ਜਾਣੋਂ ਕਿਉਂ ਜ਼ਮੀਨ 'ਤੇ ਸੌਣ ਲਈ ਮਜਬੂਰ ਹੋਏ ਧੋਨੀ ਤੇ ਸਾਕਸ਼ੀ, ਵਾਇਰਲ ਹੋਈ ਤਸਵੀਰ

ਨਵੀਂ ਦਿੱਲੀ : ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੇ ਦੁਨੀਆ ਭਰ ਵਿਚ ਕਰੋੜਾਂ ਪ੍ਰਸ਼ੰਸਕ ਹਨ। ਕ੍ਰਿਕਟ ਦੇ ਮੈਦਾਨ 'ਤੇ ਹਮੇਸ਼ਾ 'ਕੂਲ' ਦਿਸਣ ਵਾਲੇ ਦੋਨੀ ਅਸਲ ਜ਼ਿੰਦਗੀ ਵਿਚ ਵੀ ਕਾਫੀ ਠੰਡੇ ਸੁਭਾਅ ਦੇ ਹਨ। ਇਹੀ ਵਜ੍ਹਾ ਹੈ ਕਿ ਉਹ ਭਾਰਤ ਦੇ ਸਭ ਤੋਂ ਕਾਮਯਾਬ ਕਪਤਾਨ ਹਨ ਪਰ ਉਹ ਸਿਰਫ ਕਰੀਅਰ ਵਿਚ ਹੀ ਨਹੀਂ ਸਗੋਂ ਅਸਲ ਜ਼ਿੰਦਗੀ ਵਿਚ ਵੀ ਇਕ ਸ਼ਾਨਦਾਰ ਸ਼ਖਸੀਅਤ ਵਾਲੇ ਵਿਅਕਤੀ ਹਨ। ਧੋਨੀ ਇਨ੍ਹਾਂ ਦਿਨਾ ਆਈ. ਪੀ. ਐੱਲ. ਵਿਚ ਰੁੱਝੇ ਹਨ ਅਤੇ ਧੋਨੀ ਦੀ ਟੀਮ ਚੇਨਈ ਸੁਪਰ ਕਿੰਗਜ਼ ਚੰਗਾ ਖੇਡ ਰਹੀ ਹੈ। ਟੀਮ ਨੇ ਮੰਗਲਵਾਰ ਨੂੰ ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ ਘੱਟ ਸਕੋਰਿੰਗ ਵਾਲੇ ਮੈਚ ਵਿਚ 7 ਵਿਕਟਾਂ ਨਾਲ ਹਰਾਇਆ। ਇਹ ਚੇਨਈ ਦੀ ਆਪਣੇ ਘਰੇਲੂ ਮੈਦਾਨ 'ਤੇ ਪਿਛਲੇ 6 ਮੈਚਾਂ ਵਿਚੋਂ 5ਵੀਂ ਜਿੱਤ ਹੈ। ਇਸ ਜਿੱਤ ਨਾਲ ਚੇਨਈ ਫਿਰ ਅੰਕ ਸੂਚੀ ਵਿਚ ਚੋਟੀ 'ਤੇ ਪਹੁੰਚ ਗਿਆ ਹੈ। ਇਸ ਦੌਰਾਨ ਦੋਨੀ ਅਤੇ ਉਸ ਦੀ ਪਤਨੀ ਸਾਕਸ਼ੀ ਦੀ ਇਕ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।

ਦਰਅਸਲ ਆਈ. ਪੀ. ਐੱਲ. ਦੌਰਾਨ ਸਾਰੀਆਂ ਟੀਮਾਂ ਨੂੰ ਕਾਫੀ ਟ੍ਰੈਵਲ ਕਰਨਾ ਪੈਂਦਾ ਹੈ। ਇਕ ਵੈਨਿਊ ਤੋਂ ਦੂਜੇ ਵੈਨਿਊ ਜਾਣ ਲਈ ਟੀਮਾਂ ਦੀ ਜ਼ਿਆਦਾਤਰ ਫਲਾਈਟ ਸਵੇਰੇ ਹੁੰਦੀ ਹੈ। ਇਸ ਦੌਰਾਨ ਖਿਡਾਰੀਆਂ ਨੂੰ ਕਾਫੀ ਨੀਂਦ ਆਉਂਦੀ ਹੈ। ਅਜਿਹੀ ਹੀ ਇਕ ਤਸਵੀਰ ਧੋਨੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ ਵਿਚ ਮਾਹੀ ਅਤੇ ਸਾਕਸ਼ੀ ਦੋਵੇਂ ਵੇਟਿੰਗ ਰੂਮ ਵਿਚ ਜ਼ਮੀਨ 'ਤੇ ਸੋ ਰਹੇ ਹਨ। ਧੋਨੀ ਨੇ ਇਹ ਤਸਵੀਰ ਸ਼ੇਅਰ ਕਰਦਿਆਂ ਲਿਖਿਆ, ''ਆਈ. ਪੀ. ਐੱਲ. ਟਾਈਮਿੰਗ ਦੇ ਆਦੀ ਹੋਣ ਤੋਂ ਬਾਅਦ ਜੇਕਰ ਸਵੇਰ ਦੀ ਫਲਾਈਟ ਹੋਵੇ ਤਾਂ ਅਜਿਹਾ ਹੀ ਹੁੰਦਾ ਹੈ।''

 

 

 

 

 

View this post on Instagram

 

 

 

 

 

 

 

 

 

After getting used to IPL timing this is what happens if u have a morning flight

A post shared by M S Dhoni (@mahi7781) on Apr 9, 2019 at 9:36pm PDT

ਧੋਨੀ ਦੀ ਇਸ ਤਸਵੀਰ 'ਤੇ ਕਾਫੀ ਕੁਮੈਂਟਸ ਆ ਰਹੇ ਹਨ। ਉਸ ਦੇ ਫੈਂਸ ਉਸ ਦੀ ਤਾਰੀਫਾਂ ਦੇ ਪੁਲ ਬੰਨ੍ਹ ਰਹੇ ਹਨ। ਇਕ ਯੂਜ਼ਰ ਨੇ ਕੁਮੈਂਟ ਕੀਤਾ 'ਇਸ ਨੂੰ ਕਹਿੰਦੇ ਹਨ ਸਾਦਗੀ'। ਤਾਂ ਉੱਤੇ ਹੀ ਕੁਝ ਲੋਕਾਂ ਨੇ ਇਸ ਨੂੰ ਕਪਲ ਗੋਲ ਵੀ ਦੱਸਿਆ। ਇਕ ਨੇ ਲਿਖਿਆ 'ਤੁਸੀਂ ਸਿਰਫ ਕ੍ਰਿਕਟਰ ਹੀ ਨਹੀਂ ਦੁਨੀਆ ਹੋ ਮੇਰੀ'।