ਪ੍ਰੋ ਕਬੱਡੀ ਲੀਗ : ਹਰਿਆਣਾ ਤੇ ਤਾਮਿਲ ਵਿਚਾਲੇ ਮੁਕਾਬਲਾ ਹੋਇਆ ਟਾਈ

ਕੋਲਕਾਤਾ— ਤਾਮਿਲ ਤਲਾਈਵਾਸ ਤੇ ਹਰਿਆਣਾ ਸਟੀਲਰਸ ਨੇ ਮੰਗਲਵਾਰ ਨੂੰ ਪ੍ਰੋ ਕਬੱਡੀ ਲੀਗ ਦੇ 6ਵੇਂ ਸੈਸ਼ਨ ਦੇ ਰੋਮਾਂਚਕ ਮੁਕਾਬਲੇ 'ਚ 40-40 ਨਾਲ ਟਾਈ ਖੇਡਿਆ। ਹਰਿਆਣਾ ਸਟੀਸਰਸ ਆਖਰੀ ਸਮੇਂ 'ਚ 2 ਅੰਕ ਹਾਸਲ ਕਰ ਟਾਈ ਕਰਨ 'ਚ ਸਫਲ ਰਹੀ। ਮੋਨੂੰ ਗੋਇਲ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਹਰਿਆਣਾ ਦੇ ਲਈ 17 ਅੰਕ ਹਾਸਲ ਕੀਤੇ।

ਅਜੈ ਠਾਕੁਰ ਨੇ ਤਾਮਿਲ ਤਲਾਈਵਾਸ ਦੇ ਲਈ ਸ਼ਾਨਦਾਰ ਖੇਡ ਜਾਰੀ ਰੱਖਿਆ ਤੇ ਉਸ ਨੇ ਵੀ 17 ਅੰਕ ਹਾਸਲ ਕੀਤੇ। ਦੋਵੇਂ ਟੀਮਾਂ ਗਰੁੱਪ ਸੂਚੀ 'ਚ ਹੇਠਲੇ ਸਥਾਨਾਂ 'ਤੇ ਰਹੀਆਂ।