ਸ਼ਾਹਿਦ ਅਫਰੀਦੀ ਬੋਲੇ-ਵਿਸ਼ਵ ਕੱਪ ਦਾ ਬਾਈਕਾਟ ਨਾ ਕਰੋ, ਭਾਰਤ ਜਾਓ ਖਿਤਾਬ ਜਿੱਤੋ

ਸਪੋਰਟਸ ਡੈਸਕ- ਭਾਰਤ ਅਕਤੂਬਰ ਮਹੀਨੇ 'ਚ ਸ਼ੁਰੂ ਹੋਣ ਵਾਲੇ ਆਈਸੀਸੀ ਵਨਡੇ ਵਿਸ਼ਵ ਕੱਪ 2023 ਦੀ ਮੇਜ਼ਬਾਨੀ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਕਿਹੜੀ ਟੀਮ ਦੇ ਖ਼ਿਲਾਫ਼ ਮੈਚ ਕਦੋਂ ਹੋਣੇ ਹਨ, ਇਸ ਦੀ ਸਾਰੀ ਜਾਣਕਾਰੀ ਪਹਿਲਾਂ ਹੀ ਸਾਹਮਣੇ ਆ ਚੁੱਕੀ ਹੈ। ਹਾਲਾਂਕਿ, ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ.ਸੀ.ਬੀ.) ਨੇ ਜਾਰੀ ਸ਼ਡਿਊਲ 'ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ ਅਤੇ ਵਿਸ਼ਵ ਕੱਪ ਦਾ ਬਾਈਕਾਟ ਕਰਨ ਦਾ ਫ਼ੈਸਲਾ ਕੀਤਾ ਅਤੇ ਕਿਹਾ ਕਿ ਜੇਕਰ ਮੈਦਾਨ ਉਨ੍ਹਾਂ ਦੀ ਪਸੰਦ ਦੇ ਮੁਤਾਬਕ ਨਹੀਂ ਚੁਣੇ ਗਏ ਤਾਂ ਉਹ ਭਾਰਤ ਨਹੀਂ ਆਉਣਗੇ। ਹਾਲਾਂਕਿ, ਇਹ ਗਿੱਦੜਭਬਕੀ ਹੈ। ਦੂਜੇ ਪਾਸੇ ਪਾਕਿਸਤਾਨ ਦੇ ਸਾਬਕਾ ਮਹਾਨ ਕ੍ਰਿਕਟਰ ਸ਼ਾਹਿਦ ਅਫਰੀਦੀ ਨੇ ਪੀਸੀਬੀ ਨੂੰ ਟੂਰਨਾਮੈਂਟ ਦਾ ਬਾਈਕਾਟ ਕਰਨ ਦੀ ਬਜਾਏ ਸਲਾਹ ਦਿੱਤੀ ਹੈ ਕਿ ਉਹ ਭਾਰਤ ਜਾ ਕੇ ਖਿਤਾਬ ਜਿੱਤ ਕੇ ਲਿਆਵੇ।
ਅਫਰੀਦੀ ਨੂੰ ਲੱਗਦਾ ਹੈ ਕਿ ਪਾਕਿਸਤਾਨ ਨੂੰ ਵਿਸ਼ਵ ਕੱਪ ਲਈ ਭਾਰਤ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਕਿਹਾ, "ਪਾਕਿਸਤਾਨ ਨੂੰ ਵਿਸ਼ਵ ਕੱਪ ਦਾ ਬਾਈਕਾਟ ਨਹੀਂ ਕਰਨਾ ਚਾਹੀਦਾ। ਉਨ੍ਹਾਂ ਨੂੰ ਭਾਰਤ ਜਾ ਕੇ ਵਿਸ਼ਵ ਕੱਪ ਜਿੱਤਣਾ ਚਾਹੀਦਾ ਹੈ। ਮੇਰੇ ਲਈ ਜਾਂ ਕਿਸੇ ਪੇਸ਼ੇਵਰ ਕ੍ਰਿਕਟਰ ਲਈ ਸਭ ਤੋਂ ਵੱਡੀ ਚੁਣੌਤੀ ਭਾਰਤ 'ਚ ਖੇਡਣ ਅਤੇ ਭਾਰਤੀ ਭੀੜ ਦੇ ਸਾਹਮਣੇ ਪ੍ਰਦਰਸ਼ਨ ਕਰਨ ਦੇ ਦਬਾਅ ਨਾਲ ਨਜਿੱਠਣਾ ਹੈ।

