ਪੱ. ਬੰਗਾਲ ਨੇ ਟੀ20 ਵਿਸ਼ਵ ਕੱਪ ''ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ''ਤੇ ਦੀਪਤੀ ਸ਼ਰਮਾ ਨੂੰ ਕੀਤਾ ਸਨਮਾਨਿਤ
03/15/2020 8:48:47 PM
ਜਲੰਧਰ— ਭਾਰਤੀ ਮਹਿਲਾ ਟੀਮ ਦੀ ਖਿਡਾਰੀ ਦੀਪਤੀ ਸ਼ਰਮਾ ਨੇ ਟੀ-20 ਵਿਸ਼ਵ ਕੱਪ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਦੀਪਤੀ ਦੇ ਇਸ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਦੇਖਦੇ ਹੋਏ ਪੱਛਮੀ ਬੰਗਾਲ ਦੀ ਸਰਕਾਰ ਨੇ ਉਸ ਨੂੰ ਸਨਮਾਨਿਤ ਕੀਤਾ ਹੈ। ਵਿਸ਼ਵ ਕੱਪ ਦੀ ਲੀਗ ਰਾਊਂਡ 'ਚ ਭਾਰਤ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ ਸੀ ਤੇ ਭਾਰਤੀ ਮਹਿਲਾ ਟੀਮ ਨੇ ਬਿਨ੍ਹਾ ਕੋਈ ਮੈਚ ਹਾਰੇ ਫਾਈਨਲ ਤਕ ਦਾ ਸਫਰ ਕੀਤਾ ਸੀ।
Privileged to be felicitated by the Dept. of Youth Services and Sports, Govt. of WB. Thank you for this honour Mr Laxmi Ratan Shukla (Ex- Cricketer, MoS - Youth Services & Sports), Mr Arup Biswas(Public Works and Youth Affairs and Sports Minister) & Mr Gurbux Singh (Hockey great) pic.twitter.com/oiYFmJ6ST1
— Deepti Sharma (@Deepti_Sharma06) March 14, 2020
ਪੱਛਮੀ ਬੰਗਾਲ ਦੀ ਸਰਕਾਰ ਵਲੋਂ ਮਿਲੇ ਸਨਮਾਨ ਨੂੰ ਲੈ ਕੇ ਦੀਪਤੀ ਬਹੁਤ ਖੁਸ਼ ਹੈ ਤੇ ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਟਵੀਟ ਕਰਦੇ ਹੋਏ ਲਿਖਿਆ ਕਿ ਮੈਂ ਪੱਛਮੀ ਬੰਗਾਲ ਦੀ ਨੌਜਵਾਨ ਸੇਵਾ ਤੇ ਖੇਡ ਵਿਭਾਗ, ਸਰਕਾਰ ਵਲੋਂ ਸਨਮਾਨਿਤ ਕੀਤੇ ਜਾਣ ਦਾ ਧੰਨਵਾਦ ਕਰਦੀ ਹਾਂ। ਇਸ ਸਨਮਾਨ ਸਮਾਰੋਹ ਦੌਰਾਨ ਸਾਬਕਾ ਕ੍ਰਿਕਟਰ ਲਕਸ਼ਮੀ ਰਤਨ ਸ਼ੁਕਲਾ, ਜਨਤਕ ਕੰਮ, ਨੌਜਵਾਨ ਮਾਮਲੇ, ਖੇਡ ਮੰਤਰੀ ਅਰੂਪ ਵਿਸ਼ਵਾਸ ਤੇ ਹਾਕੀ ਦੇ ਮਹਾਨ ਖਿਡਾਰੀ ਗੁਰਬਖਸ਼ ਸਿੰਘ ਮੌਜੂਦ ਸਨ।
ਦੀਪਤੀ ਸ਼ਰਮਾ ਨੇ ਭਾਰਤ ਦੇ ਲਈ 54 ਵਨ ਡੇ ਤੇ 48 ਟੀ-20 ਮੈਚ ਖੇਡੇ ਹਨ, ਜਿਸ 'ਚ ਉਸ ਨੇ ਭਾਰਤ ਲਈ ਕ੍ਰਮਵਾਰ 1417, 423 ਦੌੜਾਂ ਬਣਾਈਆਂ ਹਨ। ਦੀਪਤੀ ਪਹਿਲੀ ਮਹਿਲਾ ਖਿਡਾਰੀ ਨਹੀਂ ਹੈ, ਜਿਸ ਨੂੰ ਟੀ-20 ਵਿਸ਼ਵ ਕੱਪ ਤੋਂ ਬਾਅਦ ਸਨਮਾਨਿਤ ਕੀਤਾ ਗਿਆ ਹੋਵੇ। ਇਸ ਤੋਂ ਪਹਿਲਾਂ ਭਾਰਤੀ ਏਅਰ ਫੋਰਸ ਨੇ ਸ਼ਿਖਾ ਪਾਂਡੇ ਨੂੰ ਸਨਮਾਨਿਤ ਕੀਤਾ ਗਿਆ ਸੀ।