ਐੱਸ ਕਲਾਵਾਨੀ: ''''ਰਿਸ਼ਤੇਦਾਰ ਕਹਿੰਦੇ ਸਨ ਕਿ ਕੁੜੀ ਦੀ ਬੌਕਸਿੰਗ ਕਾਰਨ ਵਿਆਹ ਵਿਚ ਦਿੱਕਤ ਆਵੇਗੀ''''

ਤਾਮਿਲਨਾਡੂ ਦੀ ਰਹਿਣ ਵਾਲੀ ਬੌਕਸਰ ਐੱਸ ਕਲਾਵਾਨੀ ਨੇ 2019 ਦੀ ਵਿਜੇਨਗਰ ਵਿੱਚ ਹੋਈ ਸੀਨੀਅਰ ਨੈਸ਼ਨਲ ਬੌਕਸਿੰਗ ਚੈਂਪੀਅਨਸ਼ਿਪ ਵਿੱਚ ਅਠਾਰਾਂ ਸਾਲਾਂ ਦੀ ਉਮਰ ਵਿੱਚ ਚਾਂਦੀ ਦਾ ਤਮਗਾ ਜਿੱਤ ਕੇ ਭਾਰਤ ਦੇ ਬੌਕਸਿੰਗ ਹਲਕਿਆਂ ਵਿੱਚ ਹਲਚਲ ਪੈਦਾ ਕਰ ਦਿੱਤੀ ਸੀ। ਉਨ੍ਹਾਂ ਨੂੰ ਉਸ ਸਮੇਂ ਬੌਕਸਿੰਗ ਦੀ ਵਿੱਚ ਵੱਡੀ ਉਮੀਦ ਵਾਲੀ ਖਿਡਾਰਨ ਕਿਹਾ ਗਿਆ ਸੀ।

ਉਨ੍ਹਾਂ ਦਾ ਸਫ਼ਰ ਅਦੁੱਤੀ ਰਿਹਾ ਹੈ ਪਰ ਅਕਸਰ ਜੋ ਗੱਲ ਬੇਧਿਆਨੀ ਰਹਿ ਜਾਂਦੀ ਹੈ ਉਹ ਹੈ ਉਨ੍ਹਾਂ ਦੇ ਬਲੀਦਾਨ, ਜਿਸ ਵਿੱਚ ਉਨ੍ਹਾਂ ਦਾ ਅਰਥਿਕ ਤੰਗੀਆਂ-ਤੁਰਸ਼ੀਆਂ ਅਤੇ ਸਮਾਜਿਕ ਦਬਾਵਾਂ ਨਾਲ ਕੀਤਾ ਸੰਘਰਸ਼ ਸ਼ਾਮਲ ਹੈ।

ਇਹ ਵੀ ਪੜ੍ਹੋ:

• 26 ਜਨਵਰੀ ਦੀ ਦਿੱਲੀ ਪਰੇਡ ਲਈ ਪੰਜਾਬ ਦੀਆਂ ਸਿਆਸੀ ਧਿਰਾਂ ਕਿਉਂ ਪਾਉਣ ਲੱਗੀਆਂ ਟਰੈਕਟਰਾਂ ਦੇ ਗੇਅਰ
• ਕਿਸਾਨ ਅੰਦੋਲਨ ਵਿੱਚ ਹਿੰਸਾ ਫੈਲਾਉਣ ਦੇ ਸ਼ੱਕੀ ਬਾਰੇ ਕਿਸਾਨਾਂ ਨੇ ਕੀ ਦੱਸਿਆ
• ਬਿਹਾਰ ਵਿੱਚ ਸਰਕਾਰ ਖ਼ਿਲਾਫ਼ ਪੋਸਟਾਂ ਪਾਉਣ ਵਾਲਿਆਂ ''ਤੇ ਇਹ ਹੋਵੇਗੀ ਕਾਰਵਾਈ

ਜ਼ਿੰਦਗੀ ਦੇ ਮੁਸ਼ਕਲ ਫ਼ੈਸਲੇ

ਕਲਾਵਾਨੀ ਦਾ ਜਨਮ ਚੇਨਈ ਵਿੱਚ 25 ਨਵੰਬਰ 1999 ਨੂੰ ਹੋਇਆ। ਉਨ੍ਹਾਂ ਨੂੰ ਬੌਕਸਿੰਗ ਵਿਰਾਸਤ ਵਿੱਚ ਮਿਲੀ ਹੈ। ਉਨ੍ਹਾਂ ਦੇ ਪਿਤਾ ਐੱਮ ਸ੍ਰੀਨਿਵਾਸਨ ਆਪਣੇ ਜਵਾਨੀ ਦੇ ਦਿਨਾਂ ਵਿੱਚ ਇੱਕ ਬੌਕਸਿੰਗ ਖਿਡਾਰੀ ਰਹੇ ਹਨ ਅਤੇ ਉਨ੍ਹਾਂ ਦਾ ਭਰਾ ਇੱਕ ਕੌਮੀ-ਪੱਧਰ ਦਾ ਬੌਕਸਰ ਹੈ।