ਇਹ ਵੀ ਪੜ੍ਹੋ- ਲਕਸ਼ਯ ਸੇਨ ਅਮਰੀਕੀ ਓਪਨ ਤੋਂ ਬਾਹਰ, ਸੈਮੀਫਾਈਨਲ 'ਚ ਫੇਂਗ ਤੋਂ ਹਾਰੇ
ਸਾਬਕਾ ਆਲਰਾਊਂਡਰ ਨੇ ਕਿਹਾ, ''ਕੁਲ ਮਿਲਾ ਕੇ ਅਸੀਂ ਭਾਰਤ 'ਚ ਖੇਡਣ ਦਾ ਮਜ਼ਾ ਲਿਆ ਹੈ ਕਿਉਂਕਿ ਜੇਕਰ ਤੁਸੀਂ ਭਾਰਤ 'ਚ ਚੰਗਾ ਪ੍ਰਦਰਸ਼ਨ ਕਰਦੇ ਹੋ ਤਾਂ ਤੁਹਾਨੂੰ ਇਕ ਵੱਖਰੇ ਪੱਧਰ ਦੀ ਸੰਤੁਸ਼ਟੀ ਅਤੇ ਪਛਾਣ ਮਿਲਦੀ ਹੈ।'' ਵਿਸ਼ਵ ਕੱਪ ਮੈਚਾਂ ਲਈ ਚੰਗੀਆਂ ਥਾਵਾਂ ਲੱਭੀਆਂ ਗਈਆਂ ਹਨ ਅਤੇ ਇਹ ਜ਼ਰੂਰੀ ਹੋਵੇਗਾ ਟੀਮ ਨੂੰ ਸਹੀ ਢੰਗ ਨਾਲ ਯੋਜਨਾ ਬਣਾਉਣ ਲਈ. ਉਨ੍ਹਾਂ ਕਿਹਾ, ''ਸਾਡੀ ਟੀਮ ਬਹੁਤ ਚੰਗੀ ਹੈ। ਟੀਮ 'ਚ ਕੁਝ ਸ਼ਾਨਦਾਰ ਪ੍ਰਤਿਭਾ ਵੀ ਹੈ। ਮੈਨੂੰ ਕੋਈ ਕਾਰਨ ਨਹੀਂ ਦਿਸਦਾ ਕਿ ਸਾਨੂੰ ਭਾਰਤ ਜਾ ਕੇ ਅਹਿਮਦਾਬਾਦ ਜਾਂ ਕਿਸੇ ਹੋਰ ਸਥਾਨ 'ਤੇ ਚੰਗਾ ਪ੍ਰਦਰਸ਼ਨ ਕਿਉਂ ਨਹੀਂ ਕਰਨਾ ਚਾਹੀਦਾ।
ਪਾਕਿਸਤਾਨ ਦਾ ਪੂਰਾ ਸ਼ਡਿਊਲ-
ਪਹਿਲਾ ਮੈਚ- ਪਾਕਿਸਤਾਨ ਬਨਾਮ ਕੁਆਲੀਫਾਇਰ 1, 6 ਅਕਤੂਬਰ, ਹੈਦਰਾਬਾਦ
ਦੂਜਾ ਮੈਚ- ਪਾਕਿਸਤਾਨ ਬਨਾਮ ਕੁਆਲੀਫਾਇਰ 2, 12 ਅਕਤੂਬਰ, ਹੈਦਰਾਬਾਦ
ਤੀਜਾ ਮੈਚ- ਭਾਰਤ ਬਨਾਮ ਪਾਕਿਸਤਾਨ, 15 ਅਕਤੂਬਰ, ਅਹਿਮਦਾਬਾਦ
ਚੌਥਾ ਮੈਚ- ਆਸਟ੍ਰੇਲੀਆ ਬਨਾਮ ਪਾਕਿਸਤਾਨ, 20 ਅਕਤੂਬਰ, ਬੈਂਗਲੁਰੂ

ਇਹ ਵੀ ਪੜ੍ਹੋ- ਨੋਵਾਕ ਜੋਕੋਵਿਚ ਵਿੰਬਲਡਨ ਦੇ ਖ਼ਿਤਾਬ ਤੋਂ ਸਿਰਫ਼ ਇਕ ਕਦਮ ਦੂਰ
ਪੰਜਵਾਂ ਮੈਚ- ਪਾਕਿਸਤਾਨ ਬਨਾਮ ਅਫਗਾਨਿਸਤਾਨ, 23 ਅਕਤੂਬਰ, ਚੇਨਈ
ਛੇਵਾਂ ਮੈਚ- ਪਾਕਿਸਤਾਨ ਬਨਾਮ ਦੱਖਣੀ ਅਫਰੀਕਾ, 27 ਅਕਤੂਬਰ- ਚੇਨਈ
ਸੱਤਵਾਂ ਮੈਚ- ਪਾਕਿਸਤਾਨ ਬਨਾਮ ਬੰਗਲਾਦੇਸ਼, 31 ਅਕਤੂਬਰ- ਕੋਲਕਾਤਾ
ਅੱਠਵਾਂ ਮੈਚ, ਨਿਊਜ਼ੀਲੈਂਡ ਬਨਾਮ ਪਾਕਿਸਤਾਨ, 4 ਨਵੰਬਰ- ਬੈਂਗਲੁਰੂ
ਨੌਵਾਂ ਮੈਚ- ਇੰਗਲੈਂਡ ਬਨਾਮ ਪਾਕਿਸਤਾਨ, 12 ਨਵੰਬਰ- ਕੋਲਕਾਤਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8