ਵਿਰਾਟ ਕੋਹਲੀ ਛੱਡ ਸਕਦੇ ਨੇ ਕਪਤਾਨੀ, T-20 WC ਤੋਂ ਬਾਅਦ ਇਹ ਧਾਕੜ ਹੋ ਸਕਦੈ ਟੀਮ ਇੰਡੀਆ ਦਾ ਕਪਤਾਨ

ਨਵੀਂ ਦਿੱਲੀ- ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਟੀ20 ਵਰਲਡ ਕੱਪ ਤੋਂ ਬਾਅਦ ਟੀ20 ਅਤੇ ਵਨ-ਡੇ ਟੀਮ ਦੀ ਕਪਤਾਨੀ ਛੱਡ ਸਕਦੇ ਹਨ। ਉਨ੍ਹਾਂ ਦੀ ਥਾਂ ਰੋਹਿਤ ਸ਼ਰਮਾ ਨੂੰ ਟੀਮ ਦੀ ਕਮਾਨ ਸੌਂਪੀ ਜਾ ਸਕਦੀ ਹੈ। ਵਿਰਾਟ ਆਪਣੀ ਬੱਲੇਬਾਜ਼ੀ ’ਤੇ ਫੋਕਸ ਕਰਨ ਲਈ ਇਹ ਵੱਡਾ ਕਦਮ ਚੁੱਕ ਸਕਦੇ ਹਨ। 32 ਸਾਲਾ ਕੋਹਲੀ ਟੀਮ ਇੰਡੀਆ ਦੇ ਸਫਲ ਕਪਤਾਨਾਂ ਵਿੱਚੋਂ ਇੱਕ ਹਨ। ਆਸਟਰੇਲੀਆ ਦੌਰੇ ਤੋਂ ਬਾਅਦ ਵਿਰਾਟ ਕੋਹਲੀ ਨੇ ਇਸ ਮੁੱਦੇ 'ਤੇ ਰੋਹਿਤ ਅਤੇ ਟੀਮ ਪ੍ਰਬੰਧਨ ਨਾਲ ਲੰਮੀ ਗੱਲਬਾਤ ਕੀਤੀ। ਟੀ 20 ਵਿਸ਼ਵ ਕੱਪ ਦੇ ਮੈਚ 17 ਅਕਤੂਬਰ ਤੋਂ 14 ਨਵੰਬਰ ਤੱਕ ਯੂ. ਏ. ਈ. ਅਤੇ ਓਮਾਨ ਵਿੱਚ ਹੋਣੇ ਹਨ।
ਇਹ ਵੀ ਪੜ੍ਹੋ : ਮੇਦਵੇਦੇਵ ਨੇ ਜਿੱਤਿਆ ਅਮਰੀਕੀ ਓਪਨ ਦਾ ਖ਼ਿਤਾਬ, ਜੋਕੋਵਿਚ ਨੇ ਗ਼ੁੱਸੇ 'ਚ ਤੋੜਿਆ ਰੈਕੇਟ

ਇਕ ਅਖ਼ਬਾਰ ਦੀ ਖ਼ਬਰ ਦੇ ਅਨੁਸਾਰ, ਵਿਰਾਟ ਕੋਹਲੀ ਪਿਤਾ ਬਣਨ ਤੋਂ ਬਾਅਦ ਬੱਲੇਬਾਜ਼ੀ 'ਤੇ ਧਿਆਨ ਦੇਣ ਲਈ ਇਹ ਕਦਮ ਚੁੱਕ ਸਕਦੇ ਹਨ। ਸੂਤਰ ਨੇ ਕਿਹਾ, 'ਵਿਰਾਟ ਖੁਦ ਇਸ ਦਾ ਐਲਾਨ ਕਰਨਗੇ। ਉਸ ਦਾ ਮੰਨਣਾ ਹੈ ਕਿ ਉਸ ਨੂੰ ਆਪਣੀ ਬੱਲੇਬਾਜ਼ੀ 'ਤੇ ਧਿਆਨ ਕੇਂਦਰਿਤ ਕਰਨ ਅਤੇ ਦੁਨੀਆ ਦੇ ਸਰਬੋਤਮ ਬੱਲੇਬਾਜ਼ ਬਣਨ ਲਈ ਵਾਪਸ ਜਾਣ ਦੀ ਜ਼ਰੂਰਤ ਹੈ।ਰੋਹਿਤ ਸ਼ਰਮਾ ਨੇ ਆਪਣੀ ਕਪਤਾਨੀ ਵਿੱਚ ਮੁੰਬਈ ਇੰਡੀਅਨਜ਼ ਨੂੰ 5 ਵਾਰ ਆਈ. ਪੀ. ਐਲ. ਖਿਤਾਬ ਦਿਵਾਇਆ ਹੈ। ਦੂਜੇ ਪਾਸੇ ਕੋਹਲੀ ਨੇ ਹੁਣ ਤੱਕ ਬਤੌਰ ਕਪਤਾਨ ਇੱਕ ਵੀ ਆਈ. ਸੀ. ਸੀ. ਟਰਾਫੀ ਨਹੀਂ ਜਿੱਤੀ ਹੈ। ਇਸ ਤੋਂ ਇਲਾਵਾ ਉਹ ਆਈ. ਪੀ. ਐਲ. ਦਾ ਖਿਤਾਬ ਵੀ ਨਹੀਂ ਜਿੱਤ ਸਕਿਆ।
ਇਹ ਵੀ ਪੜ੍ਹੋ : ECB ਨੇ ਰੱਦ ਹੋਏ ਟੈਸਟ ਮੈਚ ਨੂੰ ਲੈ ਕੇ ICC ਨੂੰ ਲਿਖੀ ਚਿੱਠੀ, ਰੱਖੀ ਇਹ ਮੰਗ

ਸਾਬਕਾ ਕਪਤਾਨ ਐਮ. ਐਸ. ਧੋਨੀ ਨੂੰ ਅਗਲੇ ਮਹੀਨੇ ਤੋਂ ਹੋਣ ਵਾਲੇ ਟੀ -20 ਵਿਸ਼ਵ ਕੱਪ ਦੀ ਅਹਿਮ ਜ਼ਿੰਮੇਵਾਰੀ ਸੌਂਪੀ ਗਈ ਹੈ। ਉਸ ਨੂੰ ਟੀਮ ਦਾ ਮੈਂਟਰ ਬਣਾਇਆ ਗਿਆ ਹੈ। ਕੋਹਲੀ ਦੀ ਕਪਤਾਨੀ ਵਿੱਚ, ਟੀਮ ਇੰਡੀਆ 2017 ਚੈਂਪੀਅਨਜ਼ ਟਰਾਫੀ, 2019 ਵਨ-ਡੇ ਵਿਸ਼ਵ ਕੱਪ ਅਤੇ 2021 ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਵਿੱਚ ਉਤਰੇ। ਪਰ ਇੱਕ ਵੀ ਖਿਤਾਬ ਨਹੀਂ ਜਿੱਤ ਸਕਿਆ। ਅਜਿਹੇ ਵਿੱਚ ਧੋਨੀ ਨੂੰ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ ਤਾਂ ਜੋ ਉਸਦੀ ਮਦਦ ਕੀਤੀ ਜਾ ਸਕੇ।

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।