Delhi Violence: ਤਾਹਿਰ ਹੁਸੈਨ ਅੰਕਿਤ ਸ਼ਰਮਾ ਦੇ ਕਤਲ ਮਾਮਲੇ ''''ਚ ਲੱਗੇ ਇਲਜ਼ਾਮ ਬਾਰੇ ਆਪਣੀ ਸਫਾਈ ''''ਚ ਕੀ ਬੋਲੇ

ਦਿੱਲੀ ਹਿੰਸਾ ਵਿੱਚ ਮਾਰੇ ਗਏ ਖ਼ੂਫ਼ੀਆ ਮਹਿਕਮੇ ਦੇ ਕਰਮਚਾਰੀ ਅੰਕਿਤ ਸ਼ਰਮਾ ਦੇ ਪਿਤਾ, ਰਿਸ਼ਤੇਦਾਰਾਂ ਤੇ ਆਂਢ-ਗੁਆਂਢ ਵਾਲੇ ਉਨ੍ਹਾਂ ਦੀ ਮੌਤ ਲਈ ਆਮ ਆਦਮੀ ਪਾਰਟੀ ਦੇ ਮਿਊਂਸਪਲ ਕੌਂਸਲਰ ਤਾਹਿਰ ਹੁਸੈਨ ਨੂੰ ਜਿੰਮੇਵਾਰ ਠਹਿਰਾ ਰਹੇ ਹਨ।

ਇਲਜ਼ਾਮਾਂ ਦੇ ਬਚਾਅ ਵਿੱਚ ਤਾਹਿਰ ਹੁਸੈਨ ਨੇ ਆਪਣੀ ਸਫ਼ਾਈ ਵਿੱਚ ਇੱਕ ਵੀਡੀਓ ਪੋਸਟ ਕੀਤੀ ਹੈ।

26 ਫ਼ਰਵਰੀ ਨੂੰ ਅੰਕਿਤ ਸ਼ਰਮਾ ਦੀ ਲਾਸ਼ ਹਿੰਸਾ ਪ੍ਰਭਾਵਿਤ ਇਲਾਕੇ ਚਾਂਦਬਾਗ਼ ਦੇ ਇੱਕ ਨਾਲੇ ਵਿੱਚੋਂ ਕੱਢੀ ਗਈ ਸੀ।

ਇਹ ਵੀ ਪੜ੍ਹੋ:

• ਪਾਕਿਸਤਾਨ ਨੇ ਅਭਿਨੰਦਨ ਨੂੰ ਕਿਸ ਦੇ ਦਬਾਅ ਹੇਠ ਛੱਡਿਆ ਸੀ
• ਇਸ ਦੇਸ ਵਿੱਚ ਸਰਕਾਰ ਵੱਲੋਂ ਲੋਕਾਂ ਨੂੰ ਦਿੱਤੇ ਜਾ ਰਹੇ ਹਨ 10,000 ਡਾਲਰ
• Delhi Violence: ਭਾਜਪਾ ਆਗੂਆਂ ਤੇ ਪੁਲਿਸ ਖ਼ਿਲਾਫ਼ ਸਖ਼ਤ ਟਿੱਪਣੀਆਂ ਕਰਨ ਵਾਲੇ ਜੱਜ ਦਾ ਤਬਾਦਲਾ

ਮਰਹੂਮ ਦੇ ਪਿਤਾ ਰਵਿੰਦਰ ਕੁਮਾਰ ਨੇ ਨਿਊਜ਼ ਏਜੰਸੀ ਏਐੱਨਆਈ ਨੂੰ ਦੱਸਿਆ, "ਅੰਕਿਤ ਜਦੋਂ ਡਿਊਟੀ ਤੋਂ ਮੁੜਿਆ, ਤਾਂ ਬਾਹਰ ਕੀ ਹੋ ਰਿਹਾ ਹੈ ਇਹ ਦੇਖਣ ਗਿਆ ਸੀ। ਉੱਥੇ ਪਥਰਾਅ ਹੋ ਰਿਹਾ ਸੀ। ਉਸੇ ਸਮੇਂ ਇਮਾਰਤ ਵਿੱਚੋਂ 15-20 ਬੰਦੇ ਆਏ ਅਤੇ ਮੇਰੇ ਮੁੰਡੇ ਨੂੰ ਖਿੱਚ ਕੇ ਲੈ ਗਏ। 5-6 ਜਣਿਆਂ ਨੂੰ ਲੈ ਗਏ। ਜਿਹੜੇ ਉਨ੍ਹਾਂ ਨੂੰ ਛੁਡਾਉਣ ਗਏ, ਉਨ੍ਹਾਂ ਤੇ ਗੋਲੀਆਂ ਚਲਾਈਆਂ ਗਈਆਂ ਤੇ ਪੈਟਰੋਲ ਬੰਬ ਛੱਡੇ ਗਏ।"

