ਹਰਸਿਮਰਤ ਕੌਰ ਬਾਦਲ: ਅਕਾਲ ਤਖ਼ਤ ਨੂੰ ਕਿਹੜਾ ਇਨਸਾਨ ਕਮਜ਼ੋਰ ਕਰ ਸਕਦਾ ਹੈ?

ਲੋਕ ਸਭਾ ਚੋਣਾਂ 2019 ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਨੇ ਬਠਿੰਡਾ ਹਲਕੇ ਤੋਂ ਦੋ ਵਾਰ ਸੰਸਦ ਮੈਂਬਰ ਰਹਿ ਚੁੱਕੀ ਹਰਸਿਮਰਤ ਕੌਰ ਬਾਦਲ ਨੂੰ ਹੀ ਮੁੜ ਬਠਿੰਡਾ ਤੋਂ ਆਪਣਾ ਉਮੀਦਵਾਰ ਐਲਾਨਿਆ ਹੈ।

ਹਰਸਿਮਰਤ ਬਾਦਲ ਭਾਜਪਾ ਸਰਕਾਰ ''ਚ ਕੇਂਦਰੀ ਮੰਤਰੀ ਹਨ।

ਬੀਬੀਸੀ ਪੰਜਾਬੀ ਨਾਲ ਖਾਸ ਗੱਲਬਾਤ ਕਰਦਿਆਂ ਉਨ੍ਹਾਂ ਨੇ ਬੇਅਦਬੀ ਦੇ ਮਾਮਲਿਆਂ ਨੂੰ ਲੈ ਕੇ ਅਕਾਲੀ ਦਲ ''ਤੇ ਲੱਗੇ ਇਲਜ਼ਾਮਾਂ ਬਾਰੇ, ਡੇਰੇ ਤੋਂ ਵੋਟਾਂ ਮੰਗਣ ਬਾਰੇ, ਕਰਤਾਰਪੁਰ ਲਾਂਘੇ ਦੀ ਉਸਾਰੀ ''ਤੇ ਹੁੰਦੀ ਸਿਆਸਤ ਅਤੇ ਹੋਰ ਮੁੱਦਿਆਂ ਬਾਰੇ ਗੱਲਬਾਤ ਕੀਤੀ।

ਸਵਾਲ: ਬੇਅਦਬੀ ਦੇ ਮਾਮਲਿਆਂ ਨੂੰ ਲੈ ਕੇ ਅਕਾਲੀ ਦਲ ''ਤੇ ਇਲਜ਼ਾਮ ਲੱਗ ਰਹੇ ਹਨ। ਇਨ੍ਹਾਂ ਬਾਰੇ ਕੀ ਕਹੋਗੇ?

ਜਵਾਬ: ਜਿਹੜੇ ਗੁਰੂ ਸਾਹਿਬ ਉੱਤੇ ਹਮਲੇ ਹੋਏ, ਉਸ ਦਾ ਸਭ ਤੋਂ ਜ਼ਿਆਦਾ ਫਾਇਦਾ ਕਿਸ ਨੂੰ ਹੋਇਆ ਤੇ ਨੁਕਸਾਨ ਕਿਸ ਦਾ ਹੋਇਆ?

ਨੁਕਸਾਨ ਤਾਂ ਸਾਡਾ ਹੋਇਆ ਅਤੇ ਫਾਇਦਾ ਉਨ੍ਹਾਂ ਦਾ ਹੋਇਆ ਜਿਨ੍ਹਾਂ ਦੀਆਂ ਸਰਕਾਰਾਂ ਬਣ ਗਈਆਂ।

ਇਹ ਵੀ ਪੜ੍ਹੋ-

• ''ਕੁੱਤਾ ਬੱਚੀ ਗਲ਼ ਤੋਂ ਫੜ ਕੇ 300 ਮੀਟਰ ਤੱਕ ਘੜੀਸਦਾ ਰਿਹਾ''
• ਸ੍ਰੀ ਲੰਕਾ ਧਮਾਕਿਆਂ ਪਿੱਛੇ ਨੈਸ਼ਨਲ ਤੌਹੀਦ ਜਮਾਤ ਹੈ?
• ''ਮੈਂ ਮੋਦੀ ਨਾਲ ਜੁੜਨ ਆਇਆ ਹਾਂ''
• ਮੋਦੀ ਨੇ ਗਾਂਧੀ ਨਗਰ ''ਚ ਭੁਗਤਾਈ ਵੋਟ

