ਓਵੀਆ ਅਤੇ ਅਮਨਦੀਪ ਨੇ ਮਹਿਲਾ ਗੋਲਫ ਟੂਰ 'ਚ ਸਾਂਝੇ ਤੌਰ 'ਤੇ ਹਾਸਲ ਕੀਤੀ ਬੜ੍ਹਤ

ਸਪੋਰਟਸ ਡੈਸਕ— ਨੌਜਵਾਨ ਗੋਲਫਰ ਚੇਨਈ ਦੀ ਓਵੀਆ ਰੇੱਡੀ ਦੂਜੇ ਦੌਰ 'ਚ ਦੋ ਓਵਰ 74  ਦੇ ਸਕੋਰ ਦੇ ਨਾਲ ਵੀਰਵਾਰ ਨੂੰ ਇੱਥੇ ਮਹਿਲਾ ਪੇਸ਼ੇਵਰ ਗੋਲਫ ਟੂਰ ਦੇ ਤੀਜੇ ਪੜਾਅ 'ਚ ਸਾਂਝੇ ਤੌਰ 'ਤੇ ਬੜ੍ਹਤ ਬਣਾਈ ਹੋਈ ਹੈ। ਸੈਸ਼ਨ ਦੀ ਪਹਿਲੀ ਜਿੱਤ ਦੀ ਭਾਲ 'ਚ ਜੁਟੀ ਅਮਨਦੀਪ ਦ੍ਰਾਲ ਵੀ ਸਾਂਝੇ ਤੌਰ 'ਤੇ ਟਾਪ 'ਤੇ ਹੈ।  
ਓਵੀਆ ਅਤੇ ਅਮਨਦੀਪ ਦੋਵਾਂ ਦਾ ਕੁਲ ਸਕੋਰ ਤਿੰਨ ਓਵਰ 147 ਹੈ। ਓਵੀਆ ਅਤੇ ਅਮਨਦੀਪ ਨੇ ਪ੍ਰਣਵੀ ਉਰਸ (69) ਅਤੇ ਅਫਸ਼ਾਂ ਫਾਤੀਮਾ (72) 'ਤੇ ਦੋ ਸ਼ਾਟ ਦੀ ਬੜ੍ਹਤ ਬਣਾ ਰੱਖੀ ਹੈ ਜੋ 5 ਓਵਰ 149 ਦੇ ਕੁਲ ਸਕੋਰ ਦੇ ਨਾਲ ਸਾਂਝੇ ਤੌਰ 'ਤੇ ਤੀਜੇ ਸਥਾਨ 'ਤੇ ਹਨ।