ਕਲਾਵਾਨੀ ਦੀ ਆਪਣੇ ਪਿਤਾ ਅਤੇ ਭਰਾ ਨੂੰ ਦੇਖ ਕੇ ਹੀ ਖੇਡ ਵਿੱਚ ਦਿਲਚਸਪੀ ਪੈਦਾ ਹੋਈ। ਸ਼ੁਰੂ ਵਿੱਚ ਉਨ੍ਹਾਂ ਦੇ ਪਿਤਾ ਅਤੇ ਭਰਾ ਨੇ ਮੁਢਲੀ ਸਿਖਲਾਈ ਦਿੱਤੀ। ਸ਼ੁਕਰ ਹੈ ਕਿ ਉਨ੍ਹਾਂ ਦੇ ਪਿਤਾ ਕਲਾਵਾਨੀ ਦਾ ਸਾਥ ਦਿੱਤਾ ਅਤੇ ਸਿਖਲਾਈ ਸ਼ੁਰੂ ਕਰਵਾਈ।

ਜਦੋਂ ਉਨ੍ਹਾਂ ਨੂੰ ਪਰਿਵਾਰ ਦਾ ਸਾਥ ਮਿਲ ਰਿਹਾ ਸੀ ਤਾਂ ਅਧਿਆਪਕਾਂ ਅਤੇ ਰਿਸ਼ਤੇਦਾਰਾਂ ਨੇ ਰੁਕਾਵਟਾਂ ਪਾਉਣੀਆਂ ਸ਼ੁਰੂ ਕਰ ਦਿੱਤੀਆਂ।

ਕਲਾਵਾਨੀ ਦੇ ਅਧਿਆਪਕ ਉਨ੍ਹਾਂ ਨੂੰ ਪੜ੍ਹਾਈ ਉੱਪਰ ਧਿਆਨ ਦੇਣ ਅਤੇ ਬਚਦੇ ਸਮੇਂ ਵਿੱਚ ਬੌਕਸਿੰਗ ਕਰਨ ਦੀ ਸਲਾਹ ਦੇ ਰਹੇ ਸਨ।

ਬੀਬੀਸੀ ਪੰਜਾਬੀ ਨੂੰ ਆਪਣੇ ਐਂਡਰਾਇਡ ਫ਼ੋਨ ''ਤੇ ਇੰਝ ਲੈ ਕੇ ਆਓ:

https://www.youtube.com/watch?v=xWw19z7Edrs

ਇਸੇ ਤਰ੍ਹਾਂ ਉਨ੍ਹਾਂ ਦੇ ਕੁਝ ਰਿਸ਼ਤੇਦਾਰ ਵੀ ਉਨ੍ਹਾਂ ਦੇ ਪਿਤਾ ਨੂੰ ਬੇਟੀ ਦੀ ਸਿਖਲਾਈ ਬੰਦ ਕਰਵਾਉਣ ਲਈ ਜੋਰ ਪਾ ਰਹੇ ਸਨ। ਉਨ੍ਹਾਂ ਦੀ ਦਲੀਲ ਸੀ ਕਿ ਕੁੜੀ ਦੀ ਖੇਡ ਉਸ ਦੇ ਵਿਆਹ ਵਿੱਚ ਵੀ ਰੁਕਾਵਟ ਖੜ੍ਹੀ ਕਰੇਗੀ।

ਸਮਾਜਿਕ ਦਬਾਅ ਤੋਂ ਇਲਾਵਾ ਕਲਾਵਾਨੀ ਕੋਲ ਟਰੇਨਿੰਗ ਲਈ ਜ਼ਰੂਰੀ ਸਹੂਲਤਾਂ ਦੀ ਵੀ ਕਮੀ ਸੀ। ਉਨ੍ਹਾਂ ਦੇ ਪਰਿਵਾਰ ਕੋਲ ਇੰਨੇ ਸਾਧਨ ਨਹੀਂ ਸਨ ਕਿ ਉਹ ਕਲਾਵਾਨੀ ਨੂੰ ਆਧੁਨਿਕ ਜਿਮ, ਬੁਨੀਆਦੀ ਢਾਂਚਾ, ਆਧੁਨਿਕ ਕੋਚਿੰਗ ਅਤੇ ਢੁਕਵੀਂ ਖ਼ੁਰਾਕ ਦੇ ਸਕਣ।