https://www.youtube.com/watch?v=IS1oefP1Qiw

ਜਦੋਂ ਕਾਂਗਰਸ ਦੀ ਸਰਕਾਰ ਬਣੀ ਕਿੰਨੀ ਵਾਰ ਗੁਰੂ ਸਾਹਿਬ ਦੀ ਬੇਅਦਬੀ ਹੋਈ ਲੇਕਿਨ ਕਿਸੇ ਨੇ ਚੂੰ ਤੱਕ ਨਹੀਂ ਕੀਤੀ। ਅੱਜ ਵੀ ਕਾਂਗਰਸ ਆਪਣੀਆਂ ਅਸਫਲਤਾਵਾਂ ਤੋਂ ਧਿਆਨ ਹਟਾਉਣ ਲਈ ਅਕਾਲੀ ਦਲ ਨੂੰ ਹੀ ਭੰਡੀ ਜਾ ਰਹੀ ਹੈ।

ਪਹਿਲਾਂ ਗਰਮ ਖਿਆਲੀਆਂ ਨੂੰ ਸਰਕਾਰੀ ਧਰਨੇ ਵਿੱਚ ਬਿਠਾ ਦਿਉ। ਕਾਂਗਰਸ ਦੀ ਸਾਜ਼ਿਸ਼ ਦੇ ਨਾਲ ਉਨ੍ਹਾਂ ਨੂੰ ਸਾਰੀਆਂ ਸਹੂਲਤਾਂ ਦਿੱਤੀਆਂ ਜਾਂਦੀਆਂ ਹਨ ਤਾਂ ਜੋ ਉਹ ਸਵੇਰ ਤੋਂ ਸ਼ਾਮ ਤੱਕ ਅਕਾਲੀਆਂ ਨੂੰ ਭੰਡਦੇ ਰਹਿਣ।

ਜਦੋਂ ਦੇਖਿਆ ਕਿ ਮਾਹੌਲ ਖਰਾਬ ਹੋ ਰਿਹਾ ਹੈ ਤੇ ਇੰਝ ਲੱਗ ਰਿਹਾ ਹੈ ਅੱਤਵਾਦ ਦੇ ਦਿਨ ਵਾਪਿਸ ਆ ਰਹੇ ਹਨ ਤੇ ਫਿਰ ਚੁਟਕੀ ਮਾਰੀ ਅਤੇ ਉਨ੍ਹਾਂ ਨੂੰ ਉਠਾ ਦਿੱਤਾ।

ਰਣਜੀਤ ਸਿੰਘ ਕਮਿਸ਼ਨ ਦੀ ਰਿਪੋਰਟ ਤੇ 9 ਘੰਟੇ ਅਸੈਂਬਲੀ ਵਿੱਚ ਬਹਿਸ ਚੱਲੀ ਤੇ ਅਕਾਲੀਆਂ ਨੂੰ ਭੰਡਿਆ ਗਿਆ। ਜੇ ਉਸ ਵਿੱਚ ਕੁਝ ਵੀ ਹੁੰਦਾ ਤਾਂ ਅਕਾਲੀਆਂ ਨੂੰ ਜੇਲ੍ਹ ਵਿੱਚ ਬੰਦ ਕਰਨਾ ਸੀ।

ਜਦੋਂ ਦੋ ਸਾਲ ਬਾਅਦ ਕੁਝ ਨਹੀਂ ਮਿਲਿਆ ਤਾਂ ਤੀਜੀ ਕਮਿਸ਼ਨ ਆਪਣੇ ਪੁਲਿਸ ਅਫਸਰ ਦੀ ਬਿਠਾਈ।

ਸਵਾਲ: ਕੀ ਅਕਾਲੀ ਦਲ ਅਤੇ ਅਕਾਲ ਤਖ਼ਤ ਕਮਜ਼ੋਰ ਹੋ ਗਏ ਹਨ?

ਜਵਾਬ: ਅਕਾਲ ਤਖ਼ਤ ਗੁਰੂ ਸਾਹਿਬ ਦਾ ਰਚਿਆ ਸਿਰਮੌਰ ਤਖ਼ਤ ਹੈ। ਕਿਹੜਾ ਇਨਸਾਨ ਹੈ ਜੋ ਇਸ ਨੂੰ ਕਮਜ਼ੋਰ ਕਰ ਸਕਦਾ ਹੈ?

