ਬੋਲਟ ਨੂੰ ਮਾਲਟਾ ਫੁੱਟਬਾਲ ਕਲੱਬ ਨੇ ਕਰਾਰ ਦੀ ਕੀਤੀ ਪੇਸ਼ਕਸ਼

ਸਿਡਨੀ— ਜਮੈਕਾ ਦੇ ਮਹਾਨ ਦੌੜਾਕ ਉਸੈਨ ਬੋਲਟ ਪੇਸ਼ੇਵਰ ਫੁੱਟਬਾਲਰ ਬਣਨ ਦੇ ਬਾਅਦ ਯੂਰਪ ਦਾ ਰੁਖ ਕਰ ਸਕਦੇ ਹਨ ਕਿਉਂਕਿ 32 ਸਾਲਾ ਇਸ ਖਿਡਾਰੀ ਨੂੰ ਮਾਲਟਾ ਦੇ ਇਕ ਫੁੱਟਬਾਲ ਕਲੱਬ ਨੇ ਦੋ ਸਾਲਾਂ ਲਈ ਕਰਾਰ ਦੀ ਪੇਸ਼ਕਸ਼ ਕੀਤੀ ਹੈ। ਸਿਡਨੀ ਟੈਲੀਗ੍ਰਾਫ ਦੀ ਖਬਰ ਦੇ ਮੁਤਾਬਕ ਮਾਲਟਾ ਦੇ ਵਾਲਲੇਟਟਾ ਫੁੱਟਬਾਲ ਕਲੱਬ ਨੇ 100 ਮੀਟਰ ਦੌੜ ਦੇ ਮੌਜੂਦਾ ਵਿਸ਼ਵ ਰਿਕਾਰਡਧਾਰੀ ਖਿਡਾਰੀ ਨੂੰ ਟੀਮ ਨਾਲ ਜੁੜਨ ਦੀ ਪੇਸ਼ਕਸ਼ ਕੀਤੀ ਹੈ। 

ਪਿਛਲੇ ਸਾਲ ਐਥਲੈਟਿਕਸ ਤੋਂ ਸੰਨਿਆਸ ਲੈਣ ਦੇ ਬਾਅਦ ਬੋਲਟ ਆਸਟਰੇਲੀਆ ਦੇ ਸੈਂਟਰਲ ਕੋਸਟ ਮੈਰੀਨਰਸ ਫੁੱਟਬਾਲ ਕਲੱਬ ਦੇ ਨਾਲ ਅਭਿਆਸ ਕਰ ਰਹੇ ਹਨ। ਮਾਰੀਨਰਸ ਨੇ ਹਾਲਾਂਕਿ ਅਜੇ ਤੱਕ ਉਨ੍ਹਾਂ ਨਾਲ ਕੋਈ ਕਰਾਰ ਨਹੀਂ ਕੀਤਾ ਹੈ ਜਿਸ ਲਈ ਉਨ੍ਹਾਂ ਨੇ ਪੇਸ਼ੇਵਰ ਫੁੱਟਬਾਲਰ ਦੇ ਤੌਰ 'ਤੇ ਇਕ ਮੈਚ 'ਚ ਦੋ ਗੋਲ ਕੀਤੇ ਸਨ। ਅੱਠ ਵਾਰ ਦੇ ਓਲੰਪਿਕ ਚੈਂਪੀਅਨ ਬੋਲਟ ਇਸ ਤੋਂ ਪਹਿਲਾਂ ਜਰਮਨੀ, ਦੱਖਣੀ ਅਫਰੀਕਾ ਅਤੇ ਨਾਰਵੇ ਦੇ ਕਲੱਬਾਂ ਵੱਲੋਂ ਖੇਡਣ ਦੀ ਕੋਸ਼ਿਸ ਕਰ ਚੁੱਕੇ ਹਨ।