ਕੋਰੋਨਾ ਨਾਲ ਜੰਗ : ਪਠਾਨ ਭਰਾਵਾਂ ਨੇ ਜਿੱਤਿਆ ਸਭ ਦਾ ਦਿਲ, ਕੋਹਲੀ ਵੀ ਨਹੀਂ ਕਰ ਸਕਿਆ ਅਜਿਹਾ

ਨਵੀਂ ਦਿੱਲੀ : ਕੋਰੋਨਾ ਵਾਇਰਸ ਦਾ ਖਤਰਾ ਹਰ ਦਿਨ ਵੱਧ ਰਿਹਾ ਹੈ। ਅਜਿਹੇ 'ਚ ਭਾਰਤੀ ਸਾਬਕਾ ਕ੍ਰਿਕਟਰ ਇਰਫਾਨ ਪਠਾਨ ਅਤੇ ਯੂਸਫ ਪਠਾਨ ਨੇ ਆਪਣੇ ਦੇਸ਼ਵਾਸੀਆਂ ਦੇ ਲਈ ਇਕ ਦਿਲ ਜਿੱਤਣ ਵਾਲਾ ਕੰਮ ਕੀਤਾ ਹੈ। ਕੋਵਿਡ-19 ਮਹਾਮਾਰੀ ਨਾਲ ਲੜਨ ਲਈ ਪਠਾਨ ਭਰਾਵਾਂ ਨੇ 4000 ਮਾਸਕ ਦਾਨ ਕੀਤੇ ਹਨ। ਇਰਫਾਨ ਨੇ ਟਵਿੱਟਰ 'ਤੇ ਇਕ ਵੀਡੀਓ ਪੋਸਟ ਕਰ ਇਰਫਾਨ ਨੇ ਕੈਪਸ਼ਨ 'ਚ ਲਿਖਿਆ, ''ਸਮਾਜ ਦੇ ਲਈ ਆਪਣਾ ਯੋਗਦਾਨ, ਜੋ ਵੀ ਲੋਕ ਇਸ ਸਮੇਂ ਅਜਿਹਾ ਕਰ ਸਕਦੇ ਹਨ ਕਿਰਪਾ ਕਰ ਕੇ ਅੱਗੇ ਆਓ ਅਤੇ ਇਕ ਦੂਜੇ ਦੀ ਮਦਦ ਕਰੋ। ਇਹ ਛੋਟੀ ਸ਼ੁਰੂਆਤ ਹੈ ਪਰ ਮੈਨੂੰ ਉਮੀਦ ਹੈ ਅਸੀਂ ਹੋਰ ਜ਼ਿਆਦਾ ਮਦਦ ਕਰ ਸਕਾਂਗੇ। ਆਪਣੀ ਇਸ ਵੀਡੀਓ ਵਿਚ ਇਰਫਾਨ ਨੇ ਇਕ ਪਿਆਰਾ ਸੰਦੇਸ਼ ਵੀ ਦਿੱਤਾ ਅਤੇ ਕਿਹਾ ਕਿ ਉਨ੍ਹਾਂ ਨੇ ਇਹ ਮਾਸਕ ਆਪਣੇ ਪਿਤਾ ਮਹਿਮੂਦ ਖਾਨ ਪਠਾਨ ਚੈਰੀਟੇਬਲ ਟ੍ਰਸਟ ਦੇ ਨਾਂ 'ਤੇ ਖਰੀਦੇ ਹਨ। ਇਹ ਸਾਰੇ ਮਾਸਕ ਵਡੋਦਰਾ ਸਿਹਤ ਵਿਭਾਗ ਨੂੰ ਦਿੱਤੇ ਜਾਣਗੇ ਤਾਂ ਜੋ ਉਹ ਜ਼ਰੂਰਤ ਮੰਦਾਂ ਦੀ ਮਦਦ ਕਰ ਸਕਣ।

Doing our bit for the society. Whatever u guys can do please go ahead and help each other as far as sanitation is concerned.But don’t gather crowd! @iamyusufpathan #corona it’s a small start hopefully we will be keep helping more. Everyone of us... pic.twitter.com/7oG7Sx4wfF

— Irfan Pathan (@IrfanPathan) March 23, 2020

ਜ਼ਿਕਰਯੋਗ ਹੈ ਕਿ ਇਰਫਾਨ ਇਸ ਮੁਸ਼ਕਿਲ ਭਰੇ ਸਮੇਂ ਵਿਚ ਆਪਣੇ ਟਵੀਟ ਅਤੇ ਵੀਡੀਓ ਦੇ ਜ਼ਰੀਏ ਪ੍ਰਸ਼ੰਸਕਾਂ ਨੂੰ ਕੋਰੋਨਾ ਵਾਇਰਸ ਨਾਲ ਲੜਨ ਲਈ ਸਲਾਹ ਦਿੰਦੇ ਰਹਿੰਦੇ ਹਨ। 'ਜਨਤਾ ਕਰਫਿਊ' ਦੌਰਾਨ ਵੀ ਉਸ ਨੇ ਟਵੀਟ ਕਰ ਲੋਕਾਂ ਨੂੰ ਘਰ ਤੋਂ ਬਾਹਰ ਨਾ ਨਿਕਲਣ ਦੀ ਸਲਾਹ ਦਿੱਤੀ ਸੀ। ਉਸ ਦਾ ਇਹ ਟਵੀਟ ਕਾਫੀ ਵਾਇਰਲ ਹੋਇਆ ਹੈ।

ਇਰਫਾਨ ਨੇ ਇਸ ਸਾਲ ਕੌਮਾਂਤਰੀ ਕ੍ਰਿਕਟ ਤੋਂ ਸੰਨਿਆਸ ਦਾ ਐਲਾਨ ਕੀਤਾ ਸੀ। ਵੈਸੇ ਅਜੇ ਹਾਲ ਹੀ 'ਚ ਰੋਡ ਸੇਫਟੀ ਵਰਲਡ ਸੀਰੀਜ਼ ਵਿਚ ਖੇਡਦਿਆਂ ਦਿਖਾਈ ਦਿੱਤੇ ਸੀ ਜਿਸ ਵਿਚ ਉਹ ਇੰਡੀਆ ਲੀਜੈਂਡਸ ਦਾ ਹਿੱਸਾ ਸੀ। ਇਰਫਾਨ ਨੇ ਸ਼੍ਰੀਲੰਕਾ ਲੀਜੈਂਡਸ ਖਿਲਾਫ ਮੈਚ ਵਿਚ ਨਾਟਆਊਟ ਰਹਿੰਦਿਆਂ ਅਰਧ ਸੈਂਕੜਾ ਲਗਾਇਆ ਸੀ ਅਤੇ ਜਿੱਤ ਦਿਵਾਈ ਸੀ।