ਭੰਡੀ ਪ੍ਰਚਾਰ ਕਰਨ ਵਾਲੇ ਉਹ ਨੇ ਜਿਨ੍ਹਾ ਨੇ ਟੈਂਕਾ-ਤੋਪਾਂ ਨਾਲ ਹਮਲੇ ਕਰਵਾ ਕੇ ਨਾਮੋ ਨਿਸ਼ਾਨ ਮਿਟਾਉਣ ਦੀ ਕੋਸ਼ਿਸ਼ ਕੀਤੀ।

ਉਹ ਸਵਾਲ ਚੁੱਕ ਰਹੇ ਨੇ ਜਿਨ੍ਹਾਂ ਨੇ ਅਕਾਲ ਤਖ਼ਤ ਸਾਹਿਬ ਨੂੰ ਢਹਿ-ਢੇਰੀ ਕਰ ਕੇ ਸਿੱਖ ਕੌਮ ਨੂੰ ਖ਼ਤਮ ਕਰਨ ਲਈ ਕੋਈ ਕਸਰ ਨਹੀਂ ਛੱਡੀ।

ਸਵਾਲ: ਤੁਸੀਂ ਪਾਕਿਸਤਾਨ ਜਾਣ ਤੇ ਨਵਜੋਤ ਸਿੱਧੂ ਨੂੰ ਗੱਦਾਰ ਕਿਹਾ, ਫਿਰ ਤੁਸੀਂ ਆਪ ਕਰਤਾਰਪੁਰ ਲਾਂਘੇ ਦਾ ਨੀਂਹ ਪੱਥਰ ਰਖਣ ਵੇਲੇ ਉੱਥੇ ਗਏ। ਇਸ ਵਿੱਚ ਤੁਹਾਨੂੰ ਵਿਰੋਧਾਬਾਸ ਨਹੀਂ ਲਗਦਾ?

ਜਵਾਬ: ਮੈਂ ਉਸ ਪ੍ਰਧਾਨ ਮੰਤਰੀ ਅਤੇ ਆਰਮੀ ਜਰਨਲ ਨਾਲ ਦੋਸਤੀ ਨਿਭਾਉਣ ਨਹੀਂ ਗਈ ਸੀ ਜਿਹੜੇ ਸਾਡੇ ਜਵਾਨਾਂ ਨੂੰ ਸ਼ਹੀਦ ਕਰ ਰਿਹਾ ਹੈ। ਉਸ ਲਈ ਤਾਂ ਕਾਂਗਰਸ ਦਾ ਉਹ ਮੰਤਰੀ ਗਿਆ ਸੀ।

ਕੌਰੀਡੋਰ ਜੋ ਮੋਦੀ ਸਾਹਿਬ ਬਣਾ ਰਹੇ ਹਨ ਇੱਥੋ ਲੈ ਕੇ ਪਾਕਿਸਤਾਨ ਤੱਕ ਕੀ ਉਹ ਵੀ ਪਾਕਿਸਤਾਨ ਦੀ ਦੇਣ ਹੈ ਜਾਂ ਕਾਂਗਰਸ ਦੇ ਉਸ ਮੰਤਰੀ ਦੀ ਦੇਣ ਹੈ?

ਇਹ ਕਾਂਗਰਸ ਦੀ ਦੇਣ ਹੈ ਕਿ ਗੁਰੂ ਨਾਨਕ ਨਾਲ ਜੁੜੇ ਜਿੰਨੇ ਵੀ ਅਸਥਾਨ ਹਨ ਭਾਵੇਂ ਨਨਕਾਨਾ ਸਾਹਿਬ ਹੋਵੇ, ਭਾਵੇਂ ਕਰਤਾਰਪੁਰ ਸਾਹਿਬ ਉਹ ਬਾਰਡਰ ਦੇ ਉਸ ਪਾਸੇ ਹਨ।

