ਪ੍ਰੋ ਕਬੱਡੀ ਲੀਗ : ਬੈਂਗਲੁਰੂ ਨੇ ਯੂ ਮੁੰਬਾ ਨੂੰ 35-33 ਨਾਲ ਹਰਾਇਆ
09/28/2019 2:23:09 AM
ਜੈਪੁਰ— ਪਵਨ ਸਹਰਾਵਤ ਦੇ ਸੁਪਰ 10 ਦੇ ਦਮ 'ਤੇ ਬੈਂਗਲੁਰੂ ਬੁਲਸ ਨੇ ਪ੍ਰੋ ਕਬੱਡੀ ਲੀਗ ਦੇ ਕਰੀਬੀ ਮੁਕਾਬਲੇ 'ਚ ਸ਼ੁੱਕਰਵਾਰ ਨੂੰ ਇੱਥੇ ਯੂ ਮੁੰਬਾ ਨੂੰ 35-33 ਨਾਲ ਹਰਾ ਦਿੱਤਾ। ਸਹਰਾਵਤ ਦੇ 11 ਅੰਕ ਨਾਲ ਬੈਂਗਲੁਰੂ ਬੁਲਸ ਦੀ ਟੀਮ ਇਸ ਦੇ ਨਾਲ ਅੰਕ ਸੂਚੀ 'ਚ ਚੌਥੇ ਸਥਾਨ 'ਤੇ ਪਹੁੰਚ ਗਈ ਹੈ ਜਿਸ ਨਾਲ ਉਸਦੇ ਪਲੇਆਫ 'ਚ ਪਹੁੰਚਣ ਦੀ ਵਧੀਆ ਸੰਭਾਵਨਾ ਹੈ। ਬੈਂਗਲੁਰੂ ਦੇ ਨਾਂ 19 ਮੈਚਾਂ 'ਚ 58 ਅੰਕ ਹਨ ਜਦਕਿ ਯੂ ਮੁੰਬਾ 18 ਮੈਚਾਂ 'ਚ 54 ਅੰਕਾਂ ਦੇ ਨਾਲ ਪੰਜਵੇਂ ਸਥਾਨ 'ਤੇ ਹੈ। ਯੂ ਮੁੰਬਾ ਦੇ ਲਈ ਅਭਿਸ਼ੇਕ ਸਿੰਘ ਨੇ 10 ਤੇ ਅਤੁਲ ਐੱਮ. ਐੱਸ. ਨੇ 9 ਅੰਕ ਹਾਸਲ ਕੀਤੇ ਜਿਸ ਨਾਲ ਟੀਮ ਦੇ ਕੋਲ ਵੀ ਮੈਚ 'ਚ ਵਾਪਸੀ ਕਰਨ ਦਾ ਮੌਕਾ ਸੀ ਪਰ ਉਹ 2 ਅੰਕ ਤੋਂ ਪਿੱਛੇ ਰਹਿ ਗਏ।
