ਭਾਰਤੀ ਟੀਮ ਦੀ ਹੋ ਰਹੀ ਆਲੋਚਨਾ 'ਤੇ ਗੁੱਸੇ 'ਚ ਆਏ ਸਚਿਨ, ਦਿੱਤਾ ਵੱਡਾ ਬਿਆਨ

ਨਵੀਂ ਦਿੱਲੀ : ਇਸ ਸਮੇਂ ਭਾਰਤੀ ਟੀਮ ਆਲੋਚਨਾਵਾਂ ਦਾ ਸ਼ਿਕਾਰ ਹੋ ਰਹੀ ਹੈ। ਇੱਥੋਂ ਤੱਕ ਕਿ ਕਈ ਸਾਬਕਾ ਭਾਰਤੀ ਦਿੱਗਜਾਂ ਨੇ ਵੀ ਟੀਮ ਵਿੱਚ ਬਦਲਾਅ ਲਿਆਉਣ ਦੀ ਗੱਲ ਕਹੀ। ਇਸ ਦੌਰਾਨ ਗੁੱਸੇ 'ਚ ਆਏ ਸਚਿਨ ਤੇਂਦੁਲਕਰ ਨੇ ਆਲੋਚਕਾਂ ਨੂੰ ਕਰਾਰਾ ਜਵਾਬ ਦਿੱਤਾ ਹੈ। ਉਸ ਨੇ ਕਿਹਾ ਕਿ ਉਹ ਵੀ ਟੀ-20 ਵਿਸ਼ਵ ਕੱਪ ਸੈਮੀਫਾਈਨਲ ਵਿਚ ਇੰਗਲੈਂਡ ਹੱਥੋਂ ਭਾਰਤ ਦੀ ਸ਼ਰਮਨਾਕ ਹਾਰ ਤੋਂ ਨਿਰਾਸ਼ ਹੈ ਪਰ ਉਸ ਨੇ ਆਲੋਚਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਕ ਹਾਰ ਦੇ ਆਧਾਰ 'ਤੇ ਟੀਮ ਦਾ ਅੰਦਾਜ਼ਾ ਨਾ ਲਾਉਣ।

ਇਹ ਵੀ ਪੜ੍ਹੋ : ਸ਼ੋਏਬ ਅਖਤਰ ਨੇ ਦਿੱਤੀ ਇੰਗਲੈਂਡ ਨੂੰ ਚਿਤਾਵਨੀ, ਕਿਹਾ- ਭਾਰਤ ਦੀ ਤਰ੍ਹਾਂ ਨਹੀਂ ਹਨ ਪਾਕਿ ਗੇਂਦਬਾਜ਼