ਸਾਡੀ ਮੰਗ ਪ੍ਰਧਾਨ ਮੰਤਰੀ ਮੋਦੀ ਨੇ ਮੰਨੀ। ਉਹ ਹਮੇਸ਼ਾ ਮੈਨੂੰ ਵਿਸ਼ਵਾਸ ਦਿਵਾਉਂਦੇ ਹਨ ਕਿ ਮੇਰੀ ਜ਼ੁਬਾਨ ਤੁਹਾਡੀ ਕੌਮ ਦੇ ਨਾਲ ਹੈ ਅਤੇ ਮੈਂ ਲਾਂਘਾ ਬਣਾ ਕੇ ਦੇਵਾਂਗਾ।

ਇਹ ਵੀ ਪੜ੍ਹੋ-

• ਜਦੋਂ ਜਨਰਲ ਡਾਇਰ ਨੂੰ ਕਕਾਰ ਪੁਆ ਕੇ ਬਣਾਇਆ ਸੀ ਸਿੱਖ
• ਕਿਸਾਨ ਦਲਵਿੰਦਰ ਸਿੰਘ ਦੀਆਂ ‘ਸੂਰ-ਗੋਲਕਾਂ’
• ਹਿਟਲਰ ਲਈ ''ਜ਼ਹਿਰ ਚੱਖਣ'' ਵਾਲੀ ਔਰਤ ਦੀ ਕਹਾਣੀ
• ਇੱਕ ਮਹੀਨਾ ਵੈਕਸਿੰਗ ਨਾ ਕਰਵਾਉਣ ਵਾਲੀਆਂ ਔਰਤਾਂ ਦੇ ਤਜਰਬੇ

34 ਸਾਲ ਤੋਂ ਅਸੀਂ ਇਨਸਾਫ ਮੰਗਦੇ ਰਹੇ ਕਤਲਿਆਮ ਦੇ ਖਿਲਾਫ। ਅੱਜ ਵੱਡੇ-ਵੱਡੇ ਮਗਰਮੱਛ ਜੇਲ੍ਹ ਵਿੱਚ ਧੱਕੇ ਗਏ ਨੇ ਕਿਉਂਕਿ ਸਾਡੀ ਸਰਕਾਰ ਨੇ ਐਸਆਈਟੀ ਬਣਾਈ ਜੋ ਉਨ੍ਹਾਂ ਨੂੰ ਸਜ਼ਾ ਦਿਲਵਾ ਰਹੀ ਹੈ।

ਸਵਾਲ: ਕਿਹਾ ਜਾਂਦਾ ਹੈ ਡੇਰੇ ਨੇ ਪਿਛਲੀਆਂ ਚੋਣਾਂ ਵਿੱਚ ਤੁਹਾਡਾ ਸਾਥ ਦਿੱਤਾ। ਇਸ ਵਾਰੀ ਤੁਸੀਂ ਡੇਰੇ ਦੇ ਸਮਰਥਕਾਂ ਕੋਲ ਕਿਵੇਂ ਜਾਓਗੇ?

ਜਵਾਬ: ਮੈਨੂੰ ਨਹੀਂ ਪਤਾ ਕਿਸ ਨੇ ਕਿਸ ਨੂੰ ਸਪੋਰਟ ਕੀਤੀ ਕਿਉਂਕਿ ਨਾ ਤਾਂ ਮੈਂ ਜ਼ਿੰਦਗੀ ਵਿੱਚ ਕਦੇ ਉੱਥੇ ਗਈ ਹਾਂ ਅਤੇ ਨਾ ਹੀ ਕਿਸੇ ਵੋਟਰ ਤੋਂ ਵੋਟ ਮੰਗੀ ਹੈ ਕਿ ਉਹ ਕਿੱਥੇ ਜਾਂਦੇ ਨੇ ਅਤੇ ਕਿਹੜੇ ਧਰਮ ਤੋਂ ਹਨ।

ਆਪਣੇ ਇਲਾਕੇ ਵਿੱਚ ਜਦੋਂ ਵੀ ਮੈਂ ਕਿਸੇ ਪਿੰਡ ਜਾਂ ਸੰਸਥਾ ਵਿੱਚ ਗਈ ਹਾਂ ਤੇ ਆਪਣੇ ਕੀਤੀ ਕੰਮਾਂ ਕਰਕੇ।

ਲੋਕਾਂ ਨੇ ਹਮੇਸ਼ਾ ਸਾਡਾ ਸਾਥ ਦਿੱਤਾ ਹੈ ਕਿਉਂਕਿ ਅਸੀਂ ਜੋ ਵੀ ਵਾਅਦੇ ਕੀਤੇ ਹਨ ਉਨ੍ਹਾਂ ਨੂੰ ਪੂਰਾ ਕੀਤਾ ਹੈ।

ਸਵਾਲ: ਕੁਝ ਸੀਨੀਅਰ ਅਕਾਲੀ ਆਗੂ ਪਾਰਟੀ ਛੱਡ ਗਏ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਡੇਰਾ ਸੱਚਾ ਸੌਦਾ ਮੁੱਖੀ ਨੂੰ ਮੁਆਫੀ ਦੇ ਖਿਲਾਫ ਸਨ। ਉਨ੍ਹਾਂ ਬਾਰੇ ਕੀ ਕਹੋਗੇ?