ਇਨ੍ਹਾਂ ਸਾਰੀਆਂ ਚੁਣੌਤੀਆਂ ਦੇ ਬਾਵਜੂਦ ਕਲਾਵਾਨੀ ਦੇ ਪਿਤਾ ਰੁਕੇ ਨਹੀਂ ਅਤੇ ਉਨ੍ਹਾਂ ਨੇ ਆਪਣੀ ਧੀ ਦੀ ਟਰੇਨਿੰਗ ਆਪਣੇ ਪੁੱਤਰ ਵਾਂਗ ਹੀ ਜਾਰੀ ਰੱਖੀ।

ਕਲਾਵਾਨੀ ਆਪਣੀ ਸਫ਼ਲਤਾ ਦਾ ਸਿਹਰਾ ਆਪਣੇ ਪਿਤਾ ਅਤੇ ਭਰਾ ਨੂੰ ਦਿੰਦੇ ਹਨ, ਜਿਨ੍ਹਾਂ ਨੇ ਉਨ੍ਹਾਂ ਦੀ ਪ੍ਰਤਿਭਾ ਨੂੰ ਪਛਾਣਿਆ ਅਤੇ ਸਾਥ ਦਿੱਤਾ।

ਜਦੋਂ ਉਮੀਦ ਦੀ ਕਿਰਨ ਨਜ਼ਰ ਆਈ

ਕਲਾਵਾਨੀ ਦੇ ਬੌਕਸਿੰਗ ਸਫ਼ਰ ਵਿੱਚ ਅਹਿਮ ਮੋੜ 2019 ਵਿੱਚ ਆਇਆ ਜਦੋਂ ਉਹ ਸੀਨੀਅਰ ਬੌਕਸਿੰਗ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ ਪਹੁੰਚੇ। ਉੱਥੇ ਕਲਾਵਾਨੀ ਦੀ ਪੰਜਾਬ ਦੀ ਬੌਕਸਰ ਮੰਜੂ ਰਾਣੀ ਤੋਂ ਹਾਰ ਹੋ ਗਈ।

ਕਲਾਵਾਨੀ ਨੇ ਭਾਰਤੀ ਮਹਿਲਾ ਬੌਕਸਿੰਗ ਦੀ ਸਟਾਰ ਮੈਰੀ ਕੌਮ ਤੋਂ ਚਾਂਦੀ ਦਾ ਤਮਗਾ ਹਾਸਲ ਕੀਤਾ। ਮੈਰੀ ਕੌਮ ਛੇ ਵਾਰ ਵਿਸ਼ਵ ਚੈਂਪੀਅਨ ਰਹੇ ਹਨ।

ਇਸ ਕਾਮਯਾਬੀ ਨੇ ਕਲਾਵਾਨੀ ਵਿੱਚ ਨਵਾਂ ਆਤਮ-ਵਿਸ਼ਵਾਸ ਹੀ ਨਹੀਂ ਭਰਿਆ ਸਗੋਂ ਉਨ੍ਹਾਂ ਲਈ ਨਵੀਆਂ ਸੰਭਾਵਨਾਵਾਂ ਦੇ ਬੂਹੇ ਵੀ ਖੋਲ੍ਹ ਦਿੱਤੇ।

ਉਨ੍ਹਾਂ ਦੀ ਟਰੇਨਿੰਗ ਇਤਲਾਵੀ ਬੌਕਸਿੰਗ ਕੋਚ ਰਾਫੇਲ ਬੈਰਗਾਮਾਸਕੋ ਦੇ ਅਧੀਨ ਟਰੇਨਿੰਗ ਸ਼ੁਰੂ ਕੀਤੀ। ਉਨ੍ਹਾਂ ਦੀ ਪਹੁੰਚ ਆਧੁਨਿਕ ਟਰੇਨਿੰਗ ਸਹੂਲਤਾਂ ਤੱਕ ਵੀ ਹੋ ਗਈ।

ਹੁਣ ਉਨ੍ਹਾਂ ਦੀ ਟਰੇਨਿੰਗ ਜੈਐੱਸਡਬਲਿਊ ਇਨਸਪਾਇਰ ਇੰਸਟੀਚਿਊਟ ਆਫ਼ ਸਪੋਰਟਸ, ਕਰਨਾਟਕ ਵਿੱਚ ਟਰੇਨਿੰਗ ਸ਼ੁਰੂ ਹੋਈ। ਇਸ ਨਾਲ ਉਨ੍ਹਾਂ ਦੀ ਤਾਕਤ, ਕੌਸ਼ਲ ਅਤੇ ਤਕਨੀਕ ਵਿੱਚ ਵਾਧਾ ਹੋਇਆ।

