ਜੇਹਾਨ ਦਾਰੂਵਾਲਾ ਨੇ ਰਚਿਆ ਇਤਿਹਾਸ, ਫਾਰਮੂਲਾ-2 ਰੇਸ ਜਿੱਤਣ ਵਾਲੇ ਪਹਿਲੇ ਭਾਰਤੀ

ਨਵੀਂ ਦਿੱਲੀ- ਭਾਰਤੀ ਡਰਾਈਵਰ ਜੇਹਾਨ ਦਾਰੂਵਾਲਾ ਨੇ ਐਤਵਾਰ ਨੂੰ ਗ੍ਰਾਂ. ਪ੍ਰੀ. ਦੌਰਾਨ ਇਤਿਹਾਸ ਰਚ ਦਿੱਤਾ। ਉਹ ਫਾਰਮੂਲਾ-2 ਰੇਸ ਜਿੱਤਣ ਵਾਲੇ ਪਹਿਲੇ ਭਾਰਤੀ ਬਣ ਗਏ ਹਨ। ਫਾਰਮੂਲਾ-2 ਚੈਂਪੀਅਨ ਮਿਕ ਸ਼ੂਮਾਕਰ ਅਤੇ ਡੇਨੀਅਲ ਟਿਕਟੁਮ ਦੇ ਵਿਰੁੱਧ ਰੋਮਾਂਚਕ ਮੁਕਾਬਲੇ 'ਚ 22 ਸਾਲਾ ਭਾਰਤੀ ਸੀਜ਼ਨ ਦੀ ਆਖਰੀ ਫਾਰਮੂਲਾ-1 ਗ੍ਰਾਂ. ਪ੍ਰੀ. ਦੀ ਸਪੋਰਟ ਰੇਸ 'ਚ ਚੋਟੀ 'ਤੇ ਰਹੇ।

P1!!😀✅...Feels really good to end the season on a high..A big thank you to team💪🏼 and everyone who’s supported me throughout the season ...See you next year😉 @FIA_F2 @CarlinRacing @_winway @pap_sc pic.twitter.com/pq280JPRmY

— Jehan Daruvala (@DaruvalaJehan) December 6, 2020

ਰੀਓ ਰੇਸਿੰਗ ਦੇ ਲਈ ਡਰਾਈਵਿੰਗ ਕਰ ਰਹੇ ਜੇਹਾਨ ਨੇ ਗ੍ਰਿਡ 'ਤੇ ਦੂਜੇ ਸਥਾਨ ਨਾਲ ਸ਼ੁਰੂਆਤ ਕੀਤੀ ਤੇ ਉਹ ਡੇਨੀਅਲ ਟਿਕਟੁਮ ਦੇ ਨਾਲ ਸੀ। ਟਿਕਟੁਮ ਨੇ ਜੇਹਾਨ ਨੂੰ ਸਾਈਡ 'ਚ ਕਰਨ ਦੀ ਕੋਸ਼ਿਸ਼ ਕੀਤੀ, ਜਿਸ ਕਾਰਨ ਸ਼ੂਮਾਕਰ ਦੋਵਾਂ ਤੋਂ ਅੱਗੇ ਨਿਕਲ ਗਿਆ। 
ਯੂਕੀ ਸੁਨੋਡਾ ਦੂਜੇ ਸਥਾਨ 'ਤੇ ਰਹੇ
ਜੇਹਾਨ ਇਸ ਤੋਂ ਬਾਅਦ ਦੋਵਾਂ ਤੋਂ ਪਿੱਛੇ ਹੋ ਗਿਆ ਪਰ ਉਨ੍ਹਾਂ ਨੇ ਹਿੰਮਤ ਨਹੀਂ ਹਾਰੀ ਤੇ ਸੰਜਮ ਨਾਲ ਆਪਣੀ ਪਹਿਲੀ ਐੱਫ. ਆਈ. ਏ. ਫਾਰਮੂਲਾ-2 ਰੇਸ ਜਿੱਤ ਲਈ। ਉਸਦੇ ਜਾਪਾਨੀ ਸਾਥੀ ਯੂਕੀ ਸੁਨੋਡਾ ਦੂਜੇ ਸਥਾਨ 'ਤੇ ਰਿਹਾ। ਉਹ ਜੇਹਾਨ ਤੋਂ 3.5 ਸੈਕੰਡ ਪਿੱਛੇ ਰਹੇ, ਜਦਕਿ ਟਿਕਟੁਮ ਤੀਜੇ ਸਥਾਨ 'ਤੇ ਰਿਹਾ।  

ਨੋਟ-  ਜੇਹਾਨ ਦਾਰੂਵਾਲਾ ਨੇ ਰਚਿਆ ਇਤਿਹਾਸ, ਫਾਰਮੂਲਾ-2 ਰੇਸ ਜਿੱਤਣ ਵਾਲੇ ਪਹਿਲੇ ਭਾਰਤੀ । ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਸਾਂਝੇ ਕਰੋ।