ਚਾਹ ਵਾਲੇ ਦੀ ਧੀ ਕਾਜੋਲ ਸਰਗਾਰ ਨੇ ਰਚਿਆ ਇਤਿਹਾਸ, ਖੇਲੋ ਇੰਡੀਆ 2021 ਦਾ ਜਿੱਤਿਆ ਪਹਿਲਾ ਸੋਨਾ
06/06/2022 5:00:50 PM
ਪੰਚਕੂਲਾ : ਹਰਿਆਣਾ ਦੇ ਪੰਚਕੂਲਾ ’ਚ ਆਯੋਜਿਤ ਖੇਲੋ ਇੰਡੀਆ ਯੂਥ ਗੇਮਜ਼ 2021 ’ਚ ਇਕ ਚਾਹ ਵਾਲੇ ਦੀ ਧੀ ਨੇ ਪਹਿਲਾ ਸੋਨ ਤਮਗਾ ਜਿੱਤਿਆ ਹੈ। 3 ਸਾਲ ਪਹਿਲਾਂ ਤੱਕ ਕਾਜੋਲ ਸਰਗਾਰ ਦਾ ਖੇਡਾਂ ਨਾਲ ਸਿਰਫ਼ ਇੰਨਾ ਰਿਸ਼ਤਾ ਸੀ ਕਿ ਉਹ ਆਪਣੇ ਭਰਾ ਸੰਕੇਤ ਨੂੰ ਵੇਟਲਿਫਟਿੰਗ ਦੀ ਸਿਖਲਾਈ ਕਰਦਿਆਂ ਦੇਖਣ ਲਈ ਇਕ ਸਥਾਨਕ ਜਿਮਨੇਜ਼ੀਅਮ ’ਚ ਜਾਂਦੀ ਸੀ। ਮਹਾਰਾਸ਼ਟਰ ਦੇ ਸਾਂਗਲੀ ਤੋਂ ਆਉਣ ਵਾਲੀ ਕਾਜੋਲ ਨੇ ਆਪਣੇ ਭਰਾ ਨੂੰ ਭਾਰਤ ਦਾ ਚੋਟੀ ਦਾ ਵੇਟਲਿਫਟਰ ਬਣਦੇ ਦੇਖਿਆ ਪਰ ਇਸ ਨਾਲ ਵੀ ਉਸ ਨੂੰ ਖੇਡਾਂ ਵੱਲ ਆਉਣ ਦੀ ਪ੍ਰੇਰਨਾ ਨਹੀਂ ਮਿਲੀ। ਫਿਰ ਇਕ ਦਿਨ 2019 ’ਚ ਜਦੋਂ ਉਸ ਨੇ ਸਾਂਗਲੀ ਤੋਂ ਹੀ ਆਉਣ ਵਾਲੀ ਰੂਪਾ ਹਾਂਗੰਡੀ ਨੂੰ ਪੁਣੇ ਦੀਆਂ ਖੇਲੋ ਇੰਡੀਆ ਯੂਥ ਗੇਮਜ਼ ’ਚ ਸੋਨਾ ਜਿੱਤਦਿਆਂ ਦੇਖਿਆ ਤਾਂ ਉਦੋਂ ਤੋਂ ਹੀ ਕਾਜੋਲ ਲਈ ਸਭ ਕੁਝ ਬਦਲ ਗਿਆ। ਕਾਜੋਲ ਸਰਗਾਰ ਨੇ ਐਤਵਾਰ ਨੂੰ ਇਥੇ ਖੇਲੋ ਇੰਡੀਆ ਯੂਥ ਗੇਮਜ਼ 2021 ’ਚ ਪਹਿਲਾ ਸੋਨ ਤਮਗਾ ਜੇਤੂ ਬਣਨ ਤੋਂ ਬਾਅਦ ਕਿਹਾ ਕਿ ਮੇਰਾ ਭਰਾ ਮੇਰੇ ਤੋਂ ਪੰਜ ਸਾਲ ਵੱਡਾ ਹੈ। ਮੈਂ ਉਸ ਨਾਲ ਪਹਿਲਾਂ ਕਦੇ ਖੇਡਾਂ ਬਾਰੇ ਗੱਲ ਨਹੀਂ ਕੀਤੀ। ਉਸ ਨੇ ਕਿਹਾ ਕਿ ਖੇਲੋ ਇੰਡੀਆ ਯੂਥ ਗੇਮਜ਼ ’ਚ ਰੂਪਾ ਹਾਂਗੰਡੀ ਦੀ ਸਫਲਤਾ ਬਾਰੇ ਜਾਣਨ ਤੋਂ ਬਾਅਦ ਹੀ ਮੈਨੂੰ ਲੱਗਾ ਕਿ ਮੈਨੂੰ ਵੀ ਵੇਟਲਿਫਟਿੰਗ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ : ਸੁਖਬੀਰ ਬਾਦਲ ਦਾ CM ਮਾਨ ’ਤੇ ਵੱਡਾ ਹਮਲਾ, ਕਿਹਾ-ਪੰਜਾਬ ’ਚ ਕੋਈ ਵੀ ਨਹੀਂ ਸੁਰੱਖਿਅਤ
