ਸਰਫਰਾਜ਼ ਦੀ ਨਸਲੀ ਟਿੱਪਣੀ ''ਤੇ ਅਖ਼ਤਰ ਨੂੰ ਆਇਆ ਗ਼ੁੱਸਾ, ਕਿਹਾ...

ਕਰਾਚੀ— ਪਾਕਿਸਤਾਨ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਸ਼ੋਏਬ ਅਖ਼ਤਰ ਨੇ ਸਰਫਰਾਜ਼ ਅਹਿਮਦ ਦੀ ਨਸਲੀ ਟਿੱਪਣੀ ਦੀ ਸਖਤ ਨਿੰਦਾ ਕੀਤੀ ਹੈ। ਪਾਕਿਸਤਾਨ ਦੇ ਕਪਤਾਨ ਸਰਫਰਾਜ਼ ਅਹਿਮਦ ਨੇ ਸਾਊਥ ਅਫਰੀਕਾ ਖਿਲਾਫ ਮੰਗਲਵਾਰ ਨੂੰ ਡਰਬਨ 'ਚ ਖੇਡੇ ਗਏ ਦੂਜੇ ਵਨ ਡੇ ਮੈਚ 'ਚ ਐਂਡੀਲੇ ਫੇਹਲੁਕਵਾਇਓ 'ਤੇ ਨਸਲੀ ਟਿੱਪਣੀ ਕਹੀ ਸੀ। ਸ਼ੋਏਬ ਨੇ ਕਿਹਾ ਕਿ ਸਰਫਰਾਜ਼ ਦਾ ਇਹ ਵਿਵਹਾਰ ਬਿਲਕੁਲ ਵੀ ਮੰਨਣਯੋਗ ਨਹੀਂ ਹੈ।
 

here is the full video of shoaib akhtar condemning #SarfarazAhmed #PakVsSA #SAvsPAK pic.twitter.com/NE9ZRcMt2a

— Bonkers 😎 (@rahulkpopat) January 22, 2019

ਰਾਵਲਪਿੰਡੀ ਐਕਸਪ੍ਰੈਸ ਨੇ ਕਿਹਾ, ''ਮੈਂ ਜੋ ਸੁਣਿਆ ਹੈ ਉਸ ਨੂੰ ਸਵੀਕਾਰ ਨਹੀਂ ਕੀਤਾ ਜਾ ਸਕਦਾ। ਇਹ ਮੇਰੇ ਲਈ ਬਹੁਤ ਹੀ ਦੁਖਦਾਈ ਖਬਰ ਹੈ। ਕਪਤਾਨ ਨੇ ਇਹ ਕੁਮੈਂਟ ਕੀਤਾ ਹੈ, ਜੋ ਕਿ ਨਸਲੀ ਹੈ। ਮੈਂ ਇਸ ਦੀ ਸਖਤ ਸ਼ਬਦਾਂ 'ਚ ਨਿੰਦਾ ਕਰਦਾ ਹਾਂ।'' ਇਸ ਦਿੱਗਜ ਸਾਬਕਾ ਗੇਂਦਬਾਜ਼ ਨੇ ਕਿਹਾ, ''ਹੋ ਸਕਦਾ ਹੈ ਕਿ ਉਨ੍ਹਾਂ ਨੇ ਇਸ ਪਲ ਭਰ ਦੀ ਗਰਮੀ 'ਚ ਕਹਿ ਦਿੱਤਾ ਹੋਵੇ। ਸ਼ਾਇਦ ਉਨ੍ਹਾਂ ਦਾ ਇਹ ਮਤਲਬ ਨਾ ਹੋਵੇ ਪਰ ਉਨ੍ਹਾਂ ਨੂੰ ਜਨਤਕ ਤੌਰ 'ਤੇ ਇਸ ਲਈ ਮੁਆਫੀ ਮੰਗਣੀ ਚਾਹੀਦੀ ਹੈ।'' ਅਖ਼ਤਰ ਨੇ ਕਿਹਾ ਕਿ ਕਿਸੇ ਖਿਡਾਰੀ ਨੂੰ ਕਦੀ ਵੀ ਇਸ ਸੰਦਰਭ 'ਤੇ ਕਿਸੇ ਦੇ ਰੰਗ 'ਤੇ ਕੋਈ ਕੁਮੈਂਟ ਨਹੀਂ ਕਰਨਾ ਚਾਹੀਦਾ ਹੈ। 
 

#Sarfaraz Ahmed to Phehlukwayo:
"Abey kaale teri Ammi aaj kahan bethi hui hain, kya padhwa ke aya hai aaj tu"
Such a disgraceful & racist comment in the line of sport. This shows the worst sportmanship of #Pakistani players.@ICC @TheRealPCB #SAvsPAK #Hailstorm #NZvIND sarfraz pic.twitter.com/LTgZRE74VO

— J Mitra (@mitra_15) January 23, 2019

ਹਾਲਾਂਕਿ ਸਰਫਰਾਜ਼ ਨੇ ਬਾਅਦ 'ਚ ਆਪਣੇ ਟਵਿੱਟਰ ਅਕਾਊਂਟ 'ਤੇ ਇਸ ਘਟਨਾ ਲਈ ਮੁਆਫੀ ਮੰਗੀ ਹੈ। ਸਰਫਰਾਜ਼ ਨੇ ਇਕ ਦੇ ਬਾਅਦ ਇਕ 3 ਟਵੀਟ ਕਰਕੇ ਐਂਡਿਲ ਫੇਹਲੁਕਵਾਇਓ ਤੋਂ ਮੁਆਫੀ ਮੰਗੀ ਹੈ। ਉਨ੍ਹਾਂ ਕਿਹਾ ਕਿ ਉਹ ਨਹੀਂ ਜਾਣਦੇ ਸਨ ਕਿ ਉਨ੍ਹਾਂ ਦੇ ਇਸ ਫ੍ਰਸਟ੍ਰੇਸ਼ਨ ਵਾਲੇ ਸ਼ਬਦ ਕੋਈ ਸੁਣੇ ਜਾਂ ਸਮਝੇ। ਉਨ੍ਹਾਂ ਦਾ ਇਰਾਦਾ ਕਿਸੇ ਨੂੰ ਦੁਖ ਪਹੁੰਚਾਉਣ ਦਾ ਨਹੀਂ ਸੀ।