ਪਾਕਿ ਦੇ 2020 ਦੌਰੇ ''ਤੇ MCC ਦੀ ਅਗਵਾਈ ਕਰਨਗੇ ਸੰਗਾਕਾਰਾ

ਲੰਡਨ : ਕ੍ਰਿਕਟ ਨਿਯਮਾਂ ਦੀ ਰੱਖਿਆ ਕਰਨ ਵਾਲੇ ਮੇਰਿਲਬੋਨ ਕ੍ਰਿਕਟ ਕਲੱਬ (ਐੱਮ. ਸੀ. ਸੀ.) ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਆਪਣੇ ਮੌਜੂਦਾ ਪ੍ਰਧਾਨ ਕੁਮਾਰ ਸੰਗਾਕਾਰਾ ਦੀ ਕਪਤਾਨੀ ਵਿਚ ਆਪਣੀ ਟੀਮ ਨੂੰ ਪਾਕਿਸਤਾਨ ਵਿਚ ਅਗਲੇ ਸਾਲ ਫਰਵਰੀ 'ਚ ਕੁਝ ਮੈਚ ਖੇਡਣ ਲਈ ਭੇਜੇਗਾ। ਸ਼੍ਰੀਲੰਕਾ ਟੀਮ ਦੇ ਕੁਝ ਮੈਚਾਂ ਦੀ ਸੀਰੀਜ਼ ਲਈ ਪਾਕਿਸਤਾਨ ਵਿਚ ਪਹੁੰਚਣ ਤੋਂ ਬਾਅਦ ਉੱਥੇ 10 ਸਾਲ ਤੋਂ ਬਾਅਦ ਟੈਸਟ ਕ੍ਰਿਕਟ ਦੀ ਵਾਪਸੀ ਹੋਈ ਹੈ।

ਐੱਮ. ਸੀ. ਸੀ. ਨੇ ਪ੍ਰੈੱਸ ਬਿਆਨ 'ਚ ਕਿਹਾ, ''ਪਾਕਿਸਤਾਨ ਦੇ ਲੋਕ ਇਕ ਦਹਾਕੇ ਤੋਂ ਘਰੇਲੂ ਮੈਦਾਨ 'ਤੇ ਆਪਣੀ ਟੀਮ ਨੂੰ ਖੇਡਦੇ ਹੋਏ ਦੇਖਣ ਲਈ ਤਰਸ ਗਏ ਸੀ ਅਤੇ ਹਾਲ ਹੀ 'ਚ ਦੇਸ਼ ਵਿਚ ਟੈਸਟ ਕ੍ਰਿਕਟ ਦੀ ਵਾਪਸੀ ਨੂੰ ਦੇਖਣਾ ਸ਼ਾਨਦਾਰ ਹੈ। ਕਲੱਬ ਦੇ ਤੌਰ 'ਤੇ ਐੱਮ. ਸੀ. ਸੀ. ਦੀ ਪਹਿਲ ਵਿਚ ਇਹ ਵੀ ਸ਼ਾਮਲ ਹੈ ਕਿ ਉਹ ਦੇਸ਼ਾਂ ਦਾ ਸਮਰਥਨ ਕਰ ਖੇਡ ਵਿਚ ਆਪਣੇ ਵਿਸ਼ਵ ਪੱਧਰੀ ਸਬੰਧ ਬਣਾ ਕੇ ਰੱਖੇ। ਅਸੀਂ ਪਾਕਿਸਤਾਨ ਕ੍ਰਿਕਟ ਬੋਰਡ ਨਾਲ ਸਖਤ ਸੁਰੱਖਿਆ ਬਣਾ ਕੇ ਰੱਖਣ 'ਤੇ ਕੰਮ ਕਰ ਰਹੇ ਹਾਂ ਤਾਂ ਜੋ ਇਹ ਦੌਰਾ ਆਯੋਜਿਤ ਹੋ ਸਕੇ।'' ਦੌਰੇ 'ਤੇ ਐੱਮ. ਸੀ. ਸੀ. ਦੇ ਸਾਰੇ ਮੈਚ ਲਾਹੌਰ ਦੇ ਏਟਚੇਸਨ ਕਾਲੇਜ ਵਿਚ ਖੇਡੇ ਜਾਣਗੇ। ਲਾਵੇਂਡਰ ਟੀਮ ਦੇ ਮੈਨੇਜਰ ਹੋਣਗੇ ਅਤੇ ਐੱਮ. ਸੀ. ਸੀ. ਦੇ ਮੁੱਖ ਕੋਚ ਅਜਮਲ ਸ਼ਹਿਜ਼ਾਦ ਹੋਣਗੇ।