PCB ਨੇ ਭਾਰਤ ਨਾਲ ਸਬੰਧ ਸੁਧਾਰਨ ਲਈ ਚੁੱਕਿਆ ਕਦਮ, ਜਿਨਾਹ-ਗਾਂਧੀ ਟਰਾਫੀ ਦਾ ਵਿਚਾਰ ਕੀਤਾ ਪੇਸ਼

ਸਪੋਰਟਸ ਡੈਸਕ : ਪਾਕਿਸਤਾਨ ਨੇ 2012-13 ਵਿਚ ਦੋ ਟੀ-20 ਅਤੇ ਤਿੰਨ ਵਨਡੇ ਮੈਚ ਖੇਡਣ ਲਈ ਭਾਰਤ ਦਾ ਦੌਰਾ ਕੀਤਾ ਸੀ। ਇਹ ਆਖਰੀ ਵਾਰ ਸੀ ਜਦੋਂ ਇਹ ਦੋਵੇਂ ਧਿਰਾਂ ਕਿਸੇ ਦੁਵੱਲੀ ਲੜੀ ਵਿੱਚ ਮਿਲੀਆਂ ਸਨ। ਉਦੋਂ ਤੋਂ ਲੈ ਕੇ ਹੁਣ ਤੱਕ ਸਿਰਫ ਆਈ. ਸੀ. ਸੀ. ਈਵੈਂਟਸ ਅਤੇ ਏਸ਼ੀਆ ਕੱਪ ਵਿੱਚ ਹੀ ਪੁਰਾਤਨ ਵਿਰੋਧੀਆਂ ਦਾ ਸਾਹਮਣਾ ਹੋਇਆ ਹੈ। ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ.ਸੀ.ਬੀ.) ਨੇ ਇਕ ਵਾਰ ਫਿਰ ਭਾਰਤ-ਪਾਕਿਸਤਾਨ ਦੋ-ਪੱਖੀ ਸੀਰੀਜ਼ ਸ਼ੁਰੂ ਕਰਨ ਦੀ ਗੱਲ ਕੀਤੀ ਹੈ ਅਤੇ ਇਸ ਦੇ ਲਈ ਜਿਨਾਹ-ਗਾਂਧੀ ਟਰਾਫੀ ਦਾ ਵਿਚਾਰ ਪੇਸ਼ ਕੀਤਾ ਹੈ। 

ਇਹ ਵੀ ਪੜ੍ਹੋ : Asian Games 2023, IND vs NEP: ਜਾਇਸਵਾਲ ਦੇ ਤੂਫ਼ਾਨੀ ਸੈਂਕੜੇ ਨਾਲ ਟੀਮ ਇੰਡੀਆ ਦਾ ਜੇਤੂ ਆਗਾਜ਼

ਪੀ. ਸੀ. ਬੀ. ਮੈਨੇਜਮੈਂਟ ਕਮੇਟੀ ਦੇ ਚੇਅਰਮੈਨ ਜ਼ਕਾ ਅਸ਼ਰਫ ਨੇ ਬੀ. ਸੀ. ਸੀ. ਆਈ. ਨੂੰ ਜਿਨਾਹ-ਗਾਂਧੀ ਦੁਵੱਲੀ ਲੜੀ ਦਾ ਵਿਚਾਰ ਪੇਸ਼ ਕੀਤਾ ਹੈ। ਅਸ਼ਰਫ ਨੇ ਕਿਹਾ ਕਿ ਦੋ ਕ੍ਰਾਂਤੀਕਾਰੀ ਨੇਤਾਵਾਂ ਮੁਹੰਮਦ ਅਲੀ ਜਿਨਾਹ ਅਤੇ ਮਹਾਤਮਾ ਗਾਂਧੀ ਦੇ ਨਾਂ 'ਤੇ ਰੱਖੀ ਟਰਾਫੀ ਏਸ਼ੇਜ਼ ਦੇ ਬਰਾਬਰ ਹੋ ਸਕਦੀ ਹੈ। ਅਸ਼ਰਫ ਨੇ ਕਿਹਾ, 'ਮੈਂ ਬੀ. ਸੀ. ਸੀ. ਆਈ. ਨੂੰ ਏਸ਼ੇਜ਼ ਵਾਂਗ ਸਾਲਾਨਾ ਗਾਂਧੀ-ਜਿਨਾਹ ਟਰਾਫੀ ਖੇਡਣ ਦਾ ਪ੍ਰਸਤਾਵ ਦਿੱਤਾ ਸੀ। ਇਸ ਸੀਰੀਜ਼ ਲਈ ਭਾਰਤ ਅਤੇ ਪਾਕਿਸਤਾਨ ਇੱਕ ਦੂਜੇ ਦਾ ਦੌਰਾ ਕਰ ਸਕਦੇ ਹਨ। ਮੈਂ ਬੀ. ਸੀ. ਸੀ. ਆਈ. ਨੂੰ ਸੁਝਾਅ ਦਿੱਤਾ ਕਿ ਸਾਨੂੰ ਜਿਨਾਹ-ਗਾਂਧੀ ਟਰਾਫੀ ਦਾ ਆਯੋਜਨ ਕਰਨਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ : ਏਸ਼ੀਆਈ ਖੇਡਾਂ : ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਅਜੇਤੂ ਮੁਹਿੰਮ ਜਾਰੀ, ਹਾਂਗਕਾਂਗ ਨੂੰ 13.0 ਨਾਲ ਹਰਾਇਆ

ਦੂਜੇ ਪਾਸੇ, ਬੀ. ਸੀ. ਸੀ. ਆਈ. ਨੇ ਵਾਰ-ਵਾਰ ਕਿਹਾ ਹੈ ਕਿ ਪਾਕਿਸਤਾਨ ਦਾ ਦੌਰਾ ਭਾਰਤ ਸਰਕਾਰ ਦੀ ਮਨਜ਼ੂਰੀ 'ਤੇ ਨਿਰਭਰ ਹੈ। ਬਾਬਰ ਆਜ਼ਮ ਐਂਡ ਕੰਪਨੀ ਇਸ ਸਮੇਂ ਭਾਰਤ ਵਿੱਚ ਹਨ ਕਿਉਂਕਿ ਉਹ ਇੱਕ ਰੋਜ਼ਾ ਵਿਸ਼ਵ ਕੱਪ ਵਿੱਚ ਹਿੱਸਾ ਲੈਣ ਦੀ ਤਿਆਰੀ ਕਰ ਰਹੇ ਹਨ। ਦੋਵੇਂ ਰਵਾਇਤੀ ਵਿਰੋਧੀ 14 ਅਕਤੂਬਰ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਆਹਮੋ-ਸਾਹਮਣੇ ਹੋਣਗੇ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