ਤਨਮਯ ਨੇ ਕਾਮਨਵੈਲਥ ਚੈੱਸ 'ਚ ਜਿੱਤਿਆ ਚਾਂਦੀ ਤਮਗਾ
07/09/2019 12:08:47 PM
ਜਲੰਧਰ (ਜ. ਬ.)- ਜਲੰਧਰ ਦੇ ਜੂਨੀਅਰ ਚੈੱਸ ਖਿਡਾਰੀ ਤਨਮਯ ਜੈਨ ਨੇ ਦਿੱਲੀ ਵਿਚ 1 ਤੋਂ ਲੈ ਕੇ 7 ਜੁਲਾਈ ਤਕ ਹੋਈ ਅੰਡਰ-12 ਕਾਮਨਵੈਲਥ ਚੈੱਸ ਚੈਂਪੀਅਨਸ਼ਿਪ ਦੀ ਓਪਨ ਕੈਟਾਗਰੀ ਵਿਚ ਚਾਂਦੀ ਤਮਗਾ ਹਾਸਲ ਕੀਤਾ। ਇਸ ਪ੍ਰਤੀਯੋਗਿਤਾ ਵਿਚ ਵੱਖ-ਵੱਖ ਦੇਸ਼ਾਂ ਦੇ 47 ਖਿਡਾਰੀਆਂ ਨੇ ਹਿੱਸਾ ਲਿਆ ਸੀ। ਪ੍ਰਤੀਯੋਗਿਤਾ ਵਿਚ ਤਨਮਯ ਨੇ ਸਾਢੇ 5 ਅੰਕ ਹਾਸਲ ਕੀਤੇ। ਤਨਮਯ ਨੇ ਆਪਣੀ ਸਫਲਤਾ ਦਾ ਸਿਹਰਾ ਆਪਣੇ ਪਿਤਾ ਪੰਕਜ ਜੈਨ ਦੇ ਨਾਲ-ਨਾਲ ਪੂਰੇ ਪਰਿਵਾਰ ਅਤੇ ਆਪਣੇ ਸਕੂਲ ਦੇ ਅਧਿਆਪਕ ਅਤੇ ਕੋਚ ਨੂੰ ਦਿੱਤਾ। ਉਸ ਨੇ ਕਿਹਾ ਕਿ ਪਰਿਵਾਰ ਤੇ ਸਕੂਲ ਦੇ ਸਹਿਯੋਗ ਨਾਲ ਹੀ ਉਹ ਇਸ ਮੁਕਾਮ 'ਤੇ ਪਹੁੰਚ ਸਕਿਆ ਹੈ।