ਸਕੂਲਾਂ ਤੋਂ ਹੀ ਨਿਕਲਣਗੇ ਓਲੰਪਿਕ ਚੈਂਪੀਅਨ : ਨਾਰੰਗ

ਨਵੀਂ ਦਿੱਲੀ, (ਬਿਊਰੋ)— ਸਟਾਰ ਨਿਸ਼ਾਨੇਬਾਜ਼ ਗਗਨ ਨਾਰੰਗ ਨੇ ਕਿਹਾ ਹੈ ਕਿ ਇਹ ਸਕੂਲ ਹੀ ਹਨ ਜਿੱਥੋਂ ਦੇਸ਼ ਨੂੰ ਭਵਿੱਖ ਦੇ ਓਲੰਪਿਕ ਚੈਂਪੀਅਨ ਮਿਲ ਸਕਦੇ ਹਨ । ਓਲੰਪਿਕ ਤਗਮਾ ਜੇਤੂ ਨਾਰੰਗ ਨੇ ਨੋਏਡਾ ਦੇ ਬਿੱਲਾਬੋਂਗ ਹਾਈ ਇੰਟਰਨੈਸ਼ਨਲ ਸਕੂਲ ਵਿੱਚ ਤੀਜੀ ਸਰਬ ਭਾਰਤੀ ਦਿਗਵਿਜੇ ਸਿੰਘ ਮੈਮੋਰੀਅਲ ਏਅਰ ਰਾਈਫਲ/ਏਅਰ ਪਿਸਟਲ ਚੈਂਪੀਅਨਸ਼ਿਪ ਦਾ ਸ਼ਨੀਵਾਰ ਨੂੰ ਉਦਘਾਟਨ ਕਰਨ ਦੇ ਬਾਅਦ ਕਿਹਾ ਕਿ ਇਹ ਵੇਖ ਕੇ ਵਾਕਈ ਚੰਗਾ ਲਗਦਾ ਹੈ ਕਿ ਨਿਸ਼ਾਨੇਬਾਜ਼ੀ ਦਾ ਦੇਸ਼ ਵਿੱਚ ਤੇਜੀ ਨਾਲ ਵਿਸਥਾਰ ਹੋ ਰਿਹਾ ਹੈ ਅਤੇ ਸਕੂਲ ਵੀ ਇਸ ਖੇਡ ਨੂੰ ਅਪਨਾਉਣ ਲੱਗੇ ਹਨ । ਇਹ ਸਕੂਲ ਹੀ ਹਨ ਜਿੱਥੋਂ ਕੱਲ ਦੇ ਓਲੰਪਿਕ ਚੈਂਪੀਅਨ ਨਿਕਲਣਗੇ ।  

ਹਾਲ ਵਿੱਚ ਆਸਟਰੇਲੀਆ ਦੇ ਬਰਿਸਬੇਨ ਵਿੱਚ ਚਾਂਦੀ ਦਾ ਤਗਮਾ ਜਿੱਤਣ ਵਾਲੇ ਨਾਰੰਗ ਨੇ ਕਿਹਾ ਕਿ ਮੈਨੂੰ ਖੁਸ਼ੀ ਹੈ ਕਿ ਇਸ ਸਕੂਲ ਨੇ ਇਸ ਚੈਂਪੀਅਨਸ਼ਿਪ ਨੂੰ ਆਯੋਜਿਤ ਕਰਨ ਦਾ ਬੀੜਾ ਚੁੱਕਿਆ ਹੈ । ਇਹ ਵੇਖ ਕੇ ਵੀ ਚੰਗਾ ਲੱਗ ਰਿਹਾ ਹੈ ਕਿ ਵਿਦਿਆਰਥੀ ਇਸ ਖੇਡ ਦੇ ਬਾਰੇ ਵਿੱਚ ਜਾਨਣਾ ਚਾਹੁੰਦੇ ਹਨ । ਨਾਰੰਗ ਨੇ ਨਾਲ ਹੀ ਕਿਹਾ ਕਿ ਨਿਸ਼ਾਨੇਬਾਜ਼ੀ ਇੱਕ ਅਜਿਹੀ ਖੇਡ ਹੈ ਜਿਸ ਵਿੱਚ ਕਾਫ਼ੀ ਇਕਾਗਰਤਾ ਦੀ ਜ਼ਰੂਰਤ ਹੁੰਦੀ ਹੈ । ਇਸ ਵਿੱਚ ਸਫਲ ਹੋਣ ਲਈ ਸਖਤ ਮਿਹਨਤ ਕਰਨੀ ਪੈਂਦੀ ਹੈ । ਇਹ ਚੈਂਪੀਅਨਸ਼ਿਪ 14 ਨਵੰਬਰ ਤੱਕ ਚੱਲੇਗੀ ਜਿਸਦੇ ਲਈ ਦੇਸ਼ ਭਰ 'ਚ 480 ਰਜਿਸਟ੍ਰੇਸ਼ਨ ਹੋਈਆਂ ਹਨ।

ਇਸ ਦਾ ਆਯੋਜਨ ਯੂ ਪੀ ਸਟੇਟ ਰਾਈਫਲ ਐਸੋਸੀਏਸ਼ਨ ਨੇ ਕੀਤਾ ਹੈ ਅਤੇ ਇਸ ਨੂੰ ਨੈਸ਼ਨਲ ਰਾਈਫਲ ਐੇਸੋਸੀਏਸ਼ਨ ਆਫ ਇੰਡਿਆ ਕਰਾ ਰਿਹਾ ਹੈ । ਇਸ ਚੈਂਪੀਅਨਸ਼ਿਪ 'ਚ ਸੋਨ ਤਗਮਾ ਜੇਤੂ ਨੂੰ 50,000 ਰੁਪਏ,  ਚਾਂਦੀ ਜੇਤੂ ਨੂੰ 30,000 ਅਤੇ ਕਾਂਸੀ ਜੇਤੂ ਨੂੰ 20,000 ਰੁਪਏ ਦਿੱਤੇ ਜਾਣਗੇ ।