ਫਿੱਟਨੈਸ ਟੈਸਟ ਵਿਚ ਫੇਲ ਹੋਣ ''ਤੇ ਭੜਕੇ ਉਮਰ ਅਕਮਲ, ਟ੍ਰੇਨਰ ਦੇ ਸਾਹਮਣੇ ਉਤਾਰੇ ਕਪੜੇ
02/03/2020 3:18:32 PM
ਕਰਾਚੀ : ਕੌਮਾਂਤਰੀ ਟੀਮ ਵਿਚ ਜਗ੍ਹਾ ਬਣਾਉਣ ਲਈ ਜੂਝ ਰਹੇ ਪਾਕਿਸਤਾਨ ਦੇ ਸਟਾਰ ਵਿਕਟਕੀਪਰ ਬੱਲੇਬਾਜ਼ ਉਮਰ ਅਕਮਲ 'ਤੇ ਗੰਭੀਰ ਦੋਸ਼ ਲੱਗੇ ਹਨ। ਸੂਤਰਾਂ ਦੀ ਮੰਨੀਏ ਤਾਂ ਉਮਰ ਨੇ ਨੈਸ਼ਨਲ ਕ੍ਰਿਕਟ ਅਕੈਡਮੀ ਲਈ ਫਿੱਟਨੈਸ ਟੈਸਟ ਵਿਲ ਫੇਲ ਹੋਣ ਤੋਂ ਬਾਅਦ ਕੁਝ ਅਜਿਹਾ ਕਰ ਦਿੱਤਾ ਜੋ ਉਸ ਨੂੰ ਭਾਰੀ ਨੁਕਸਾਨ ਪਹੁੰਚਾ ਸਕਦਾ ਹੈ। ਸੂਤਰਾਂ ਮੁਤਾਬਕ ਫਿੱਟਨੈਸ ਟੈਸਟ ਦੌਰਾਨ ਉਮਰ ਅਕਮਲ ਦੇ ਸਰੀਰ ਦੀ ਫੈਟ ਨਾਪੀ ਗਈ, ਜਿਸ ਵਿਚ ਉਹ ਫੇਲ ਹੋ ਗਏ। ਇਸ ਗੱਲ ਤੋਂ ਭੜਕੇ ਉਮਰ ਅਕਮਲ ਨੇ ਟ੍ਰੇਨਰ ਦੇ ਸਾਹਮਣੇ ਹੀ ਆਪਣੇ ਕਪੜੇ ਉਤਾਰ ਦਿੱਤੇ। ਇੰਨਾ ਹੀ ਨਹੀਂ ਉਸ ਨੇ ਟ੍ਰੇਨਰ ਨਾ ਬੁਰਾ ਵਿਵਹਾਰ ਕੀਤਾ। ਉਸ ਨੇ ਕਪੜੇ ਉਤਾਰ ਕੇ ਟ੍ਰੇਨਰ ਨੂੰ ਚੀਖਦਿਆਂ ਪੁੱਛਿਆ ਕਿ ਦੱਸੋ ਫੈਟ ਕਿੱਥੇ ਹੈ? ਫਿੱਟਨੈਸ ਲੈਣ ਵਾਲੀ ਟੀਮ ਨੇ ਉਸ ਦੀ ਸ਼ਿਕਾਇਤ ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ. ਸੀ. ਬੀ.) ਨੂੰ ਕੀਤੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਬੁਰੇ ਰਵੱਈਏ ਲਈ ਉਮਰ 'ਤੇ ਬੈਨ ਲਾਇਆ ਜਾ ਸਕਦਾ ਹੈ ਅਤੇ ਅਗਲੇ ਘਰੇਲੂ ਸੀਜ਼ਨ ਤੋਂ ਵੀ ਉਸ ਨੂੰ ਬਾਹਰ ਰੱਖਿਆ ਜਾ ਸਕਦਾ ਹੈ। ਦੂਜੇ ਪਾਸੇ, ਉਮਰ ਦੇ ਵੱਡੇ ਭਰਾ ਕਾਮਰਾਨ ਅਕਮਲ ਅਤੇ ਸਾਬਕਾ ਕਪਤਾਨ ਸਲਮਾਨ ਬੱਟ ਵੀ ਟੈਸਟ ਵਿਚੋਂ ਫੇਲ ਹੋ ਗਏ ਹਨ।
So Umar Akmal could be in trouble with the PCB once again after he's said to have misbehaved with PCB staff during a fitness test at the National Cricket Academy. Akmal after failing the skin-fold test, removed his clothing and shouted at the trainer, "Where is the fat?" #cricket
— Saj Sadiq (@Saj_PakPassion) February 2, 2020
ਇਹ ਪਹਿਲੀ ਵਾਰ ਨਹੀਂ ਹੈ ਕਿ ਜਦੋਂ ਉਮਰ ਆਪਣੇ ਖਰਾਬ ਰਵੱਈਏ ਦੀ ਵਜ੍ਹਾ ਤੋਂ ਸੁਰਖੀਆਂ ਵਿਚ ਹਨ। ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਉਹ ਵਿਵਾਦਾਂ ਵਿਚ ਰਹੇ ਹਨ। ਸਾਲ 2017 ਵਿਚ ਉਸ ਨੂੰ ਚੈਂਪੀਅਨਜ਼ ਟਰਾਫੀ ਤੋਂ ਵਾਪਸ ਪਾਕਿਸਤਾਨ ਭੇਜ ਦਿੱਤਾ ਗਿਆ ਸੀ। ਉਸ ਸਮੇਂ ਫਿੱਟਨੈਸ ਟੈਸਟ ਵਿਚੋਂ ਫੇਲ ਹੋਣ ਕਾਰਨ ਅਕਮਲ ਖਿਲਾਫ ਉਸ ਸਮੇਂ ਦੇ ਕੋਚ ਮਿਕੀ ਆਰਥਰ ਨੇ ਕਾਰਵਾਈ ਕੀਤੀ ਸੀ। ਇਸ ਨਾਲ ਜੁੜੀ ਖਬਰ ਇਹ ਹੈ ਕਿ ਉਮਰ ਤੋਂ ਇਲਾਵਾ ਕਾਮਰਾਨ ਅਕਮਲ ਅਤੇ ਸਲਮਾਨ ਬੱਟ ਵੀ ਫਿੱਟਨੈਸ ਟੈਸਟ ਵਿਚ ਫੇਲ ਹੋਏ ਹਨ। ਦਰਅਸਲ, ਕਾਮਰਾਨ ਨੂੰ ਕਈ ਵਾਰ ਟੈਸਟ ਲਈ ਬੁਲਾਇਆ ਗਿਆ ਪਰ ਉਹ ਲਗਾਤਾਰ ਬਹਾਨਾ ਬਣਾਉਂਦੇ ਰਹੇ। ਆਖਿਰਕਾਰ 28 ਜਨਵਰੀ ਨੂੰ ਉਹ ਅਕੈਡਮੀ ਪਹੁੰਚੇ ਤਾਂ ਟੈਸਟ ਵਿਚ ਫੇਲ ਹੋ ਗਏ। ਇਸ ਤੋਂ ਇਲਾਵਾ ਬੱਟ ਨੇ ਤਾਂ ਫਿੱਟਨੈਸ ਟੈਸਟ ਪੂਰਾ ਦਿੱਤਾ ਹੀ ਨਹੀਂ। ਉਹ ਫਿੱਟਨੈਸ ਟੈਸਟ ਨੂੰ ਵਿਚਾਲੇ ਛੱਡ ਕੇ ਚਲੇ ਗਏ। ਮੰਨਿਆ ਜਾ ਰਿਹਾ ਹੈ ਕਿ ਉਸ 'ਤੇ ਵੀ ਕਾਰਵਾਈ ਕੀਤੀ ਜਾ ਸਕਦੀ ਹੈ।