"ਕਲੋਨੀ ਦੇ ਕਿਸੇ ਨੇ ਦੱਸਿਆਂ ਕਿ ਤੁਹਾਡੇ ਮੁੰਡੇ ਦੀ ਲਾਸ਼ ਉੱਥੇ ਪਈ ਹੈ। ਉਸ ਸਮੇਂ ਤੱਕ ਇਹ ਨਹੀਂ ਪਤਾ ਸੀ ਕਿ ਉਹ ਮੇਰਾ ਹੀ ਪੁੱਤਰ ਹੈ ਜਾਂ ਕੋਈ ਹੋਰ ਹੈ। ਚਾਂਦਬਾਗ਼ ਪੁਲ ਕੋਲ ਜਿਹੜੀ ਮਸਜਿਦ ਹੈ, ਤਾਂ ਇੱਧਰੋਂ ਲੈ ਕੇ ਆਏ ਉਸ ਨੂੰ ਖਿੱਚ ਕੇ। 8-10 ਆਦਮੀ ਸਨ। ਉੱਪਰੋਂ ਸਿੱਟ ਕੇ ਆ ਗਏ। ਫਿਰ ਦੋ ਜਣਿਆਂ ਨੇ ਉੱਪਰੋਂ ਪੱਥਰ ਸੁੱਟੇ।"

ਲਗਾਤਾਰ ਵਿਰਲਾਪ ਕਰ ਰਹੀ ਅੰਕਿਤ ਦੀ ਮਾਂ ਨੇ ਮੀਡੀਆ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਅੰਕਿਤ ਨੂੰ ਚਾਹ ਪੀ ਕੇ ਘਰੋਂ ਨਿਕਲਣ ਲਈ ਕਿਹਾ ਸੀ। ਅੰਕਿਤ ਦੇ ਦੇਰ ਤੱਕ ਨਾ ਪਰਤਣ ''ਤੇ ਉਨ੍ਹਾਂ ਨੇ ਐੱਫ਼ਆਈਆਰ ਲਿਖਵਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਪੁਲਿਸ ਵਾਲੇ ਉਨ੍ਹਾਂ ਨੂੰ ਥਾਣੇ ਵਿੱਚ ਚੱਕਰ ਕਟਵਾਉਂਦੇ ਰਹੇ।

ਅੰਕਿਤ ਦੀ ਦੇਹ ਮਿਲਣ ਬਾਰੇ ਉਨ੍ਹਾਂ ਦੇ ਪਿਤਾ ਰਵਿੰਦਰ ਨੇ ਦੱਸਿਆ, "ਸਵੇਰੇ 10 ਵਜੇ ਐੱਸਪੀ ਨੇ ਸਰੀਰ ਕਢਵਾਇਆ। ਕਿਸੇ ਗੁਆਂਢੀ ਨੇ ਲਾਸ਼ਾਂ ਸਿਟਦਿਆਂ ਨੂੰ ਦੇਖ ਕੇ ਪੁਲਿਸ ਨੂੰ ਖ਼ਬਰ ਦਿੱਤੀ ਸੀ।"

ਵੀਡੀਓ: ਸੱਜਣ ਕੁਮਾਰ ਨੂੰ ਸਜ਼ਾ ਦੇਣ ਵਾਲਾ ਜੱਜ ਦਿੱਲੀ ਹਿੰਸਾ ਬਾਰੇ ਵੀ ਰਿਹਾ ਸਖ਼ਤ

https://www.youtube.com/watch?v=ffSF7M0vR88

ਤਾਹਿਰ ਹੁਸੈਨ ਆਮ ਆਦਮੀ ਪਾਰਟੀ ਦੇ ਆਗੂ ਹਨ ਤੇ ਨਹਿਰੂ ਵਿਹਾਰ ਇਲਾਕੇ ਦੇ ਐੱਮਸੀ ਹਨ। ਉਨ੍ਹਾਂ ''ਤੇ ਹਿੰਸਾ ਫ਼ੈਲਾਉਣ ਵਾਲਿਆਂ ਨੂੰ ਘਰੇ ਪਨਾਹ ਦੇਣ ਦੇ ਇਲਜ਼ਾਮ ਹਨ।

