ਰੀਅਲ ਮੈਡ੍ਰਿਡ ਨੇ ਲਿਵਰਪੂਲ ਨੂੰ ਹਰਾ ਕੇ ਰਿਕਾਰਡ 14ਵੀਂ ਵਾਰ ਜਿੱਤਿਆ ਚੈਂਪੀਅਨਜ਼ ਲੀਗ ਦਾ ਖ਼ਿਤਾਬ
05/29/2022 7:02:00 PM
ਪੈਰਿਸ- ਸਪੈਨਿਸ਼ ਫੁੱਟਬਾਲ ਕਲੱਬ ਰੀਅਲ ਮੈਡ੍ਰਿਡ ਨੇ ਚੈਂਪੀਅਨਜ਼ ਲੀਗ ਫਾਈਨਲ 'ਚ ਲਿਵਰਪੂਲ ਨੂੰ ਹਰਾ ਕੇ ਆਪਣਾ ਰਿਕਾਰਡ 14ਵਾਂ ਯੂਰਪੀ ਖ਼ਿਤਾਬ ਜਿੱਤਿਆ। ਫਾਈਨਲ ਮੈਚ ਪੈਰਿਸ ਸਥਿਤ ਸਟੇਡ ਡੀ ਫਰਾਂਸ 'ਚ ਆਯੋਜਿਤ ਕੀਤਾ ਗਿਆ ਸੀ ਤੇ 1:0 ਦੇ ਸਕੋਰ ਦੇ ਨਾਲ ਖ਼ਤਮ ਹੋਇਆ ਜਿਸ 'ਚ ਬ੍ਰਾਜ਼ੀਲ ਦੇ ਵਿੰਗਰ ਵਿਨੀਸੀਅਸ ਜੂਨੀਅਰ ਨੇ 59ਵੇਂ ਮਿੰਟ 'ਚ ਇਕਮਾਤਰ ਗੋਲ ਕੀਤਾ।
ਰੀਅਲ ਮੈਡ੍ਰਿਡ ਦੇ ਮੁੱਖ ਕੋਚ ਇਟਲੀ ਦੇ ਕਾਰਲੋ ਇੰਸੇਲੋਟੀ ਟੂਰਨਾਮੈਂਟ ਦੇ ਇਤਿਹਾਸ 'ਚ ਸਭ ਤੋਂ ਸਫਲ ਪ੍ਰਬੰਧਕ ਬਣ ਗਏ। ਉਨ੍ਹਾਂ ਦੇ ਨਾਂ 'ਤੇ ਚਾਰ ਚੈਂਪੀਅਨਜ਼ ਲੀਗ ਜਿੱਤ ਦਰਜ ਹੋ ਗਈਆਂ ਹਨ। ਉਹ ਰੀਅਲ ਮੈਡ੍ਰਿਡ ਦਾ 17ਵਾਂ ਯੂਰਪੀ ਕੱਪ ਫਾਈਨਲ ਸੀ ਤੇ ਤੀਜੀ ਵਾਰ ਉਨ੍ਹਾਂ ਨੇ ਲੀਵਰਪੂਲ ਨੂੰ ਹਰਾਇਆ, ਜਿਸ ਨਾਲ ਇਹ ਪ੍ਰਤੀਯੋਗਿਤਾ ਦੇ ਇਤਿਹਾਸ 'ਚ ਸਭ ਤੋਂ ਜ਼ਿਆਦਾ ਦੋਹਰਾਇਆ ਜਾਣ ਵਾਲਾ ਫਾਈਨਲ ਮੈਚ ਵੀ ਬਣ ਗਿਆ।
ਇੰਸੇਲੋਟੀ ਨੇ ਇਕ ਬਿਆਨ 'ਚ ਕਿਹਾ ਸੀ, ਕਲੱਬ ਦੇ ਇਤਿਹਾਸ ਨੇ ਸਾਨੂੰ ਮੁਸ਼ਕਲ ਹਾਲਾਤ 'ਚ ਪ੍ਰੇਰਿਤ ਕੀਤਾ ਹੈ ਤੇ ਇਸ ਲਈ ਫਾਈਨਲ 'ਚ ਪੁੱਜਣ ਦੇ ਲਾਇਕ ਹਾਂ। ਪੰਜ ਯੂਰਪੀ ਕੱਪ ਫਾਈਨਲ 'ਚ ਪੁੱਜਣ ਵਾਲੇ ਪਹਿਲੇ ਕੋਚ ਬੇਂਜੇਮਾ ਨੂੰ ਆਪਣੇ ਪੱਖ ਨੂੰ ਪ੍ਰੇਰਿਤ ਕਰਨ ਲਈ ਦੇਖ ਰਹੇ ਹੋਣਗੇ। ਫ੍ਰੈਂਚਮੈਨ ਦੇ ਕੋਲ ਇਕ ਸਨਸਨੀਖੇਜ਼ ਸੀਜ਼ਨ ਰਿਹਾ ਹੈ ਤੇ ਇਸ ਸੀਜ਼ਨ 'ਚ ਚੈਂਪੀਅਨਜ਼ ਲੀਗ 'ਚ 15 ਗੋਲ ਦੇ ਨਾਲ ਚੋਟੀ ਦੇ ਗੋਲ ਸਕੋਰਰ ਹਨ। ਇਹ ਜਿੱਤ ਮੈਡ੍ਰਿਡ ਵਲੋਂ ਕਲੱਬ ਦਾ 35ਵਾਂ ਲਾ ਲਿਗਾ ਖ਼ਿਤਾਬ ਜਿੱਤਣ ਦੇ ਬਾਅਦ ਆਈ ਹੈ।