ਮਯੂਰ ਸਿੰਘਾਸਨੇ ਦੇ ਅਧੀਨ ਸਿਖਲਾਈ ਲੈ ਰਹੀ ਕਾਜੋਲ ਨੇ ਮਹਿਲਾਵਾਂ ਦੇ 40 ਕਿਲੋਗ੍ਰਾਮ ਵਰਗ ’ਚ ਕੁਲ 113 ਕਿਲੋਗ੍ਰਾਮ ਭਾਰ ਚੁੱਕ ਕੇ ਮਹਾਰਾਸ਼ਟਰ ਦੀ ਤਮਗਾ ਸੂਚੀ ’ਚ ਸਿਖਰ ਵੱਲ ਵਧਣ ਲਈ ਕਦਮ ਚੁੱਕਿਆ। ਕਾਜੋਲ ਸਨੈਚ ’ਚ ਸਿਰਫ਼ 50 ਕਿਲੋਗ੍ਰਾਮ ਹੀ ਹਾਸਲ ਕਰ ਸਕੀ ਅਤੇ ਆਪਣੀ ਤੀਜੀ ਕੋਸ਼ਿਸ਼ ’ਚ ਉਹ ਆਸਾਮ ਦੀ ਰੇਖਾਮੋਨੀ ਗੋਗੋਈ ਤੋਂ ਪਿੱਛੇ ਰਹਿ ਗਈ, ਜਿਸ ਨੇ ਕਲੀਨ ਐਂਡ ਜ਼ਰਕ ’ਚ ਉਸ ਤੋਂ ਦੋ ਕਿਲੋਗ੍ਰਾਮ ਵੱਧ ਭਾਰ ਚੁੱਕਿਆ। ਇਸ ਤੋਂ ਬਾਅਦ ਰੂਪਾ ਕਲੀਨ ਐਂਡ ਜ਼ਰਕ ’ਚ 60 ਕਿਲੋਗ੍ਰਾਮ ਅਤੇ 63 ਕਿਲੋਗ੍ਰਾਮ ਭਾਰ ਚੁੱਕ ਕੇ ਪੋਡੀਅਮ ਦੇ ਸਿਖਰ ’ਤੇ ਪਹੁੰਚ ਗਈ।
ਰੇਖਾਮੋਨੀ (109 ਕਿਲੋ; 52 ਕਿਲੋਗ੍ਰਾਮ ਸਨੈਚ, 57 ਕਿਲੋਗ੍ਰਾਮ ਕਲੀਨ ਐਂਡ ਜ਼ਰਕ) ਤੀਜੇ ਸਥਾਨ ’ਤੇ ਖਿਸਕ ਗਈ ਅਤੇ ਅਰੁਣਾਚਲ ਪ੍ਰਦੇਸ਼ ਦੀ ਸਾਂਡੀਆ ਗੁੰਗਲੀ ਨੇ ਕੁਲ 111 ਕਿਲੋਗ੍ਰਾਮ (47 ਕਿਲੋਗ੍ਰਾਮ ਸਨੈਚ, 63 ਕਿਲੋਗ੍ਰਾਮ ਕਲੀਨ ਐਂਡ ਜ਼ਰਕ) ਨਾਲ ਚਾਂਦੀ ਤਮਗਾ ਜਿੱਤਿਆ। ਕਾਜੋਲ ਨੇ ਅਗਸਤ 2021 ’ਚ ਪਟਿਆਲਾ ’ਚ ਯੂਥ ਨੈਸ਼ਨਲ ’ਚ ਕਾਂਸੀ ਤਮਗਾ ਜਿੱਤਿਆ ਸੀ ਪਰ ਇਸ ਸਾਲ ਦੇ ਸ਼ੁਰੂ ’ਚ ਗੁੱਟ ਕਾਰਨ ਉਹ ਇਸ ਸਾਲ ਦੇ ਆਪਣੇ ਟੀਚਿਆਂ ’ਤੇ ਦੁਬਾਰਾ ਕੰਮ ਕਰਨ ਲਈ ਮਜਬੂਰ ਹੋ ਗਈ। ਕਾਜੋਲ ਨੇ ਕਿਹਾ ਕਿ ਮੈਂ ਟ੍ਰੇਨਿੰਗ ਦੌਰਾਨ 70 ਕਿਲੋ ਭਾਰ ਚੁੱਕਣ ਦੀ ਕੋਸ਼ਿਸ਼ ਕਰ ਰਹੀ ਸੀ ਅਤੇ ਜ਼ਖ਼ਮੀ ਹੋ ਗਈ। ਮੈਂ 2 ਮਹੀਨਿਆਂ ਤੋਂ ਵੱਧ ਸਮੇਂ ਤੋਂ ਐਕਸ਼ਨ ਤੋਂ ਬਾਹਰ ਰਹੀ ਅਤੇ ਇਥੋਂ ਤਕ ਕਿ ਮਾਰਚ ’ਚ ਭੁਵਨੇਸ਼ਵਰ ਵਿਚ ਨੈਸ਼ਨਲ ਤੋਂ ਵੀ ਖੁੰਝ ਗਈ। ਇਹ ਿਖਤਾਬ ਮੇਰੇ 3 ਸਾਲਾਂ ਦੇ ਸਫ਼ਰ ਵਿਚ ਇਕ ਮਹੱਤਵਪੂਰਨ ਮੀਲ ਪੱਥਰ ਹੈ ਅਤੇ ਮੈਨੂੰ ਹੋਰ ਸਖ਼ਤ ਮਿਹਨਤ ਕਰਨ ਲਈ ਪ੍ਰੇਰਿਤ ਕਰੇਗਾ।
