ਪ੍ਰੋ ਰੈਸਲਿੰਗ ਲੀਗ : ਵੀਰ ਮਰਾਠਾ ''ਤੇ ਚੱਲਿਆ ਹਰਿਆਣਾ ਦਾ ''ਹਥੌੜਾ''

ਨਵੀਂ ਦਿੱਲੀ— ਹਰਿਆਣਾ ਹੈਮਰਸ ਨੇ ਆਪਣੇ ਵਿਦੇਸ਼ੀ ਅਤੇ ਭਾਰਤੀ ਪਹਿਲਵਾਨਾਂ ਦੇ ਸ਼ਾਨਦਾਰ ਤਾਲਮੇਲ ਨਾਲ ਨਵੀਂ ਵੀਰ ਮਰਾਠਾ ਨੂੰ ਪ੍ਰੋ ਰੈਸਲਿੰਗ ਲੀਗ ਵਿਚ ਸੀਰੀਫੋਰਟ ਸਟੇਡੀਅਮ ਵਿਚ 5-2 ਨਾਲ ਹਰਾ ਦਿੱਤਾ। ਹਰਿਆਣਾ ਨੇ ਮੁਕਾਬਲੇ ਦੇ 6 ਮੈਚ ਤੱਕ 4-2 ਦੀ ਅਜੇਤੂ ਬੜ੍ਹਤ ਬਣਾ ਲਈ ਸੀ। ਹਰਿਆਣਾ ਦੇ ਵਲਾਦੀਮੀਰ ਖਿਨਚੇਗਸ਼ਿਵਲੀ ਨੇ 57 ਕਿ. ਗ੍ਰਾ., ਸਰਿਤਾ ਨੇ 50 ਕਿ. ਗ੍ਰਾ. ਅਤੇ ਖੈਤਿਕ ਸਾਬੋਲੋਵ ਨੇ 74 ਕਿ. ਗ੍ਰਾ. ਵਿਚ ਆਪਣੇ-ਆਪਣੇ ਮੁਕਾਬਲੇ ਜਿੱਤੇ। 
ਹਾਲ ਹੀ ਵਿਚ ਪਹਿਲਵਾਨ ਸੁਸ਼ੀਲ ਕੁਮਾਰ 'ਤੇ ਮਾਰਕੁੱਟ ਦਾ ਦੋਸ਼ ਲਾ ਕੇ ਚਰਚਾ ਵਿਚ ਆਇਆ ਪ੍ਰਵੀਨ ਰਾਣਾ ਆਪਣਾ ਮੁਕਾਬਲਾ ਸਾਬੋਲੋਵ ਕੋਲੋਂ 0-10 ਨਾਲ ਹਾਰ ਗਿਆ। ਰਾਣਾ ਇਸ ਮੁਕਾਬਲੇ ਵਿਚ ਸਾਬੋਲੋਵ ਦੇ ਸਾਹਮਣੇ ਕਿਤੇ ਵੀ ਟਿਕ ਨਹੀਂ ਸਕਿਆ।