ਆਪਣੀ ਸਫ਼ਾਈ ਵਾਲੀ ਵੀਡੀਓ ਵਿੱਚ ਉਨ੍ਹਾਂ ਨੇ ਇਹ ਗੱਲ ਮੰਨੀ ਹੈ ਕਿ ਹਿੰਸਾ ਕਰਨ ਵਾਲਿਆਂ ਨੇ ਉਨ੍ਹਾਂ ਦੇ ਦਫ਼ਤਰ ''ਤੇ ਪਥਰਾਅ ਕਰਕੇ ਕਬਜ਼ਾ ਕੀਤਾ। ਉਨ੍ਹਾਂ ਦਾ ਇਹ ਵੀਡੀਓ ਆਮ ਆਦਮੀ ਪਾਰਟੀ ਦੇ ਸੋਸ਼ਲ ਮੀਡੀਆ ਰਣਨੀਤੀਕਾਰ ਅੰਕਿਤ ਲਾਲ ਨੇ ਟਵੀਟ ਕੀਤਾ ਹੈ।

ਭਾਜਪਾ ਆਈਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਆ ਨੇ ਇੱਕ ਵੀਡੀਓ ਟਵੀਟ ਕੀਤਾ। ਵੀਡੀਓ ਦੇ ਕੈਪਸ਼ਨ ਵਿੱਚ ਉਨ੍ਹਾਂ ਨੇ ਲਿਖਿਆ, "ਸਥਾਨਕ ਲੋਕਾਂ ਤੋਂ ਹਿੰਦੂਆਂ ਦੇ ਖ਼ਿਲਾਫ਼ ਹਿੰਸਾ ਵਿੱਚ ''ਆਪ'' ਦੇ ਐੱਮਸੀ ਮੁਹੰਮਦ ਤਾਹਿਰ ਹੁਸੈਨ ਦੀ ਭੂਮਿਕਾ ਦੇ ਵੀਡੀਓ ਮਿਲ ਰਹੇ ਹਨ। ਇਸ ਤੋਂ ਪਤਾ ਲਗਦਾ ਹੈ ਕਿ ਕੇਜਰੀਵਾਲ ਕਿਉਂ ਚੁੱਪ ਹਨ। ਨਾ ਤਾਂ ਉਨ੍ਹਾਂ ਨੇ ਆਪਣੇ ਵਿਧਾਇਕਾਂ ਨਾਲ ਬੈਠਕ ਕੀਤੀ ਅਤੇ ਨਾਲ ਹੀ ਉਨ੍ਹਾਂ ਮੌਲਵੀਆਂ ਨਾਲ ਜਿਨ੍ਹਾਂ ਨੂੰ ਸਰਕਾਰ ਸ਼ਾਂਤੀ ਦੀ ਅਪੀਲ ਲਈ ਪੈਸੇ ਦਿੰਦੀ ਹੈ।"

https://twitter.com/amitmalviya/status/1232733804743184390

ਇਸ ਵੀਡੀਓ ਵਿੱਚ ਤਾਹਿਰ, ਜਿਸ ਨੂੰ ਉਹ ਆਪਣਾ ਦਫ਼ਤਰ ਦੱਸਦੇ ਹਨ। ਉਦੀ ਛੱਤ ਤੋਂ ਕੁਝ ਮੁੰਡੇ ਹੱਥਾਂ ਵਿੱਚ ਡੰਡਾ ਫੜੀ ਅਤੇ ਪਥਰਾਅ ਕਰਦੇ ਦਿਖ ਰਹੇ ਹਨ। ਛੱਤ ਤੇ ਇੱਕ ਵਿਅਕਤੀ ਚਿੱਟੇ ਕੱਪੜਿਆਂ ਲਾਲ ਰੰਗ ਦੀ ਅੱਧੀਆਂ ਬਾਹਾਂ ਦੀ ਸਵੈਟਰ ਵਿੱਚ ਦਿਖ ਰਿਹਾ ਹੈ।