ਕਲਾਵਾਨੀ ਦੀ ਪੇਸ਼ੇਵਰ ਸਫ਼ਰ ਵਿੱਚ ਸਭ ਤੋਂ ਅਹਿਮ ਪਲ ਨੇਪਾਲ ਦੇ ਕਾਠਮਾਂਡੂ ਵਿੱਚ ਹੋਈਆਂ 2019 ਦੀਆਂ ਦੱਖਣ-ਏਸ਼ੀਆਈ ਖੇਡਾਂ ਸਨ।

ਉੱਥੇ ਉਨ੍ਹਾਂ ਨੇ ਨੇਪਾਲ ਦੀ ਮਹਾਰਾਜਨ ਲਲਿਤਾ ਨੂੰ 48 ਕਿੱਲੋ ਭਾਰ ਵਰਗ ਵਿੱਚ ਹਰਾਇਆ ਅਤੇ ਭਾਰਤ ਲਈ ਸੋਨ ਤਗਮਾ ਹਾਸਲ ਕੀਤਾ।

ਇਹ ਵੀ ਪੜ੍ਹੋ:

• ਆਫ਼ ਸਪਿੱਨ ਗੇਂਦਬਾਜ਼ ਜਿਸਨੇ ਸਹੂਲਤਾਂ ਤੋਂ ਸੱਖਣੇ ਹੋਣ ਦੇ ਬਾਵਜੂਦ ਕਾਮਯਾਬੀ ਹਾਸਲ ਕੀਤੀ
• ਸ਼ਿਵਾਨੀ ਕਟਾਰੀਆ: ਗਰਮੀਆਂ ਦੇ ਕੈਂਪ ''ਚ ਤੈਰਾਕੀ ਸਿੱਖਣ ਤੋਂ ਉਲੰਪਿਕ ਤੱਕ ਦਾ ਸਫ਼ਰ
• ਸੋਨਾਲੀ ਵਿਸ਼ਨੂ ਸ਼ਿੰਗੇਟ: ਕਬੱਡੀ ਖੇਡਣਾ ਸ਼ੁਰੂ ਕੀਤੀ ਤਾਂ ਬੂਟ ਖਰੀਦਣ ਤੱਕ ਦੇ ਪੈਸੇ ਨਹੀਂ ਸੀ
• ਸਾਕਸ਼ੀ ਮਲਿਕ ਨੂੰ ਹਰਾਉਣ ਵਾਲੀ ਸੋਨਮ ਮਲਿਕ ਨੂੰ ਉਲੰਪਿਕ ਤੋਂ ਹਨ ਖ਼ਾਸੀਆਂ ਉਮੀਦਾਂ

ਭਵਿੱਖ ''ਤੇ ਨਜ਼ਰਾਂ

ਇਸ ਉਭਰਦੀ ਬੌਕਸਰ ਦੇ ਇਰਾਦੇ ਵੱਡੇ ਹਨ। ਉਨ੍ਹਾਂ ਦੀ ਨਜ਼ਰ ਪਹਿਲਾਂ ਕਾਮਨਵੈਲਥ ਵਿੱਚ ਸੋਨਾ ਜਿੱਤਣ ਉੱਪਰ ਹਨ ਅਤੇ ਫਿਰ ਉਹ ਉਲੰਪਿਕ ਵਿੱਚ ਮੈਡਲ ਜਿੱਤ ਕੇ ਲਿਆਉਣਾ ਚਾਹੁੰਦੇ ਹਨ।

ਕਲਾਈਵਾਨੀ ਫਿਲਹਾਲ 48 ਕਿੱਲੋ ਭਾਰ ਵਰਗ ਵਿੱਚ ਬੌਕਸਿੰਗ ਕਰਦੇ ਹਨ ਜੋ ਕਿ ਉਲੰਪਿਕ ਦਾ ਹਿੱਸਾ ਨਹੀਂ ਹੈ। ਇਸ ਲਈ ਉਨ੍ਹਾਂ ਦੀ ਅਗਲੇ ਦੋ ਹੋਰ ਸਾਲਾਂ ਤੱਕ ਇਸੇ ਭਾਰ ਵਰਗ ਵਿੱਚ ਬੌਕਸਿੰਗ ਜਾਰੀ ਰੱਖਣ ਦੀ ਯੋਜਨਾ ਹੈ, ਜਿਸ ਤੋਂ ਬਾਅਦ ਉੱਪਰਲੇ ਭਾਰ ਵਰਗ ਲਈ ਕੋਸ਼ਿਸ਼ ਕਰਨਗੇ।

