ਦਿੱਲੀ 'ਚ ਸਿੱਖ ਖੇਡਾਂ 22 ਦਸੰਬਰ ਤੋਂ ਸ਼ੁਰੂ, ਤਿੰਨ ਹਜ਼ਾਰ ਖਿਡਾਰੀ ਲੈਣਗੇ ਹਿੱਸਾ

ਨਵੀਂ ਦਿੱਲੀ—ਦਿੱਲੀ ਦੇ ਤਿਆਗਰਾਜ ਸਟੇਡੀਅਮ 'ਚ 22 ਦਸੰਬਰ ਤੋਂ 25 ਦਸੰਬਰ ਵਿਚਕਾਰ ਸਿੱਖ ਖੇਡਾਂ ਦਾ ਆਯੋਜਨ ਕੀਤਾ ਜਾਵੇਗਾ। ਇਨ੍ਹਾਂ ਖੇਡਾਂ ਦਾ ਮਕਸਦ ਸਿੱਖ ਬੱਚਿਆਂ ਨੂੰ ਸਪੋਰਟਸ ਟੈਲੇਂਟ ਨੂੰ ਨਿਖਾਰਣ ਦੇ ਨਾਲ ਉਨ੍ਹਾਂ ਨੂੰ ਮੋਟਾਪੇ ਅਤੇ ਨਸ਼ੇ ਦੀ ਕੇਦ ਤੋਂ ਬਚਾਉਣਾ ਹੈ ਇਨ੍ਹਾਂ ਖੇਡਾਂ ਨੂੰ ਸਭ ਤੋਂ ਪਹਿਲਾਂ ਆਸਟ੍ਰੇਲੀਆ 'ਚ ਅਯੋਜਿਤ ਕੀਤਾ ਗਿਆ ਸੀ ਅਤੇ ਹੁਣ ਇਹ ਭਾਰਤ 'ਚ ਆਯੋਜਿਤ ਕੀਤਾ ਜਾ ਰਹੈ। ਇਨ੍ਹਾਂ ਖੇਡਾਂ ਦਾ ਆਯੋਜਨ ਸਿੱਖ ਸੰਸਥਾ ਜਪ-ਜਾਪ ਸੇਵਾ ਟਰੱਸਟ , ਸਿੱਖ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਪੰਜਾਬ ਅਕੈਡਮੀ ਦਿੱਲੀ ਦੇ ਸਹਿਯੋਗ ਨਾਲ ਕੀਤਾ ਜਾ ਰਿਹਾ ਹੈ।ਇਨ੍ਹਾਂ ਖੇਡਾਂ 'ਚ ਕਰੀਬ ਤਿੰਨ ਹਜ਼ਾਰ ਸਿੱਖ ਖਿਡਾਰੀ ਹਿੱਸਾ ਲੈਣਗੇ। ਦਿੱਲੀ ਸਿੱਖ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜੀਤ ਸਿੰਘ ਜੀ.ਕੇ. ਨੇ ਦੱਸਿਆ, 'ਇਨ੍ਹਾਂ ਖੇਡਾਂ ਦੀ ਸ਼ੁਰੂਆਤ ਸਿੱਖ ਮਾਰਸ਼ਲ ਆਰਟ ਗਤਕਾ, ਭੰਗੜਾ, ਗਿੱਧਾ, ਸਮੇਤ ਸਿੱਖ ਸੰਸਕ੍ਰਿਤਕ ਵਿਰਾਸਤਾਂ ਦੇ ਪ੍ਰਦਰਸ਼ਨ  ਨਾਲ ਹੀ ਕੀਤੀ ਜਾਵੇਗੀ। 

ਇਨ੍ਹਾਂ ਖੇਡਾਂ ਦੇ ਆਯੋਜਨ ਨੂੰ ਲੈ ਕੇ ਜਾਗਰੂਕਤਾ ਵਧਾਉਣ ਲਈ 7 ਅਕਤੂਬਰ ਨੂੰ ਇੰਡੀਆ ਗੇਟ ਤੋਂ ਗੁਰੂਦੁਆਰਾ ਰਕਾਬਗੰਜ ਵਿਚਕਾਰ ਆਯੋਜਿਤ ਮੈਰਾਥਨ ਦੌੜ 'ਚ ਲਗਭਗ 1,200 ਸਿੱਖ ਬੱਚਿਆਂ ਨੇ ਹਿੱਸਾ ਲਿਆ ਸੀ, 22 ਦਸੰਬਰ ਤੋਂ ਸ਼ੁਰੂ ਹੋਣ ਵਾਲੀਆਂ ਇਨ੍ਹਾਂ ਖੇਡਾਂ 'ਚ ਗਤਕਾ, ਕਬੱਡੀ, ਰਸਾ-ਕੱਸੀ, ਬਾਜੂ ਮਰੋਡਨਾ ਵਰਗੇ ਪਰੰਪਾਗਤ ਸਿੱਖ ਖੇਡਾਂ ਦੇ ਇਲਾਵਾ ਆਧੁਨਿਕ , ਜਿਮਨਾਸਟਕ, ਐਥਲੇਟਿਕਸ. ਅਤੇ ਬਾਸਕਟਬਾਲ ਵਰਗੀਆਂ 14 ਸਪੋਰਟਸ ਕੰਪਟੀਸ਼ਨ 'ਚ 39 ਸਿੱਖ ਅਜੂਕੈਸ਼ਨ ਇੰਸਟੀਚਿਊਟ ਨਾਲ ਕੁਲ 100 ਐਜੂਕੇਸ਼ਨਲ ਇੰਸਟੀਚਿਊਟ ਦੇ ਲਗਭਗ 3 ਹਜ਼ਾਰ ਸਿੱਖ ਖਿਡਾਰੀ ਹਿੱਸਾ ਲੈਣਗੇ।