ਮੀਡੀਆ ਸੰਗਠਨਾਂ ਨੂੰ ਭੇਜੇ ਗਏ ਵੀਡੀਓ 'ਚ ਤੇਂਦੁਲਕਰ ਨੇ ਕਿਹਾ, "ਮੈਂ ਜਾਣਦਾ ਹਾਂ ਕਿ ਇੰਗਲੈਂਡ ਖਿਲਾਫ ਸੈਮੀਫਾਈਨਲ 'ਚ ਹਾਰ ਨਿਰਾਸ਼ਾਜਨਕ ਸੀ। ਮੈਂ ਵੀ ਇਹੀ ਸੋਚਦਾ ਹਾਂ। ਅਸੀਂ ਭਾਰਤੀ ਕ੍ਰਿਕਟ ਦੇ ਸ਼ੁਭਚਿੰਤਕ ਹਾਂ।" ਉਸ ਨੇ ਅੱਗੇ ਕਿਹਾ, ''ਪਰ ਇਸ ਪ੍ਰਦਰਸ਼ਨ ਦੇ ਆਧਾਰ 'ਤੇ ਆਪਣੀ ਟੀਮ ਦਾ ਆਕਲਨ ਨਾ ਕਰੋ। ਅਸੀਂ ਦੁਨੀਆ ਦੀ ਨੰਬਰ ਇਕ ਟੀ-20 ਟੀਮ ਵੀ ਹਾਂ। ਨੰਬਰ ਇਕ 'ਤੇ ਰਾਤੋ-ਰਾਤ ਨਹੀਂ ਪਹੁੰਚਿਆ ਜਾਂਦਾ। ਇਸ ਲਈ ਲੰਬੇ ਸਮੇਂ 'ਚ ਚੰਗੀ ਕ੍ਰਿਕਟ ਖੇਡਣੀ ਹੁੰਦੀ ਹੈ ਜੋ ਇਸ ਟੀਮ ਖੇਡੀ ਹੈ।" ਇੰਗਲੈਂਡ ਦੇ ਸਾਬਕਾ ਕਪਤਾਨ ਮਾਈਕਲ ਵਾਨ ਨੇ ਭਾਰਤੀ ਟੀਮ ਨੂੰ ਇਤਿਹਾਸ ਦੀ ਸਭ ਤੋਂ ਖ਼ਰਾਬ ਸੀਮਤ ਓਵਰਾਂ ਦੀ ਟੀਮ ਦੱਸਿਆ ਕਿਉਂਕਿ ਉਮੀਦ ਮੁਤਾਬਕ ਪ੍ਰਦਰਸ਼ਨ ਨਹੀਂ ਕੀਤਾ ਗਿਆ ਕਿਉਂਕਿ ਭਾਰਤ ਨੇ 2013 ਵਿੱਚ ਚੈਂਪੀਅਨਜ਼ ਟਰਾਫ਼ੀ ਤੋਂ ਬਾਅਦ ਕੋਈ ਵੀ ਆਈਸੀਸੀ ਖ਼ਿਤਾਬ ਨਹੀਂ ਜਿੱਤਿਆ ਹੈ।

ਤੇਂਦੁਲਕਰ ਨੇ ਕਿਹਾ, "ਐਡੀਲੇਡ ਖਿਲਾਫ 168 ਦੌੜਾਂ ਚੰਗਾ ਸਕੋਰ ਨਹੀਂ ਸੀ। ਉਸ ਮੈਦਾਨ 'ਤੇ ਬਾਊਂਡਰੀ ਬਹੁਤ ਛੋਟੀ ਹੈ, ਇਸ ਲਈ 190 ਦੇ ਆਸ-ਪਾਸ ਦੌੜਾਂ ਬਣਾਉਣੀਆਂ ਚਾਹੀਦੀਆਂ ਸਨ। ਸਾਡੇ ਗੇਂਦਬਾਜ਼ ਵੀ ਵਿਕਟ ਨਹੀਂ ਲੈ ਸਕੇ। ਉਸ ਨੇ ਕਿਹਾ, "ਮੈਂ ਇਹ ਨਹੀਂ ਕਹਿ ਰਿਹਾ ਕਿ ਇਹ ਇਸ ਤਰ੍ਹਾਂ ਦਾ ਪ੍ਰਦਰਸ਼ਨ ਠੀਕ ਹੈ। ਖਿਡਾਰੀ ਫੇਲ ਹੋਣ ਲਈ ਤਿਆਰ ਨਹੀਂ ਹੁੰਦੇ। ਉਹ ਹਮੇਸ਼ਾ ਜਿੱਤਣ ਲਈ ਖੇਡਦੇ ਹਨ ਪਰ ਰੋਜ਼ ਨਹੀਂ। ਖੇਡ ਵਿੱਚ ਉਤਰਾਅ-ਚੜ੍ਹਾਅ ਆਉਂਦੇ ਹਨ। ਅਸੀਂ ਹਮੇਸ਼ਾ ਜਿੱਤ ਨਹੀਂ ਸਕਦੇ।"

ਇਹ ਵੀ ਪੜ੍ਹੋ : FIFA 2022 Special : ਪ੍ਰਸ਼ੰਸਕਾਂ ਲਈ ਸ਼ਿਪਿੰਗ ਕੰਟੇਨਰ 'ਚ ਬਣਾਏ ਰੂਮ, ਮਿਲਣਗੇ ਇਹ ਟਾਪ-7 ਪਕਵਾਨ

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।