ਸ਼ਿਵਪਾਲ ਨੇ ਜੈਵਲਿਨ ਥ੍ਰੋਅ 'ਚ ਜਿੱਤਿਆ ਸੋਨ, ਗੁਰਪ੍ਰੀਤ ਸਿੰਘ ਦਾ ਕਾਂਸੀ 'ਤੇ ਨਿਸ਼ਾਨਾ

ਸਪੋਰਟਸ ਡੈਸਕ— ਭਾਰਤ ਦੇ ਜੈਵਲਿਨ ਥ੍ਰੋ ਐਥਲੀਟ ਸ਼ਿਵਪਾਲ ਸਿੰਘ ਨੇ ਵੀਰਵਾਰ ਨੂੰ ਇੱਥੇ ਜਾਰੀ ਸੱਤਵੇਂ ਸੀ. ਆਈ. ਐੱਸ. ਐੱਮ ਮਿਲਟਰੀ ਵਰਲਡ ਗੇਮਜ਼ 'ਚ ਸੋਨ ਤਮਗਾ ਆਪਣੇ ਨਾਂ ਕੀਤਾ ਜਦ ਕਿ ਇਕ ਹੋਰ ਭਾਰਤੀ ਗੁਰਪ੍ਰੀਤ ਸਿੰਘ ਨੇ ਸ਼ੂਟਿੰਗ 'ਚ ਕਾਂਸੀ ਜਿੱਤਿਆ। ਸ਼ਿਵਪਾਲ ਭਾਰਤੀ ਹਵਾਈ ਫੌਜ 'ਚ ਨੌਕਰੀ ਕਰਨ ਵਾਲੇ ਸ਼ਿਵਪਾਲ ਨੇ 83.33 ਮੀਟਰ ਦੀ ਦੂਰੀ ਨਾਲ ਪਹਿਲਾ ਸਥਾਨ ਹਾਸਲ ਕੀਤਾ। 24 ਸਾਲ ਦੇ ਸ਼ਿਵਪਾਲ ਨੇ ਇਸ ਸਾਲ ਦੋਹਾ 'ਚ ਆਯੋਜਿਤ ਏਸ਼ੀਆਈ ਐਥਲੇਟਿਕਸ ਚੈਂਪੀਅਨਸ਼ਿਪ 'ਚ 86.26 ਮੀਟਰ ਨਾਲ ਚਾਂਦੀ ਦਾ ਤਮਗਾ ਜਿੱਤਿਆ ਸੀ।

#ShivpalSingh won gold in men’s javelin at the Military World Games with a throw of 83.33m.#AneeshPillai (Disabled Men’s Shotput IF1), #Virender (Disabled Men’s Shotput IF5) & #AnandanGunasekaran (Disabled Men’s 200m IT1) also won gold.
Many congratulations.@KirenRijiju @DGSAI pic.twitter.com/Vxr22rH81E

— SAIMedia (@Media_SAI) October 24, 2019

ਇਸ ਦੇ ਨਾਲ ਹੀ ਭਾਰਤੀ ਫੌਜ 'ਚ ਕੰਮ ਕਰਨ ਵਾਲੇ ਗੁਰਪ੍ਰੀਤ ਸਿੰਘ  ਨੇ 25 ਮੀਟਰ ਸੈਂਟਰ ਫਾਇਰ ਪਿਸਟਲ ਈਵੈਂਟ 'ਚ 585 ਸਕੋਰ ਦੇ ਨਾਲ ਕਾਂਸੀ ਤਮਗਾ ਆਪਣੇ ਨਾਂ ਕੀਤਾ। 31 ਸਾਲ ਦੇ ਦੇ ਗੁਰਪ੍ਰੀਤ ਅਮ੍ਰਿਤਸਰ ਤੋਂ ਹਨ। ਗੁਰਪ੍ਰੀਤ 2010 'ਚ ਭਾਰਤ 'ਚ ਆਯੋਜਿਤ ਰਾਸ਼ਟਰਮੰਡਲ ਖੇਡਾਂ 'ਚ ਦੋ ਸੋਨ ਤਮਗੇ ਜਿੱਤ ਚੁੱਕੇ ਹਨ।

#GurpreetSingh won a bronze medal in men’s 25m Center Fire Pistol with a score of 585 at the Military World Games in Wuhan, China.
Congratulations#KheloIndia@KirenRijiju @RijijuOffice @PMOIndia @OfficialNRAI @PIB_India @DGSAI @IndiaSports @ddsportschannel pic.twitter.com/JyHEdVfpRd

— SAIMedia (@Media_SAI) October 24, 2019

ਪੈਰਾ ਐਥਲੀਟ ਆਨੰਦਨ ਗੁਣਸ਼ੇਖਰਨ ਨੇ ਈਵੈਂਟ ਦਾ ਤੀਜਾ ਸੋਨ ਆਪਣੇ ਨਾਂ ਕੀਤਾ ਪੁਰਸ਼ਾਂ ਦੀ 100 ਮੀ ਅਤੇ 400 ਮੀਟਰ ਆਈ. ਟੀ. 1 ਈਵੈਂਟ 'ਚ ਪਹਿਲਾ ਸਥਾਨ ਹਾਸਲ ਕਰਨ ਵਾਲੇ ਗੁਣਸ਼ੇਖਰਨ ਨੇ 24.31 ਸੈਕਿੰਡ ਦੇ ਸਮੇਂ ਨਾਲ 200 ਮੀਟਰ ਆਈ. ਟੀ. 1 ਈਵੈਂਟ 'ਚ ਸੋਨ ਤਮਗਾ ਹਾਸਲ ਕੀਤਾ। ਕੋਲੰਬੀਆ ਦੇ ਫਜਾਰਡੋ ਪਾਰਡੋ ਨੇ ਚਾਂਦੀ ਅਤੇ ਪੇਰੂ  ਦੇ ਕਾਸਾ ਜੋਸ ਨੇ ਕਾਂਸੀ ਤਮਗਾ ਜਿੱਤਿਆ।