼੍ਰੇਣੀਆਂ 'ਤੇ ਖਰਚ ਦਾ ਹਿੱਸਾ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਵੱਖ-ਵੱਖ ਹੁੰਦਾ ਹੈ। ਜ਼ਿਕਰਯੋਗ ਹੈ ਕਿ ਅਕਤੂਬਰ 2021 'ਚ ਪ੍ਰਚੂਨ ਮਹਿੰਗਾਈ ਪਿਛਲੇ ਮਹੀਨੇ ਦੇ 4.3 ਫੀਸਦੀ ਤੋਂ ਵਧ ਕੇ 4.5 ਫੀਸਦੀ ਹੋ ਗਈ। ਅਕਤੂਬਰ 2020 'ਚ ਇਹ ਅੰਕੜਾ 7.6 ਫੀਸਦੀ ਸੀ।
ਇਹ ਵੀ ਪੜ੍ਹੋ : EPFO ਦਾ ਅਹਿਮ ਫ਼ੈਸਲਾ, ਹੁਣ ਮੁਲਾਜ਼ਮ ਦੀ ਮੌਤ ਤੋਂ ਬਾਅਦ ਮਿਲੇਗਾ ਦੁੱਗਣਾ ਪੈਸਾ
ਕੌਣ ਕਿਸ 'ਤੇ ਜ਼ਿਆਦਾ ਖਰਚ ਕਰਦਾ ਹੈ
ਨੈਸ਼ਨਲ ਸੈਂਪਲ ਸਰਵੇ ਆਰਗੇਨਾਈਜ਼ੇਸ਼ਨ (ਐਨਐਸਐਸਓ) ਦੇ 2011-12 ਲਈ ਖਪਤਕਾਰ ਖਰਚਿਆਂ ਦੇ ਅਨੁਸਾਰ, ਸਭ ਤੋਂ ਗਰੀਬ 20 ਪ੍ਰਤੀਸ਼ਤ ਆਬਾਦੀ ਆਪਣੀ ਆਮਦਨ ਦਾ ਜ਼ਿਆਦਾਤਰ ਹਿੱਸਾ ਭੋਜਨ 'ਤੇ ਖਰਚ ਕਰਦੀ ਹੈ, ਜਦੋਂ ਕਿ ਸਭ ਤੋਂ ਅਮੀਰ 20 ਪ੍ਰਤੀਸ਼ਤ ਮੁੱਖ ਵਸਤੂਆਂ ਲਈ ਅਜਿਹਾ ਕਰਦੇ ਹਨ। NSSO ਡੇਟਾ ਦੀ ਵਰਤੋਂ ਕਰਦੇ ਹੋਏ, CRISIL ਨੇ ਤਿੰਨ ਆਮਦਨ ਸਮੂਹਾਂ ਵਿੱਚ ਔਸਤ ਖਰਚ ਪੈਟਰਨ ਦਾ ਅਨੁਮਾਨ ਲਗਾਇਆ ਹੈ। ਇਸਦੇ ਹੇਠਲੇ 20, ਮੱਧ 60, ਅਤੇ ਉੱਪਰਲੇ 20 ਪ੍ਰਤੀਸ਼ਤ ਦੇ ਅਨੁਸਾਰ ਅਨੁਮਾਨ ਲਗਾਇਆ ਗਿਆ ਹੈ। ਇਸ ਵਿੱਚ ਉਹਨਾਂ ਨੂੰ ਮੌਜੂਦਾ ਮਹਿੰਗਾਈ ਰੁਝਾਨਾਂ ਨਾਲ ਮੈਪ ਕੀਤਾ ਗਿਆ ਸੀ। ਇਸ ਵਿੱਚ ਇਹ ਪਾਇਆ ਗਿਆ ਕਿ ਸ਼ਹਿਰੀ ਖ਼ੇਤਰ ਵਿਚ ਉੱਪਰੀ 20 ਫ਼ੀਸਦੀ ਕੈਟੇਗਰੀ ਦੇ ਲੋਕਾਂ ਨੇ ਅਕਤੂਬਰ ਵਿਚ ਜ਼ਿਆਦਾ ਮਹਿੰਗਾਈ ਦਾ ਸਾਹਮਣਾ ਕੀਤਾ ਹੈ।
ਇਹ ਵੀ ਪੜ੍ਹੋ : ਅਮਰੀਕਾ 'ਚ ਰਹਿੰਦੇ ਭਾਰਤੀ ਮੂਲ ਦੇ ਭੈਣ-ਭਰਾ ਹਰ ਮਹੀਨੇ ਕਮਾਉਂਦੇ ਹਨ 27 ਲੱਖ ਰੁਪਏ, ਜਾਣੋ ਕੀ ਹੈ ਕਾਰੋਬਾਰ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।