ਜਵਾਬ: ਜਦੋਂ ਸਾਰਾ ਕੁਝ ਹੋ ਰਿਹਾ ਸੀ ਉਹ ਪਾਰਟੀ ਵਿੱਚ ਸੀ। ਇਹ ਸਭ ਹੋਣ ਦੇ ਬਾਵਜੂਦ ਪਾਰਟੀ ਤੋਂ ਟਿਕਟਾਂ ਮੰਗੀਆਂ।

ਬਾਦਲ ਪਰਿਵਾਰ ਨੂੰ ਬੁਲਾ ਕੇ ਚੋਣ ਪ੍ਰਚਾਰ ਕਰਵਾਇਆ। ਹੁਣ ਜਦੋਂ ਪਾਰਟੀ ਹਾਰ ਗਈ ਅਤੇ ਦੂਜਿਆਂ ਦੇ ਦਿੱਤੇ ਲਾਰੇ ਤੁਹਾਨੂੰ ਚੰਗੇ ਲੱਗਣ ਲਗ ਗਏ।

ਇਹ ਅੱਜ ਦੀ ਤਾਰੀਖ ਵਿੱਚ ਚੋਣ ਲੜ ਕਿਉਂ ਨਹੀਂ ਰਹੇ ਹਨ, ਭੱਜ ਕਿਉਂ ਰਹੇ ਹਨ? ਇਹ ਸਾਫ ਹੈ ਕਿ ਇੱਕ ਸਾਜ਼ਿਸ਼ ਦਾ ਹਿੱਸਾ ਹਨ।

ਸਵਾਲ: ਪੰਜਾਬ ਦਾ ਨੌਜਵਾਨ ਨਸ਼ਿਆਂ ਵੱਲ ਜਾ ਰਿਹਾ ਹੈ। ਇਸ ਨੂੰ ਰੋਕਣ ਲਈ ਅਕਾਲੀ ਦਲ ਨੇ ਕੀ ਕਦਮ ਚੁੱਕੇ ਸਨ?

ਜਵਾਬ: ਪੰਜਾਬ ਵਿੱਚ ਉਨੇ ਹੀ ਡਰੱਗਸ ਹਨ ਜਿੰਨੇ ਕਿ ਦੇਸ ਜਾਂ ਦੁਨੀਆਂ ਦੇ ਕਿਸੇ ਹੋਰ ਕੋਨੇ ਵਿੱਚ ਹਨ।

ਇਹ ਇੱਕ ਅਫਵਾਹ ਫੈਲਾਈ ਗਈ ਸੀ ਕਾਂਗਰਸ ਪਾਰਟੀ ਵੱਲੋਂ ਚੋਣਾਂ ਤੋਂ ਪਹਿਲਾਂ ਜਦੋਂ ਰਾਹੁਲ ਗਾਂਧੀ ਨੇ 2012 ''ਚ ਮੇਰੇ ਹੀ ਹਲਕੇ ''ਚੋਂ ਕਿਹਾ ਸੀ ਕਿ ਪੰਜਾਬ ਦੇ 70 ਫੀਸਦ ਨੌਜਵਾਨ ਨਸ਼ੇੜੀ ਹਨ। ਪੰਜਾਬ ਵਿੱਚ ਬਹੁਤ ਰੋਸ ਹੋਇਆ ਸੀ। ਲੋਕਾਂ ਨੇ ਫਿਲਮਾਂ ਬਣਾਈਆਂ।

