ਤਗਮਾ ਜੇਤੂ ਮਹਿਲਾ ਮੁੱਕੇਬਾਜ਼ ਦੀ ਮਦਦ ਲਈ ਅੱਗੇ ਆਈ ਸੁਸ਼ਮਾ ਸਵਰਾਜ
11/13/2017 9:05:06 AM
ਨਵੀਂ ਦਿੱਲੀ, (ਬਿਊਰੋ)— ਹਰਿਆਣਾ ਦੇ ਰੋਹਤਕ 'ਚ ਆਯੋਤਿ ਰਾਸ਼ਟਰੀ ਜੂਨੀਅਰ ਮਹਿਲਾ ਮੁੱਕੇਬਾਜ਼ੀ 'ਚ ਕਾਂਸੀ ਤਮਗਾ ਜਿੱਤਣ ਵਾਲੀ ਝਲਕ ਤੋਮਰ ਦੀ ਮਦਦ ਲਈ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਅੱਗੇ ਆਈ ਹੈ। ਤੋਮਰ ਨੇ ਟਵਿੱਟਰ ਦੇ ਜ਼ਰੀਏ ਸੁਸ਼ਮਾ ਤੋਂ ਵਿਦੇਸ਼ 'ਚ ਜਾਣ ਦੇ ਲਈ ਤੁਰੰਤ ਪਾਸਪੋਰਟ ਬਣਵਾਉਣ ਦੀ ਮੰਗ ਕੀਤੀ। ਸੁਸ਼ਮਾ ਨੇ ਉਸ ਨੂੰ ਭਰੋਸਾ ਦਿੱਤਾ ਕਿ ਛੇਤੀ ਹੀ ਉਸ ਦਾ ਪਾਸਪੋਰਟ ਤਿਆਰ ਕਰ ਦਿੱਤਾ ਜਾਵੇਗਾ।
@SushmaSwaraj Susma mam please help this india boxer too. She want to go to outside india for boxing match and she need quick passport . please help her too. Her contact number. 7417555556. pic.twitter.com/n9kjotB4z3
— Aditi Sharma 🇮🇳 (@Real_Aditi) November 12, 2017
ਜ਼ਿਕਰਯੋਗ ਹੈ ਕਿ ਖਾਂਜਾਪੁਰ ਪਿੰਡ ਦੇ ਵਸਨੀਕ ਤੇਜ ਬਹਾਦੁਰ ਤੋਮਰ ਦੀ ਧੀ ਝਲਕ ਤੋਮਰ ਨੇ ਰਾਜਸਥਾਨ ਉਦੇਪੁਰ ਟੀਮ ਵੱਲੋਂ ਹਰਿਆਣਾ ਦੇ ਰੋਹਤਕ 'ਚ ਆਯੋਜਿਤ ਰਾਸ਼ਟਰੀ ਜੂਨੀਅਰ ਮਹਿਲਾ ਮੁੱਕੇਬਾਜ਼ੀ 'ਚ 54 ਕਿਲੋਗ੍ਰਾਮ ਭਾਰ ਵਰਗ 'ਚ ਹਿੱਸਾ ਲੈ ਕੇ ਬਿਹਤਰ ਪ੍ਰਦਰਸ਼ਨ ਕਰਦੇ ਹੋਏ ਕਾਂਸੀ ਤਮਗਾ ਜਿੱਤ ਕੇ ਜ਼ਿਲੇ ਦਾ ਨਾਂ ਰੋਸ਼ਨ ਕੀਤਾ ਸੀ।
Jhalak - I have spoken on the given number. You will get the Passport tomorrow morning and you have to win a medal for the country. @Real_Aditi @rpoghaziabad
— Sushma Swaraj (@SushmaSwaraj) November 12, 2017
ਝਲਕ ਦੀ ਜੂਨੀਅਰ ਟੀਮ ਇੰਡੀਆ ਕੈਂਪ ਦੇ ਲਈ ਚੋਣ ਕੀਤੀ ਗਈ ਸੀ। ਝਲਕ ਇਨ੍ਹਾਂ ਦਿਨਾਂ 'ਚ ਹੇਮਰਾਜ ਕਸਰਤਖਾਨਾ ਉਦੇਪੁਰ 'ਚ ਟ੍ਰੇਨਿੰਗ ਪ੍ਰਾਪਤ ਕਰ ਰਹੀ ਹੈ। ਝਲਕ ਤੋਮਰ ਨੇ ਇਸ ਤੋਂ ਪਹਿਲਾਂ ਵੀ ਜੋਧਪੁਰ 'ਚ ਹੋਈ ਰਾਸ਼ਟਰੀ ਮੁੱਕੇਬਾਜ਼ੀ ਮੁਕਾਬਲੇ 'ਚ ਸੋਨ ਤਗਮਾ ਜਿੱਤਿਆ ਸੀ ਅਤੇ ਹੁਣ ਉਹ ਵਿਦੇਸ਼ 'ਚ ਆਪਣੀ ਧਾਕ ਜਮਾਉਣਾ ਚਾਹੁੰਦੀ ਹੈ।