ਸਾਊਥ ਅਫਰੀਕਾ ਖਿਲਾਫ ਦੂਜੇ ਟੈਸਟ ''ਚ ਮਿਲ ਸਕਦੈ ਇਨ੍ਹਾਂ ਖਿਡਾਰੀਆਂ ਨੂੰ ਮੌਕਾ

ਸੈਂਚੁਰੀਅਨ (ਬਿਊਰੋ)— ਸਾਊਥ ਅਫਰੀਕਾ ਖਿਲਾਫ ਸੈਂਚੁਰੀਅਨ ਵਿਚ ਖੇਡੇ ਜਾਣ ਵਾਲੇ ਤਿੰਨ ਮੈਚਾਂ ਦੀ ਟੈਸਟ ਸੀਰੀਜ਼ ਦੇ ਦੂਜੇ ਮੁਕਾਬਲੇ ਵਿਚ ਓਪਨਿੰਗ ਬੱਲੇਬਾਜ਼ ਕੇ.ਐੱਲ. ਰਾਹੁਲ ਅਤੇ ਵਿਕਟਕੀਪਰ ਬੱਲੇਬਾਜ਼ ਪਾਰਥਿਵ ਪਟੇਲ ਦਾ ਖੇਡਣਾ ਤੈਅ ਮੰਨਿਆ ਜਾ ਰਿਹਾ ਹੈ। ਰਿਪੋਰਟਸ ਮੁਤਾਬਕ ਸ਼ਿਖਰ ਧਵਨ ਅਤੇ ਰਿੱਧੀਮਾਨ ਸਾਹਾ ਦੀ ਜਗ੍ਹਾ ਰਾਹੁਲ ਅਤੇ ਪਾਰਥਿਵ ਪਟੇਲ ਨੂੰ ਪਲੇਇੰਗ ਇਲੈਵਨ ਵਿਚ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ ਅਜਿੰਕਯ ਰਹਾਣੇ ਦੇ ਖੇਡਣ ਉੱਤੇ ਅਜੇ ਵੀ ਕੁਝ ਸਾਫ਼ ਨਹੀਂ ਹੋਇਆ ਹੈ।

ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਸਾਊਥ ਅਫਰੀਕਾ ਖਿਲਾਫ ਦੂਜੇ ਟੈਸਟ ਮੈਚ ਤੋਂ ਪਹਿਲਾਂ ਕਿਹਾ, 'ਸਾਡੇ ਲਈ ਇਕ ਟੀਮ ਦੇ ਤੌਰ ਉੱਤੇ ਠੀਕ ਸੰਤੁਲਨ ਲੱਭਣਾ ਹੈ। ਜੇਕਰ ਖਿਡਾਰੀ ਇਸ ਤਰ੍ਹਾਂ ਦੇ ਸੰਤੁਲਨ ਵਿਚ ਫਿਟ ਬੈਠਦਾ ਹੈ ਤਾਂ ਉਸਨੂੰ ਟੀਮ ਵਿਚ ਰੱਖਦੇ ਹਾਂ। ਬਾਹਰ ਤੋਂ ਲੋਕ ਕੀ ਬੋਲ ਰਹੇ ਹਨ, ਕੀ ਚਰਚਾਵਾਂ ਹਨ, ਅਸੀ ਨਿਸ਼ਚਿਤ ਤੌਰ ਉੱਤੇ ਉਸ ਉੱਤੇ ਗੌਰ ਨਹੀਂ ਕਰਦੇ। ਰਹਾਣੇ ਵਧੀਆ ਖਿਡਾਰੀ ਹੈ। ਉਸਨੇ ਦੱਖਣ ਅਫਰੀਕਾ ਖਾਸ ਤੌਰ 'ਤੇ ਵਿਦੇਸ਼ਾਂ ਵਿਚ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਉਹ ਵਿਦੇਸ਼ਾਂ ਵਿਚ ਸਾਡਾ ਲਗਾਤਾਰ ਪ੍ਰਦਰਸ਼ਨ ਕਰਨ ਵਾਲਾ ਖਿਡਾਰੀ ਰਿਹਾ ਹੈ।''

ਕੋਹਲੀ ਨੇ ਅੱਗੇ ਕਿਹਾ, 'ਮੈਂ ਰੋਹਿਤ ਸ਼ਰਮਾ ਨੂੰ ਉਨ੍ਹਾਂ ਉੱਤੇ ਤਰਜੀਹ ਦੇਣ ਦੇ ਕਾਰਨਾਂ ਦੇ ਬਾਰੇ ਵਿਚ ਪਹਿਲਾਂ ਹੀ ਕਹਿ ਚੁੱਕਿਆ ਹਾਂ। ਮੈਂ ਇਹ ਨਹੀਂ ਕਹਿ ਰਿਹਾ ਹਾਂ ਕਿ ਅੰਜਿਕਯ ਇਸ ਮੈਚ ਵਿਚ ਨਹੀਂ ਖੇਡੇਗਾ। ਹੁਣ ਸਾਰੇ ਵਿਕਲਪ ਖੁੱਲੇ ਹਨ ਅਤੇ ਅਸੀਂ ਅਭਿਆਸ ਦੇ ਬਾਅਦ ਫੈਸਲਾ ਕਰਾਂਗੇ।