ਆਨੰਦ ਨੇ ਡਿੰਗ ਲਿਰੇਨ ਨਾ ਖੇਡਿਆ ਡਰਾਅ, ਸਾਂਝੇ ਤੀਜੇ ਸਥਾਨ ''ਤੇ ਪਹੁੰਚੇ

ਵਿਜਕ ਆਨ ਜੀ : 5 ਵਾਰ ਦੇ ਵਿਸ਼ਵ ਚੈਂਪੀਅਨ ਵਿਸ਼ਵਨਾਥਨ ਆਨੰਦ ਇੱਥੇ ਟਾਟਾ ਸਟੀਲ ਮਾਸਟਰਸ ਵਿਚ ਚੀਨ ਦੇ ਡਿੰਗ ਲਾਰੇਨ ਨਾਲ ਰੋਮਾਂਚਕ ਡਰਾਅ ਖੇਡ ਕੇ ਸਾਂਝੇ ਤੀਜੇ ਸਥਾਨ 'ਤੇ ਪਹੁੰਚ ਗਏ ਹਨ। ਆਨੰਦ ਨੇ ਆਪਣੇ ਮਜ਼ਬੂਤ ਡਿਫੈਂਸ ਦੀ ਬਦੌਲਤ ਡਰਾਅ ਖੇਡਿਆ। ਸਾਲ ਦੇ ਪਹਿਲੇ ਸੁਪਰ ਟੂਰਨਾਮੈਂਟ ਵਿਚ ਹੁਣ ਆਨੰਦ ਖਿਤਾਬ ਨਹੀਂ ਜਿੱਤ ਸਕੇ ਪਰ ਉਸ ਦੇ ਕੋਲ ਆਖਰੀ ਦੌਰ ਵਿਚ ਚੰਗੇ ਪ੍ਰਦਰਸ਼ਨ ਨਾਲ ਪੋਡਿਅਮ 'ਤੇ ਜਗ੍ਹਾ ਬਣਾਉਣ ਦਾ ਮੌਕਾ ਹੈ। ਸਾਬਕਾ ਵਿਸ਼ਵ ਚੈਂਪੀਅਨ ਨਾਰਵੇ ਦੇ ਮੈਗਨਸ ਕਾਰਲਸਨ ਨੇ ਪੋਲੈਂਡ ਦੇ ਯਾਨ ਕ੍ਰਿਸਟੋਫ ਡੁਡਾ ਨੂੰ ਹਰਾ ਕੇ ਚੋਟੀ 'ਤੇ ਆਪਣੀ ਸਥਿਤੀ ਮਜ਼ਬੂਤ ਕਰ ਲਈ ਹੈ। ਉਸ ਦੇ ਸੰਭਾਵਤ 12 ਵਿਚੋਂ 8.5 ਅੰਕ ਹਨ।

ਕਾਰਲਸਨ ਨੇ ਆਪਣੇ ਕਰੀਬੀ ਵਿਰੋਧੀ ਨੀਦਰਲੈਂਡ ਦੇ ਅਨੀਸ਼ ਗਿਰੀ 'ਤੇ ਅੱਧੇ ਅੰਕ ਦੀ ਬੜ੍ਹਤ ਬਮਾ ਰੱਖੀ ਹੈ। ਆਖਰੀ ਦੌਰ ਵਿਚ ਇਹ ਦੋਵੇਂ ਖਿਡਾਰੀ ਆਹਮੋ-ਸਾਹਮਣੇ ਹੋਣਗੇ। ਇਸ 14 ਖਿਡਾਰੀਆਂ ਦੇ ਇਸ ਟੂਰਨਾਮੈਂਟ ਦੇ 12ਵੇਂ ਦੌਰ ਵਿਚ 3 ਬਾਜ਼ੀਆਂ ਦੇ ਨਤੀਜੇ ਨਿਕਲੇ। ਅਮਰੀਕੀ ਚੈਂਪੀਅਨ ਸੈਮੁਅਲ ਸ਼ੇਕਲੈਂਡ ਨੇ ਰੂਸ ਦੇ ਇਆਨ ਨੇਪੋਮਨਿਆਚੀ ਨੂੰ ਹਰਾਇਆ। ਵਲਾਦਿਮੀਰ ਕ੍ਰੈਮਿਨਕ ਨੇ ਰੂਸ ਦੇ ਆਪਣੇ ਸਾਥੀ ਵਲਾਦਿਮੀਰ ਫੇਦੋਸੀਵ ਨੂੰ ਹਰਾ ਕੇ ਦੂਜੀ ਜਿੱਤ ਦਰਜ ਕੀਤੀ। ਆਨੰਦ, ਨੇਪੋਮਨਿਆਚੀ ਅਤੇ ਲਿਰੇਨ 7 ਅੰਕ ਦੇ ਨਾਲ ਸਾਂਝੇ ਰੂਪ ਨਾਲ ਤੀਜੇ ਸਥਾਨ 'ਤੇ ਚਲ ਰਹੇ ਹਨ। ਇਸ ਨਾਲ ਅੱਧਾ ਪਿੱਛੇ ਭਾਰਤ ਦੇ ਵਿਵਾਦਤ ਗੁਜਰਾਤੀ  6ਵੇਂ ਸਥਾਨ 'ਤੇ ਹਨ।