ਬਾਰਾਤ ਦੇ ਸਵਾਗਤ ਲਈ ਪਹਿਲਾਂ ਆਉਣਗੇ ''ਲਾੜੀ ਸਾਇਨਾ'' ਦੇ ਮਹਿਮਾਨ!
Saturday, Dec 01, 2018 - 03:35 PM (IST)
ਨਵੀਂ ਦਿੱਲੀ— ਇਸ ਮਹੀਨੇ ਭਾਰਤ ਦੀ ਬੈਡਮਿੰਟਨ ਸਟਾਰ ਸਾਇਨਾ ਨੇਹਵਾਲ ਪਾਰੂਪੱਲੀ ਕਸ਼ਯਪ ਨਾਲ ਵਿਆਹ ਦੇ ਬੰਧਨ 'ਚ ਬੱਝਣ ਵਾਲੀ ਹੈ। ਦੋਵੇਂ ਹੈਦਰਾਬਾਦ 'ਚ 16 ਦਸੰਬਰ ਨੂੰ ਇਕ ਦੂਜੇ ਨਾਲ ਵਿਆਹ ਕਰਵਾਉਣਗੇ ਅਤੇ ਇਸ ਲਈ ਇਸ ਸਟਾਰ ਜੋੜੀ ਨੇ ਮਹਿਮਾਨਾਂ ਨੂੰ ਸੱਦਾ ਵੀ ਦੇਣਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਦੋਹਾਂ ਪਰਿਵਾਰਾਂ ਵੱਲੋਂ ਵਿਆਹ ਦੀਆਂ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ ਨਾਲ ਚਲ ਰਹੀਆਂ ਹਨ।
Thank you @KTRTRS sir. It was nice meeting you sir and discussing the development of Sport in Telangana. Hope to see you soon sir at the reception. 😊 @parupallik pic.twitter.com/7n11lakzlX
— Saina Nehwal (@NSaina) December 1, 2018
ਇਸ ਵਿਚਾਲੇ ਇਨ੍ਹਾਂ ਦੇ ਵਿਆਹ ਦਾ ਕਾਰਡ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਕਾਰਡ ਦੋ ਤਰ੍ਹਾਂ ਦੇ ਹਨ। ਇਕ ਕੁੜੀ ਵਾਲਿਆਂ ਦਾ ਅਤੇ ਇਕ ਮੁੰਡੇ ਵਾਲਿਆਂ ਵੱਲੋਂ, ਜਿੱਥੇ ਕੁੜੀ ਵਾਲਿਆਂ ਦੇ ਮਹਿਮਾਨ ਬਾਰਾਤ ਦਾ ਸਵਾਗਤ ਕਰਨ ਲਈ ਲਾੜੇ ਦੇ ਮਹਿਮਾਨਾਂ ਤੋਂ ਪਹਿਲਾਂ ਪਹੁੰਚਣਗੇ।
ਲਾੜੀ ਦੇ ਪਰਿਵਾਰ ਵੱਲੋਂ ਸ਼ਾਮ ਸਾਢੇ 6 ਵਜੇ ਦਾ ਸਮਾਂ ਦਿੱਤਾ ਗਿਆ ਹੈ, ਜਦਕਿ ਲਾੜੇ ਵੱਲੋਂ ਸ਼ਾਮ 7 ਵਜੇ ਦਾ ਸਮਾਂ ਦਿੱਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਸਾਇਨਾ ਨੇ ਵਿਆਹ ਦਾ ਖੁਲਾਸਾ ਕਰਨ ਦੇ ਬਾਅਦ ਕਿਹਾ ਕਿ ਦਸੰਬਰ 'ਚ ਬਿਜ਼ੀ ਪ੍ਰੋਗਰਾਮ ਦੇ ਚਲਦੇ 16 ਦਸੰਬਰ ਇਸ ਆਯੋਜਨ ਲਈ ਹੀ ਸਹੀ ਦਿਨ ਹੈ। 20 ਦਸੰਬਰ ਤੋਂ ਪ੍ਰੀਮੀਅਰ ਬੈਡਮਿੰਟਨ ਲੀਗ ਦੀ ਸ਼ੁਰੂਆਤ ਹੋ ਜਾਵੇਗੀ ਅਤੇ ਇਸ ਤੋਂ ਬਾਅਦ 2020 ਟੋਕੀਓ ਓਲੰਪਿਕ ਦੇ ਕੁਆਲੀਫਾਇਰਸ ਸ਼ੁਰੂ ਹੋ ਜਾਣਗੇ। ਸਾਇਨਾ ਅਤੇ ਕਸ਼ਯਪ ਪਹਿਲੀ ਵਾਰ 2005 'ਚ ਗੋਪੀਚੰਦ ਦੀ ਅਕੈਡਮੀ 'ਚ ਟ੍ਰੇਨਿੰਗ ਦੇ ਦੌਰਾਨ ਮਿਲੇ ਸਨ ਅਤੇ ਇੱਥੋਂ ਹੀ ਉਨ੍ਹਾਂ ਦੀ ਦੋਸਤੀ ਸ਼ੁਰੂ ਕੀਤਾ ਜੋ ਹੌਲੀ-ਹੌਲੀ ਪਿਆਰ 'ਚ ਬਦਲ ਗਈ ਅਤੇ ਹੁਣ ਉਹ ਇਸ ਰਿਸ਼ਤੇ ਨੂੰ ਇਕ ਨਾਂ ਦੇਣ ਜਾ ਰਹੇ ਹਨ।