ਵੀਡੀਓ ਸ਼ੂਟ ਕਰਨ ਵਾਲੇ ਲੋਕ ਉਸ ਵਿਅਕਤੀ ਦੀ ਪਛਾਣ ਤਾਹਿਰ ਹੁਸੈਨ ਵਜੋਂ ਕਰ ਰਹੇ ਹਨ। ਹਾਲਾਂਕਿ ਬੀਬੀਸੀ ਇਸ ਵੀਡੀਓ ਦੀ ਪ੍ਰਮਾਣਿਕਤਾ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।

ਆਪਣੀ ਸਫ਼ਾਈ ਦੇਣ ਵਾਲੀ ਵੀਡੀਓ ਵਿੱਚ ਤਾਹਿਰ ਉਹੋ-ਜਿਹਾ ਹੀ ਲਾਲ ਰੰਗ ਦਾ ਅੱਧੀਆਂ ਬਾਹਾਂ ਦੀ ਸਵੈਟਰ ਪਾਈ ਦਿਖ ਰਹੇ ਹਨ।

ਭਾਜਪਾ ਆਗੂ ਕਪਿਲ ਮਿਸ਼ਰਾ ਨੇ ਵੀ ਅਮਿਤ ਮਾਲਵੀਆ ਵਾਲੀ ਵੀਡੀਓ ਸ਼ੇਅਰ ਕੀਤੀ ਹੈ। 27 ਫ਼ਰਵਰੀ ਨੂੰ ਇੱਕ ਟਵੀਟ ਵਿੱਚ ਕਪਿਲ ਨੇ ਲਿਖਿਆ, " ਹੱਤਿਆਰਾ ਤਾਹਿਰ ਹੁਸੈਨ ਹੈ। ਸਿਰਫ਼ ਅੰਕਿਤ ਸ਼ਰਮਾ ਨਹੀਂ ਚਾਰ ਮੁੰਡਿਆਂ ਨੂੰ ਘਸੀਟ ਕੇ ਲੈ ਗਏ ਸਨ। ਉਨ੍ਹਾਂ ਵਿੱਚੋਂ ਤਿੰਨ ਦੀ ਲਾਸ਼ ਮਿਲ ਚੁੱਕੀ ਹੈ। ਵੀਡੀਓ ਵਿੱਚ ਖ਼ੁਦ ਤਾਹਿਰ ਹੁਸੈਨ ਨਕਾਬਪੋਸ਼ ਮੁੰਡਿਆਂ ਦੇ ਨਾਲ ਲਾਠੀ, ਪੱਥਰ, ਗੋਲੀਆਂ, ਪੈਟਰੋਲ ਬੰਬ ਲਈ ਦਿਖ ਰਿਹਾ ਹੈ। ਤਾਹਿਰ ਹੁਸੈਨ ਲਾਗਾਤਾਰ ਕੇਜਰੀਵਾਲ ਅਤੇ ''ਆਪ'' ਦੇ ਆਗੂਆਂ ਨਾਲ ਗੱਲ ਕਰ ਰਿਹਾ ਸੀ।"

https://twitter.com/KapilMishra_IND/status/1232867363084734469

26 ਫ਼ਰਵਰੀ ਦੀ ਰਾਤ ''ਆਪ'' ਦੇ ਸੋਸ਼ਲ ਮੀਡੀਆ ਰਣਨੀਤੀਕਾਰ ਅੰਕਿਤ ਲਾਲ ਨੇ ਇੱਕ ਵੀਡੀਓ ਟਵੀਟ ਕੀਤਾ, ਜਿਸ ਵਿੱਚ ਤਾਹਿਰ ਆਪਣੀ ਸਫ਼ਾਈ ਦੇ ਰਹੇ ਹਨ।