ਮੁੱਖ ਆਯੋਜਨ ਤਿਆਗਰਾਜ ਸਟੇਡੀਅਨ 'ਚ ਕੀਤਾ ਜਾਵੇਗਾ ਜਦਕਿ ਕੁਝ ਮੁਕਾਬਲੇ ਯਮੁਨਾ ਸਪੋਰਟਸ ਕੰਪਲੈਕਸ ਅਤੇ ਮਾਤਾ ਗੁਜਰੀ ਪਬਲਿਕ ਸਕੂਲ 'ਚ ਵੀ ਆਯੋਜਿਤ ਕੀਤਾ ਜਾਣਗੇ। ਇਸ ਖੇਡ ਮਹਾਕੁੰਭ 'ਚ ਵੱਖ-ਵੱਖ ਉਮਰ ਦੇ ਸਕੂਲ ਅਤੇ ਕਾਲਜ ਦੇ ਵਿਦਿਆਰਥੀ ਹਿੱਸਾ ਲੈਣਗੇ। ਉਥੇ ਹੀ ਜੇਤੂਆਂ ਨੂੰ ਪ੍ਰੋਫੈਸ਼ਨਲ ਟ੍ਰੇਨਿੰਗ ਲਈ ਆਸਟ੍ਰੇਲੀਆ ਭੇਜਿਆ ਜਾਵੇਗਾ ਤਾਂਕਿ ਭਵਿੱਖ 'ਚ ਅੰਤਰਰਾਸ਼ਟਰੀ ਪੱਧਰ 'ਤੇ ਆਪਣਾ ਨਾਂ ਰੋਸ਼ਨ ਕਰ ਸਕਣ। ਇਸਦਾ ਖਰਚਾ ਸਿੱਖ ਖੇਡ ਆਯੋਜਕ ਚੁੱਕਣਗੇ।

ਸਿੱਖ ਪਰੰਪਰਾ ਅਨੁਸਾਰ ਪੂਰੇ ਖੇਡ ਆਯੋਜਨ ਦੌਰਾਨ ਗੁਰੂਦੁਆਰਾ ਕਮੇਟੀ ਵਲੋਂ ਗੁਰੂ ਦਾ ਲੰਗਰ, ਫਲ, ਜੂਸ, ਸਨੈਕ ਆਦਿ ਮੁਹੱਈਆਂ ਕਰਵਾਏ  ਜਾਣਗੇ। ਖੇਡ ਸਥਲ 'ਤੇ ਹੀ ਲੰਗਰ ਆਯੋਜਿਤ ਕੀਤਾ ਜਾਵੇਗਾ ਅਤੇ ਮੈਚ ਆਯੋਜਨ ਲਈ ਗੁਰੂਦੁਆਰਾ ਕਮੇਟੀ ਆਪਣੇ 100 ਸੇਵਾਦਾਰਾਂ ਦੀ ਸੇਵਾਵਾਂ ਖੇਡਾਂ ਦੇ ਸਫਲ ਆਯੋਜਨ ਲਈ ਪ੍ਰਦਾਨ ਕਰੇਗੀ। ਜਪ-ਜਾਪ ਸੇਵਾ ਟਰੱਸਟ ਦੇ ਆਯੋਜਨ ਹਰਜੀਤ ਸਿੰਘ ਨੇ ਦੱਸਿਆ ਕਿ ਇਨ੍ਹਾਂ ਖੇਡਾਂ 'ਚ ਸਫਲ ਆਯੋਜਨ 'ਚ ਸਿੱਖ ਜਾਤੀ ਦੀਆਂ ਮਸ਼ਹੂਰ ਹਸਤੀਆਂ ਨੇ ਭਾਗੀਦਾਰੀ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਦਿੱਲੀ ਸਿੱਖ ਖੇਡਾਂ ਦੇ ਸਫਲ ਆਯੋਜਨ ਨਾਲ ਅੰਤਰਰਾਸ਼ਟਰੀ ਪੱਧਰ 'ਤੇ ਸਿੱਖ ਖੇਡਾਂ ਦੇ ਆਯੋਜਨ ਦਾ ਰਾਸਤਾ ਖੁੱਲੇਗਾ।