ਪੰਡਯਾ ਨਾਲ ਤੁਲਨਾ ਦੇ ਸਵਾਲ ''ਤੇ ਸ਼ੰਕਰ ਨੇ ਦਿੱਤਾ ਅਜਿਹਾ ਜਵਾਬ

ਕੋਲੰਬੋ— ਭਾਰਤੀ ਕ੍ਰਿਕਟ ਟੀਮ ਦੇ ਆਲਰਾਊਂਡਰ ਵਿਜੇ ਸ਼ੰਕਰ ਨੇ ਵੀਰਵਾਰ ਨੂੰ ਭਾਰਤ ਤੇ ਬੰਗਲਾਦੇਸ਼ ਦੇ ਵਿਚਾਲੇ ਹੋਏ ਟੀ-20 ਮੈਚ 'ਚ 'ਮੈਨ ਆਫ ਦ ਮੈਚ' ਚੁਣਿਆ ਗਿਆ। ਆਪਣਾ ਦੂਜਾ ਕੌਮਾਂਤਰੀ ਟੀ-20 ਮੈਚ ਖੇਡ ਰਹੇ ਵਿਜੇ ਸ਼ੰਕਰ ਨੇ 32 ਦੌੜਾਂ 'ਤੇ 2 ਵਿਕਟਾਂ ਹਾਸਲ ਕੀਤੀਆਂ। ਹਾਰਦਿਕ ਪੰਡਯਾ ਨੂੰ ਆਰਾਮ ਦਿੱਤੇ ਜਾਣ ਦੀ ਵਜ੍ਹਾ ਨਾਲ ਵਿਜੇ ਸ਼ੰਕਰ ਨੂੰ ਭਾਰਤੀ ਟੀਮ 'ਚ ਸ਼ਾਮਲ ਕੀਤਾ ਗਿਆ ਸੀ। ਹੁਣ ਉਸਦੀ ਤੁਲਨਾ ਪੰਡਯਾ ਨਾਲ ਕੀਤੀ ਜਾ ਰਹੀ ਹੈ। ਇਸ ਵਾਰੇ 'ਚ ਪੁੱਛੇ ਜਾਣ 'ਤੇ ਵਿਜੇ ਨੇ ਕਿਹਾ ਕਿ ਮੈਂ ਇਸ ਤਰ੍ਹਾਂ ਦੀਆਂ ਗੱਲਾਂ 'ਚ ਖੁਦ 'ਤੇ ਦਬਾਅ ਨਹੀਂ ਲੈਣਾ ਚਾਹੁੰਦਾ ਹਾਂ। ਮੈਂ ਇਸ ਦੀ ਵਜਾਏ ਬੇਹੱਦ ਪ੍ਰਦਰਸ਼ਨ ਨਾਲ ਦਿਖਾਉਣਾ ਚਾਹੁੰਦਾ ਕਿ ਮੈਂ ਕੀ ਹਾਂ। ਮੇਰੇ ਹਿਸਾਬ ਨਾਲ ਅਧਿਕਾਂਸ਼ ਕ੍ਰਿਕਟਰ ਕਿਸੇ ਦੂਜੇ ਖਿਡਾਰੀ ਨਾਲ ਤੁਲਨਾ ਕਰਨਾ ਪਸੰਦ ਨਹੀਂ ਕਰਦੇ ਹਾਂ। ਵਿਜੇ ਸ਼ੰਕਰ ਨੇ ਕਿਹਾ ਮੈਂ ਇਸ ਮੌਕੇ ਦਾ ਸਾਲ ਤੋਂ ਇੰਤਜ਼ਾਰ ਕਰ ਰਿਹਾ ਸੀ। ਮੈਂ ਇਸ ਦੇ ਲਈ ਸਖਤ ਮਿਹਨਤ ਕੀਤੀ ਤੇ ਮੈਂ ਖੁਸ਼ ਹਾਂ ਕਿ ਮੇਰੀ ਮਿਹਨਤ ਰੰਗ ਲਿਆਈ। ਮੈਂ ਸਾਲ ਤੋਂ ਆਪਣੀ ਗੇਂਦਬਾਜ਼ੀ 'ਤੇ ਸਖਤ ਮਿਹਨਤ ਕਰ ਰਿਹਾ ਹਾਂ। ਇਸ ਟੀਮ ਦੇ ਲਈ ਖੇਡਣਾ ਮੇਰਾ ਸੁਪਨਾ ਸੀ ਤੇ ਮੈਨੂੰ ਡ੍ਰੈਸਿੰਗ ਰੂਮ 'ਚ ਹਰ ਕਿਸੇ ਤੋਂ ਮਦਦ ਮਿਲੀ।