ਆਪਣੀ ਸਰਕਾਰ ਵੱਲੋਂ ਅਸੀਂ ਕੋਸ਼ਿਸ਼ ਕੀਤੀ ਕਿ ਸਾਡੇ ਨੌਜਵਾਨਾਂ ਨੂੰ ਤੁਸੀਂ ਕਿਉਂ ਬਦਨਾਮ ਕਰ ਰਹੇ ਹੋ। ਕਲ ਇਨ੍ਹਾਂ ਨੂੰ ਵਿਆਹ ਕਰਵਾਉਣ ''ਚ, ਪੰਜਾਬ ਤੋਂ ਬਾਹਰ ਨੌਕਰੀਆਂ ਮਿਲਣ ਵਿੱਚ ਦਿੱਕਤ ਹੋਵੇਗੀ।

ਜਦੋਂ ਅਸੀਂ ਪੁਲਿਸ ਦੇ ਭਰਤੀ ਕੀਤੀ ਤਾਂ 4 ਲੱਖ ਨੌਜਵਾਨ ਜਿਨ੍ਹਾਂ ਨੇ ਅਪਲਾਈ ਕੀਤਾ ਸੀ ਉਨ੍ਹਾਂ ਦੇ 100 ਫੀਸਦੀ ਡੋਪ ਟੈਸਟ ਕੀਤੇ ਗਏ ਜਿਸ ਲਈ ਕਿਟਸ ਅਮਰੀਕਾ ਤੋਂ ਮੰਗਾਈਆਂ ਗਈਆਂ ਸਨ। 1.2 ਫੀਸਦ ਡਰੱਗ ਅਡਿਕਟਸ ਮਿਲੇ।

ਕੇਂਦਰ ਵਿੱਚ ਕਾਂਗਰਸ ਦੀ ਸਰਕਾਰ ਸੀ ਅਤੇ ਬਾਰਡਰ ਬਿਲਕੁਲ ਹੀ ਪੋਰਸ ਸੀ।

ਸਾਡੇ ਟਾਈਮ ਸਭ ਤੋਂ ਜ਼ਿਆਦਾ ਡਰੱਗਸ ਪੰਜਾਬ ਪੁਲਿਸ ਫੜ੍ਹ ਰਹੀ ਸੀ। ਅਸੀਂ ਪੂਰੀ ਲੜਾਈ ਲੜ ਰਹੇ ਸੀ, ਪਰ ਪੰਜਾਬ ਵਿੱਚ ਇੰਨਾ ਡਰੱਗ ਨਹੀਂ ਸੀ ਜਿੰਨਾਂ ਕਾਂਗਰਸ ਕਹਿ ਰਹੀ ਸੀ।

ਚੋਣ ਜਾਬਤਾ ਲੱਗੇ ਅਜੇ 10 ਦਿਨ ਨਹੀਂ ਹੋਏ ਤੇ 100 ਕਰੋੜ ਦੇ ਡਰੱਗਸ ਫੜੇ ਗਏ ਹਨ। ਅੱਜ ਦੀ ਤਾਰੀਖ ਵਿੱਚ ਪੰਜਾਬ ਵਿੱਚ ਸਰਕਾਰ ਨਾਮ ਦੀ ਕੋਈ ਚੀਜ਼ ਹੀ ਨਹੀਂ ਹੈ।

• ਹਰਸਿਮਰਤ ਨੂੰ ਰਾਹੁਲ ਗਾਂਧੀ ''ਤੇ ਗੁੱਸਾ ਕਿਉਂ ਆਇਆ?
• ਜਦੋਂ ਹਰਸਿਮਰਤ ਕੌਰ ਬਾਦਲ ਨੂੰ ਆਇਆ ਗੁੱਸਾ
• ਲੰਗਰ ਤੋਂ GST ''ਰਿਫੰਡ'' ''ਤੇ ਅਕਾਲੀ ਦਲ ਦਾ ਕਿੰਨਾ ਯੋਗਦਾਨ?
• ਬਠਿੰਡਾ: ਜਿੱਤਣਾ ਹੀ ਨਹੀਂ, ਨਾਂ ਬਣਾਉਣ ਲਈ ਵੀ ਅਹਿਮ ਸੀਟ

ਇਹ ਵੀਡੀਓ ਵੀ ਤੁਹਾਨੂੰ ਪਸੰਦ ਆਉਣਗੇ

https://www.youtube.com/watch?v=xWw19z7Edrs&t=1s

https://www.youtube.com/watch?v=r6KTMpSna18

https://www.youtube.com/watch?v=zNhKJR-FgSY

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ।