ਇਸ ਕ੍ਰਿਕਟ ਫੈਨ ਨੂੰ ਆਪਣੇ ਕੱਦ ਕਾਰਨ ਨਹੀਂ ਮਿਲਿਆ ਹੋਟਲ, ਪਹੁੰਚਿਆ ਥਾਣੇ

ਲਖਨਾਊ— ਲਖਨਾਊ ਦੇ ਭਾਰਤ ਰਤਨ ਸ਼੍ਰੀ ਅਟਲ ਬਿਹਾਰੀ ਵਾਜਪਾਈ ਕੌਮਾਂਤਰੀ ਕ੍ਰਿਕਟ ਸਟੇਡੀਅਮ 'ਚ ਕਾਬੁਲ ਦੇ ਅਫਗਾਨਿਸਤਾਨ ਤੇ ਵੈਸਟਇੰਡੀਜ਼ ਦਾ ਮੈਚ ਦੇਖਣ ਆਏ ਵਿਅਕਤੀ ਨੂੰ ਆਪਣੇ ਲੰਮੇ ਕੱਦ ਦੇ ਕਾਰਨ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਦਰਅਸਲ ਕਾਬੁਲ ਤੋਂ ਆਏ ਮੁਹੰਮਦ ਸ਼ੇਰ ਖਾਨ ਨੂੰ ਆਪਣੇ ਲੰਮੇ ਕੱਦ 7 ਫੁੱਟ 4 ਇੰਚ ਦੇ ਕਾਰਨ ਕਿਸੇ ਹੋਟਲ 'ਚ ਜਗ੍ਹਾ ਨਹੀਂ ਮਿਲੀ। ਪ੍ਰੇਸ਼ਾਨ ਸ਼ੇਰ ਖਾਨ ਇਸ ਤੋਂ ਬਾਅਦ ਨਜ਼ਦੀਕ ਪੁਲਸ ਸਟੇਸ਼ਨ 'ਚ ਆਪਣੀ ਸਮੱਸਿਆ ਨੂੰ ਲੈ ਕੇ ਪਹੁੰਚ ਗਿਆ।

ਪੁਲਸ ਸਟੇਸ਼ਨ ਦੇ ਇੰਚਾਰਜ ਵੀ ਅਜਿਹਾ ਅਨੌਖਾ ਮਾਮਲਾ ਦੇਖ ਕੇ ਹੈਰਾਨ ਹੋ ਗਏ। ਉਨ੍ਹਾਂ ਨੇ ਸ਼ੇਰ ਖਾਨ ਦੇ ਕਾਗਜ਼ਾਂ ਦੀ ਜਾਂਚ ਕੀਤੀ ਤੇ ਉਸ ਦੇ ਰਹਿਣ ਲਈ ਜਗ੍ਹਾ ਦਾ ਪ੍ਰਬੰਧ ਕੀਤਾ। ਲੋਕ ਉਸਦੇ ਨਾਲ ਫੋਟੋ ਖਿਚਵਾਉਣ ਦੀ ਭੀੜ 'ਚ ਲੱਗੇ ਦਿਖੇ।
ਜ਼ਿਕਰਯੋਗ ਹੈ ਕਿ ਅਫਗਾਨਿਸਤਾਨ ਤੇ ਵੈਸਟਇੰਡੀਜ਼ ਦੇ ਵਿਚ 5 ਮੈਚਾਂ ਦੀ ਸੀਰੀਜ਼ ਲਖਨਾਊ ਦੇ ਸਟੇਡੀਅਮ 'ਚ ਖੇਡੀ ਜਾਣੀ ਹੈ। ਅਫਗਾਨਿਸਤਾਨ ਵਲੋਂ ਜਿੱਥੇ ਰਾਸ਼ਿਦ ਖਾਨ ਤਾਂ ਵੈਸਟਇੰਡੀਜ਼ ਵਲੋਂ ਕੈਰੋਨ ਪੋਲਾਰਡ ਕਪਤਾਨੀ ਕਰ ਰਹੇ ਹਨ।
ਬੀਤੇ ਦਿਨੀਂ ਸ਼ੇਨ ਖਾਨ ਜਗ ਬਾਣੀ ਦਰਫਤਰ 'ਚ ਵੀ ਆਏ ਸਨ। ਉਨ੍ਹਾਂ ਨੇ ਆਪਣੀ ਪਸੰਦ-ਨਾਪਸੰਦ ਦੇ ਵਾਰੇ 'ਚ ਖੁੱਲ ਕੇ ਗੱਲਬਾਤ ਕੀਤੀ ਸੀ।
ਪੜ੍ਹੋਂ ਇੰਟਰਵਿਊ—
ਮੁਹੰਮਦ ਸ਼ੇਰ ਖਾਨ ਤੋਂ ਪੁੱਛੇ ਗਏ ਕੁਝ ਸਵਾਲ

ਦੇਸ਼ਾਂ-ਵਿਦੇਸ਼ਾਂ ਵਿਚ ਆਪਣੇ ਕੱਦ ਅਤੇ ਸਿਹਤ ਸਦਕਾ ਨਾਮਣਾ ਖੱਟਣ ਵਾਲੇ ਖਲੀ ਨੂੰ ਤਾਂ ਸਭ ਜਾਣਦੇ ਹੀ ਹਨ ਪਰ ਖਲੀ ਵਰਗੇ ਦਿਖਣ ਵਾਲੇ ਮੁਹੰਮਦ ਸ਼ੇਰ ਖਾਨ (27 ਸਾਲ) ਨੂੰ ਅਜੇ ਪਛਾਣ ਦੀ ਲੋੜ ਹੈ। ਬੇਸ਼ੱਕ ਮੁਹੰਮਦ ਸ਼ੇਰ ਖਾਨ ਕੱਦ-ਕਾਠ ਖਲੀ ਨੂੰ ਟੱਕਰ ਦਿੰਦੇ ਹਨ ਅਤੇ ਹੋ ਸਕਦਾ ਹੈ ਕਿ ਉਹ ਕੁਝ ਸਾਲਾਂ ਬਾਅਦ ਖਲੀ ਵਾਂਗ ਆਪਣਾ ਨਾਂ ਰੌਸ਼ਨ ਕਰ ਸਕਣ। ਜਗ ਬਾਣੀ ਦੇ ਦਫਤਰ ਪੁੱਜੇ ਸ਼ੇਰ ਖਾਨ ਨਾਲ ਗੱਲਬਾਤ ਕੀਤੀ ਗਈ, ਜਿਸ ਦੌਰਾਨ ਮੁਹੰਮਦ ਨੇ ਦੱਸਿਆ ਕਿ ਉਨ੍ਹਾਂ ਦਾ ਕੱਦ 7 ਫੁੱਟ 4 ਇੰਚ ਹੈ ਅਤੇ ਉਹ ਇਥੇ ਜਲੰਧਰ ਵਿਚ ਦਿ ਗ੍ਰੇਟ ਖਲੀ ਕੋਲੋ ਰੈਸਲਿੰਗ ਦੇ ਗੁਰ ਸਿੱਖਣ ਲਈ ਆਏ ਹਨ ਅਤੇ ਜੇਕਰ ਉਹ 2-3 ਤਿੰਨ ਸਾਲ ਦੀ ਟ੍ਰੇਨਿੰਗ ਪੂਰੀ ਕਰ ਲੈਂਦੇ ਹਨ ਤਾਂ ਉਹ ਰੈਸਲਿੰਗ ਵਿਚ ਮੁਕਾਬਲਾ ਕਰ ਸਕਣਗੇ।
ਮੁਹੰਮਦ ਨੇ ਦੱਸਿਆ ਕਿ ਉਹ ਭਾਰਤ ਕਈ ਵਾਰ ਆ ਚੁੱਕੇ ਹਨ ਅਤੇ ਇਸ ਵਾਰ ਉਹ ਆਪਣਾ ਇਲਾਜ ਕਰਵਾਉਣ ਤੇ ਗ੍ਰੇਟ ਖਲੀ ਨਾਲ ਮੁਲਾਕਾਤ ਕਰਨ ਲਈ ਆਏ ਹਨ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੂੰ ਕ੍ਰਿਕਟ ਪਸੰਦ ਹੈ ਅਤੇ ਉਨ੍ਹਾਂ ਦੇ ਸਭ ਤੋਂ ਪਸੰਦੀਦਾ ਕ੍ਰਿਕਟਰ ਵਰਿੰਦਰ ਸਹਿਵਾਗ ਹਨ। ਮੁਹੰਮਦ ਨੇ ਕਿਹਾ ਕਿ ਉਸ ਨੂੰ ਸਪੋਰਟਸ ਪਸੰਦ ਹੈ ਪਰ ਸਪੋਰਟ ਨਾ ਮਿਲਣ ਕਾਰਨ ਉਹ ਕਿਸੇ ਮੁਕਾਮ ਤੱਕ ਨਹੀਂ ਪਹੁੰਚ ਸਕੇ। ਇਸ ਤੋਂ ਇਲਾਵਾ ਉਨ੍ਹਾਂ  ਦੱਸਿਆ ਕਿ ਉਨ੍ਹਾਂ ਨੂੰ ਸੰਗੀਤ ਸੁਣਨਾ ਕਾਫੀ ਪਸੰਦ ਹੈ ਪਰ ਫਿਲਮਾਂ ਬਾਰੇ ਉਨ੍ਹਾਂ ਨੇ ਕਿਹਾ ਕਿ ਉਹ ਫਿਲਮਾਂ ਦੇ ਸ਼ੌਕੀਨ ਨਹੀਂ ਹਨ।
ਇਹ ਹੈ ਸ਼ੇਰ ਖਾਨ ਦਾ ਡਾਈਟ-ਚਾਰਟ

ਮੁਹੰਮਦ ਨੇ ਦੱਸਿਆ ਕਿ ਉਹ ਰੋਜ਼ਾਨਾ 3 ਟਾਈਮ ਕਾਵਾ ਪੀਂਦੇ ਹਨ ਤੇ ਚਾਵਲ ਖਾਂਦੇ ਹਨ। ਇਸ ਤੋਂ ਇਲਾਵਾ ਉਹ ਸ਼ੋਰਬਾ ਵੀ ਖਾਣਾ ਪਸੰਦ ਕਰਦੇ ਹਨ।
ਮੁਹੰਮਦ ਖੁਦ ਨੂੰ ਦੱਸਦੈ ਕਮਜ਼ੋਰ
ਮੁਹੰਮਦ ਖੁਦ ਨੂੰ ਕਮਜ਼ੋਰ ਸਰੀਰ ਵਾਲਾ ਦੱਸਦਾ ਹੈ ਕਿਉਂਕਿ ਉਸ ਦਾ ਮੰਨਣਾ ਹੈ ਕਿ ਜਦੋਂ ਤੱਕ ਉਹ ਟ੍ਰੇਨਿੰਗ ਜਾਂ ਦਾਅ-ਪੇਚ ਨਹੀਂ ਸਿੱਖ ਲੈਂਦਾ ਉਦੋਂ ਤੱਕ ਉਹ ਇਕ ਆਮ ਇਨਸਾਨ ਹੀ ਹੈ।