ਖੇਡਾਂ ਤੋਂ ਰਿਟਾਇਰਮੈਂਟ ਲੈਣ ਤੋਂ ਬਾਅਦ ਉਹ ਇੱਕ ਕੋਚ ਬਣ ਕੇ ਭਵਿੱਖ ਦੀਆਂ ਬੌਕਿਸਿੰਗ ਖਿਡਾਰਨਾਂ ਨੂੰ ਸਿਖਲਾਈ ਦੇਣਾ ਚਾਹੁੰਦੇ ਹਨ।

ਉਨ੍ਹਾਂ ਦਾ ਕਹਿਣਾ ਹੈ ਕਿ ਖਿਡਾਰਨਾਂ ਦੇ ਵਧੀਆ ਪ੍ਰਦਰਸ਼ਨ ਲਈ ਜ਼ਰੂਰੀ ਹੈ ਕਿ ਲੋਕਾਂ ਦੀ ਸੋਚ ਵਿੱਚ ਬਦਲਾਅ ਆਉਣਾ ਜ਼ਰੂਰੀ ਹੈ। ਸਮਾਜ ਨੂੰ ਕੁੜੀਆਂ ਨੂੰ ਖੇਡਾਂ ਵਿੱਚ ਆਉਣ ਲਈ ਹੱਲਾਸੇਰੀ ਦੇਣੀ ਚਾਹੀਦੀ ਹੈ।

ਇਹ ਖ਼ਬਰਾਂ ਵੀ ਪੜ੍ਹੋ:

• ਅਮਰੀਕੀ ਕਿਸਾਨ ਕੀ ਕੰਟਰੈਕਟ ਫਾਰਮਿੰਗ ਦੇ ਸਿੱਟੇ ਭੁਗਤ ਰਹੇ ਹਨ
• ਕੀ ਪੰਜਾਬ ਦੇ ਕਿਸਾਨ ਸਰਕਾਰ ਨੂੰ ਜ਼ਮੀਨ ਦੇਣ ਤੋਂ ਇਨਕਾਰ ਕਰ ਸਕਦੇ ਹਨ, ਕੀ ਕਹਿੰਦਾ ਹੈ ਕਾਨੂੰਨ
• ਕਿਵੇਂ 6 ਭਰਾਵਾਂ ਨੇ ਆਪਣੇ ਸ਼ੇਰਾਂ ਨਾਲ ਦਹਿਸ਼ਤ ਮਚਾਈ ਤੇ ਕਤਲੇਆਮ ਕੀਤਾ

ਇਹ ਵੀਡੀਓ ਵੀ ਦੇਖੋ:

https://www.youtube.com/watch?v=l4yE2Iord34

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ)

!function(s,e,n,c,r){if(r=s._ns_bbcws=s._ns_bbcws||r,s[]r]||(s[]r+"_d"]=s[]r+"_d"]||[]],s[]r]=function(){s[]r+"_d"].push(arguments)},s[]r].sources=[]]),c&&s[]r].sources.indexOf(c)<0){var t=e.createElement(n);t.async=1,t.src=c;var a=e.getElementsByTagName(n)[]0];a.parentNode.insertBefore(t,a),s[]r].sources.push(c)}}(window,document,"script","https://news.files.bbci.co.uk/ws/partner-analytics/js/fullTracker.min","s_bbcws");s_bbcws(''syndSource'',''ISAPI'');s_bbcws(''orgUnit'',''ws'');s_bbcws(''platform'',''partner'');s_bbcws(''partner'',''jagbani'');s_bbcws(''producer'',''punjabi'');s_bbcws(''language'',''pa'');s_bbcws(''setStory'', {''origin'': ''cps'',''guid'': ''6ac072ee-fd33-457c-bda4-b6bc6bb43a39'',''assetType'': ''STY'',''pageCounter'': ''punjabi.india.story.55777390.page'',''title'': ''ਐੱਸ ਕਲਾਵਾਨੀ: \''\''ਰਿਸ਼ਤੇਦਾਰ ਕਹਿੰਦੇ ਸਨ ਕਿ ਕੁੜੀ ਦੀ ਬੌਕਸਿੰਗ ਕਾਰਨ ਵਿਆਹ ਵਿਚ ਦਿੱਕਤ ਆਵੇਗੀ\''\'''',''published'': ''2021-01-24T03:16:33Z'',''updated'': ''2021-01-24T03:16:33Z''});s_bbcws(''track'',''pageView'');