World Cup: ਭਾਰਤੀ ਕ੍ਰਿਕਟਰਾਂ ਨੂੰ ਝੱਟਕਾ, ਸਿਰਫ 15 ਦਿਨਾਂ ਤੱਕ ਨਾਲ ਰਹਿ ਸਕਣਗੀਆਂ ਗਰਲਫ੍ਰੈਂਡਸ ਤੇ ਪਤਨੀਆਂ
05/10/2019 12:53:44 AM
ਸਪੋਰਟਸ ਡੈੱਕਸ— ਇੰਗਲੈਂਡ ਤੇ ਵੇਲਸ 'ਚ 30 ਮਈ ਤੋਂ ਵਿਸ਼ਵ ਕੱਪ ਸ਼ੁਰੂ ਹੋਣ ਵਾਲਾ ਹੈ। ਇਸ ਤੋਂ ਪਹਿਲਾਂ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ. ਸੀ. ਸੀ. ਆਈ.) ਨੇ ਭਾਰਤੀ ਖਿਡਾਰੀਆਂ ਨੂੰ ਵੱਡਾ ਝੱਟਕਾ ਦਿੱਤਾ ਹੈ। ਜਾਣਕਾਰੀ ਦੇ ਅਨੁਸਾਰ ਭਾਰਤੀ ਕ੍ਰਿਕਟ ਟੀਮ ਦੇ ਖਿਡਾਰੀ ਤੇ ਸਹਿਯੋਗੀ ਸਟਾਫ ਦੀਆਂ ਪਤਨੀਆਂ ਤੇ ਪਰਿਵਾਰਕ ਮੈਂਬਰ ਸਿਰਫ 15 ਦਿਨਾਂ ਤੱਕ ਹੀ ਨਾਲ ਰੁੱਕ ਸਕਣਗੇ ਤੇ ਇਹ ਅਧਿਕਾਰ ਵੀ ਵਿਸ਼ਵ ਕੱਪ ਸ਼ੁਰੂ ਹੋਣ ਦੇ 3 ਹਫਤੇ ਬਾਅਦ ਮਿਲੇਗਾ।
ਪਿਛਲੇ ਮਹੀਨੇ ਇਹ ਗੱਲ ਸਾਹਮਣੇ ਆਈ ਸੀ ਕਿ ਭਾਰਤੀ ਟੀਮ ਦੇ ਖਿਡਾਰੀ ਤੇ ਸਟਾਫ ਦੀਆਂ ਪਤਨੀਆਂ ਤੇ ਗਰਲਫ੍ਰੈਂਡਸ ਪੂਰੇ ਵਿਸ਼ਵ ਕੱਪ ਦੌਰੇ 'ਚ ਉਨ੍ਹਾਂ ਨਾਲ ਰਹਿਣਗੀਆਂ ਪਰ ਇਕ ਵੀਡੀਓ ਹਾਊਸ ਰਿਪੋਰਟ 'ਚ ਹੁਣ ਇਹ ਗੱਲ ਸਾਹਣੇ ਆਈ ਹੈ ਕਿ ਵੈਗਸ (ਗਰਲਫ੍ਰੈਂਡਸ ਤੇ ਪਤਨੀਆਂ) ਨੂੰ 15 ਦਿਨ ਹੀ ਵਿਦੇਸ਼ 'ਚ ਰਹਿਣ ਦੀ ਆਗਿਆ ਹੋਵੇਗੀ ਤੇ ਉਹ ਵੀ ਟੂਰਨਾਮੈਂਟ ਸ਼ੁਰੂ ਹੋਣ ਤੋਂ 21 ਦਿਨ ਬਾਅਦ।
ਹੁਣ ਜੇਕਰ ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਦੀ ਪਤਨੀ ਅਨੁਸ਼ਕਾ ਸ਼ਰਮਾ ਟੂਰਨਾਮੈਂਟ ਦੇ ਆਖਰੀ ਪੜਾਅ 'ਚ ਆਪਣੇ ਪਤੀ ਦੇ ਨਾਲ ਰਹਿਣ ਚਾਹੁੰਦੀ ਹੈ ਤਾਂ ਉਸ ਨੂੰ ਬੀ. ਸੀ. ਸੀ. ਆਈ. ਦੇ ਇਸ ਨਵੇਂ ਰੂਲ ਦੇ ਹਿਸਾਬ ਨਾਲ ਹੀ ਯੋਜਨਾ ਬਣਾਉਣੀ ਹੋਵੇਗੀ, ਕਿਉਂਕਿ ਵਿਸ਼ਵ ਕੱਪ ਸ਼ੁਰੂ ਹੋਣ ਤੋਂ 3 ਹਫਤਿਆਂ ਦੇ ਬਾਅਦ 15 ਦਿਨ ਦਾ ਵਿੰਡੋ ਨਾਕ ਆਊਟ ਮੈਚਾਂ ਦੇ ਦੌਰਾਨ ਪਵੇਗਾ। ਵਿਸ਼ਵ ਕੱਪ 'ਚ ਭਾਰਤ ਦਾ ਪਹਿਲਾ ਮੁਕਾਬਲਾ 5 ਜੂਨ ਨੂੰ ਹੋਵੇਗਾ।