ਵੀਡੀਓ ਵਿੱਚ ਤਾਹਿਰ ਕਹਿ ਰਹੇ ਹਨ, "ਮੇਰੇ ਬਾਰੇ ਵਿੱਚ ਜੋ ਖ਼ਬਰ ਚਲਾਈ ਜਾ ਰਹੀ ਹੈ, ਉਹ ਬਿਲਕੁਲ ਗ਼ਲਤ ਹੈ। ਇਹ ਗੰਦੀ ਰਾਜਨੀਤੀ ਦੇ ਚਲਦਿਆਂ ਮੈਨੂੰ ਬਦਨਾਮ ਕੀਤਾ ਜਾ ਰਿਹਾ ਹੈ। ਜਦੋਂ ਤੋਂ ਕਪਿਲ ਮਿਸ਼ਰਾ ਨੇ ਭੜਕਾਊ ਭਾਸ਼ਣ ਦਿੱਤੇ ਹਨ, ਤਦੋਂ ਤੋਂ ਹੀ ਦਿੱਲੀ ਦੇ ਹਾਲਾਤ ਖ਼ਰਾਬ ਹਨ। ਥਾਂ-ਥਾਂ ਤੋਂ ਪੱਥਰਬਾਜ਼ੀ ਦੀਆਂ ਘਟਨਾਵਾਂ ਸੁਣਨ ਨੂੰ ਮਿਲ ਰਹੀਆਂ ਹਨ।"

"ਪਰਸੋਂ ਸਾਡੇ ਇੱਥੇ ਵੀ ਅਜਿਹਾ ਹੀ ਹੋਇਆ ਸੀ, ਜਿਸ ਤੋਂ ਬਾਅਦ ਅਸੀਂ ਪੁਲਿਸ ਨਾਲ ਸੰਪਰਕ ਕੀਤਾ ਸੀ। ਇੱਕ ਭੀੜ ਮੇਰੇ ਦਫ਼ਤਰ ਦਾ ਗੇਟ ਤੋੜ ਕੇ ਛੱਤ ਤੇ ਚੜ੍ਹ ਗਈ ਸੀ। ਜਿਸ ਤੋਂ ਬਾਅਦ ਮੈਂ ਲਗਾਤਾਰ ਪੁਲਿਸ ਤੋਂ ਮਦਦ ਮੰਗੀ। ਜੋ ਅਫ਼ਸਰ ਉੱਥੇ ਮੌਜੂਦ ਸਨ, ਉਨ੍ਹਾਂ ਦੀ ਨਿਗਰਾਨੀ ਵਿੱਚ ਪੂਰੇ ਮਕਾਨ ਦੀ ਤਲਾਸ਼ੀ ਲਈ ਗਈ। ਪੁਲਿਸ ਨੇ ਹੀ ਮੇਰੇ ਪਰਿਵਾਰ ਤੇ ਮੈਨੂੰ ਉੱਥੋਂ ਸੁਰੱਖਿਅਤ ਬਾਹਰ ਭੇਜਿਆ।"

https://twitter.com/AnkitLal/status/1232716444661510144

ਇਸ ਤੋਂ ਬਾਅਦ ਤਾਹਿਰ ਕਹਿੰਦੇ ਹਨ, "ਮੈਂ ਪੁਲਿਸ ਨੂੰ ਬੇਨਤੀ ਕੀਤੀ ਕਿ ਫੋਰਸ ਨਾ ਹਟਾਉਣ। ਫੋਰਸ ਹਟੀ ਤਾਂ ਮੇਰੀ ਬਿਲਡਿੰਗ ਦਾ ਫਿਰ ਕੋਈ ਨਾਜਾਇਜ਼ ਲਾਹਾ ਲੈ ਲਵੇਗਾ। ਸਾਡੇ ਨਾਲ 5-7 ਜਣਿਆਂ ਨੇ ਪੂਰੀ ਤਾਕਤ ਲਾਈ ਸੀ ਕਿ ਦਰਵਾਜ਼ਾ ਨਾ ਟੁੱਟੇ ਪਰ ਦਰਵਾਜ਼ਾ ਤੋੜ ਦਿੱਤਾ ਗਿਆ।"

"ਪੁਲਿਸ ਦੇ ਉੱਥੋਂ ਹਟਦਿਆਂ ਹੀ ਦੰਗਾਈਆਂ ਨੇ ਉਹੀ ਕੰਮ ਕੀਤਾ, ਜਿਸ ਦਾ ਮੈਨੂੰ ਡਰ ਸੀ। ਮੈਂ ਇੱਕ ਸੱਚਾ ਤੇ ਚੰਗਾ ਮੁਸਲਮਾਨ ਹਾਂ ਤੇ ਹਮੇਸ਼ਾ ਹਿੰਦੂ-ਮੁਸਲਮਾਨ ਭਾਈਚਾਰੇ ਲਈ ਕੰਮ ਕਰਦਾ ਰਿਹਾ ਹਾਂ। ਮੈਂ ਜ਼ਿੰਦਗੀ ਵਿੱਚ ਕਿਸੇ ਨੂੰ ਨੁਕਸਾਨ ਨਹੀਂ ਪਹੁੰਚਾ ਸਕਦਾ। ਮੈਂ ਆਪਣੇ ਬੱਚਿਆਂ ਦੀ ਸਹੁੰ ਖਾਂਦਾ ਹਾਂ। ਮੈਂ ਇਸ ਤਰ੍ਹਾਂ ਦੀ ਘਟੀਆ ਸਿਆਸਤ ਨ ਕਦੇ ਕੀਤੀ ਹੈ ਤੇ ਨਾ ਕਦੇ ਕਰੂੰਗਾ।"

ਤਾਹਿਰ 2017 ਵਿੱਚ ਚੋਣ ਖੇਤਰ 059-ਈ ਨਹਿਰੂ ਵਿਹਾਰ (ਪੂਰਬੀ ਦਿੱਲੀ) ਦੇ ਐੱਮਸੀ ਬਣੇ ਸਨ। ਉਹ ਪੇਸ਼ੇ ਤੋਂ ਇੱਕ ਕਾਰੋਬਾਰੀ ਹਨ। ਤਾਹਿਰ ਨੇ ਆਪਣੀ ਜਾਇਦਾਦ 18 ਕਰੋੜ ਐਲਾਨ ਕੀਤੀ ਹੈ।

ਚੋਣ ਕਮਿਸ਼ਨ ਨੂੰ ਦਿੱਤੇ ਇੱਕ ਹਲਫ਼ਨਾਮੇ ਮੁਤਾਬਕ ਉਨ੍ਹਾਂ ''ਤੇ ਕੋਈ ਅਪਰਾਧਿਕ ਮੁਕੱਦਮਾ ਨਹੀਂ ਦਰਜ ਨਹੀਂ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਕੋਈ ਚੋਣ ਨਹੀਂ ਲੜੀ ਹੈ। 2017 ਵਿੱਚ ਦਿੱਤੀ ਗਈ ਜਾਣਕਾਰੀ ਮੁਤਾਬਿਕ ਉਸ ਸਮੇਂ ਉਹ ਅੱਠਵੀਂ ਪਾਸ ਸਨ ਤੇ ਓਪਨ ਸਕੂਲ ਤੋਂ 10ਵੀਂ ਕਰ ਰਹੇ ਸਨ।

ਇਹ ਵੀ ਪੜ੍ਹੋ:

• ਕੋਰੋਨਾਵਾਇਰਸ ਕਰਕੇ ਚੀਨ ਤੋਂ ਬਾਹਰ ਪਹਿਲੀ ਮੌਤ, ਜਾਣੋ ਪੂਰੀ ਦੁਨੀਆਂ ''ਚ ਕੀ ਹਨ ਤਿਆਰੀਆਂ
• Coronavirus: ਕੀ ਬਿਮਾਰੀ ਵਾਕਈ ਚੰਮ-ਗਿੱਦੜ ਦੇ ਸੂਪ ਤੋਂ ਫੈਲੀ ਹੈ
• ਕੋਰੋਨਾਵਾਇਰਸ: ਕਿਹੜੇ ਦੇਸਾਂ ਨੇ ਚੀਨ ਤੋਂ ਆਉਣ ਵਾਲੇ ਲੋਕਾਂ ''ਤੇ ਲਾਈ ਰੋਕ

ਵੀਡੀਓ: ਬੀਬੀਸੀ ਪੰਜਾਬੀ ਨੂੰ ਲਿਆਓ ਆਪਣੇ ਮੋਬਾਈਲ ''ਤੇ

https://youtu.be/xWw19z7Edrs

ਵੀਡੀਓ: ਦਿੱਲੀ ਹਿੰਸਾ ਵਿੱਚ ਬੀਬੀਸੀ ਪੱਤਰਕਾਰ ਦੇ 5 ਘੰਟੇ

https://www.youtube.com/watch?v=8PEc79pWlpY

ਵੀਡੀਓ:ਮੁਸਲਮਾਨਾਂ ਨੇ ਇੰਝ ਬਚਾਇਆ ਮੰਦਰ

https://www.youtube.com/watch?v=ltJ2_oFesOc

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ।)