ਫਿੱਟ ਹੋਣ ’ਤੇ ਬਾਕਸਿੰਗ ਡੇ ਟੈਸਟ ਦੇ ਆਖਰੀ-11 ’ਚ ਵਿਹਾਰੀ ਦੀ ਜਗ੍ਹਾ ਲੈ ਸਕਦੈ ਜਡੇਜਾ
12/21/2020 8:50:02 PM
ਐਡੀਲੇਡ– ਭਾਰਤੀ ਟੀਮ ਮੈਨੇਜਮੈਂਟ ਇਸ ਹਫਤੇ ਤੋਂ ਆਸਟਰੇਲੀਆ ਵਿਰੁੱਧ ਹੋਣ ਵਾਲੇ ਬਾਕਸਿੰਗ ਡੇ ਟੈਸਟ ਤੋਂ ਪਹਿਲਾਂ ਰਵਿੰਦਰ ਜਡੇਜਾ ਦੀ ਸੱਟ ’ਤੇ ਤਿੱਖੀ ਨਜ਼ਰ ਰੱਖ ਰਹੀ ਹੈ ਤੇ ਜੇਕਰ ਇਹ ਆਲਰਾਊਂਡਰ ਫਿੱਟ ਹੁੰਦਾ ਹੈ ਤਾਂ ਆਖਰੀ-11 ਵਿਚ ਹਨੁਮਾ ਵਿਹਾਰੀ ਦੀ ਜਗ੍ਹਾ ਲੈ ਸਕਦਾ ਹੈ।
ਪਹਿਲੇ ਟੀ-20 ਕੌਮਾਂਤਰੀ ਦੌਰਾਨ ਜਡੇਜਾ ਦੇ ਸਿਰ ਵਿਚ ਸੱਟ ਲੱਗੀ ਸੀ ਤੇ ਇਸ ਤੋਂ ਬਾਅਦ ਉਸਦੇ ਪੈਰ ਦੀਆਂ ਮਾਸਪੇਸ਼ੀਆਂ ਵਿਚ ਵੀ ਖਿਤਾਬ ਆ ਗਿਆ ਸੀ, ਜਿਸ ਕਾਰਣ ਉਹ ਪਹਿਲੇ ਟੈਸਟ ਵਿਚੋਂ ਬਾਹਰ ਹੋ ਗਿਆ ਸੀ।
ਭਾਰਤ ਨੂੰ ਪਹਿਲੇ ਟੈਸਟ ਵਿਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਤੇ ਇਸ ਦੌਰਾਨ ਜਡੇਜਾ ਨੇ ਨੈੱਟ ’ਤੇ ਵਾਪਸੀ ਕੀਤੀ। ਪਤਾ ਲੱਗਾ ਹੈ ਕਿ ਇਹ ਆਲਰਾਊਂਡਰ ਚੰਗੀ ਤਰ੍ਹਾਂ ਉਭਰ ਰਿਹਾ ਹੈ ਪਰ ਅਜੇ ਇਹ ਨਿਸ਼ਚਿਤ ਰੂਪ ਨਾਲ ਨਹੀਂ ਕਿਹਾ ਜਾ ਸਕਦਾ ਕਿ ਉਹ 26 ਦਸੰਬਰ ਤੋਂ ਮੈਲਬੋਰਨ ਵਿਚ ਸ਼ੁਰੂ ਹੋਣ ਵਾਲੇ ਦੂਜੇ ਟੈਸਟ ਲਈ ਸੌ ਫੀਸਦੀ ਫਿੱਟ ਹੋ ਜਾਵੇਗਾ। ਪਰ ਜਡੇਜਾ ਜੇਕਰ ਫਿੱਟ ਹੁੰਦਾ ਹੈ ਤਾਂ ਆਂਦ੍ਰਾ ਪ੍ਰਦੇਸ਼ ਦੇ ਬੱਲੇਬਾਜ਼ ਵਿਹਾਰੀ ਨੂੰ ਆਖਰੀ-11 ਵਿਚੋਂ ਬਾਹਰ ਰਹਿਣਾ ਪੈ ਸਕਦਾ ਹੈ। ਵਿਹਾਰੀ ਦੇ ਬਾਹਰ ਹੋਣ ਦਾ ਕਾਰਣ ਹਾਲਾਂਕਿ ਐਡੀਲੇਡ ਵਿਚ ਪਹਿਲੇ ਟੈਸਟ ਵਿਚ ਉਸਦਾ ਖਰਾਬ ਪ੍ਰਦਰਸ਼ਨ ਨਹੀਂ ਸਗੋਂ ਅਜਿੰਕਯ ਰਹਾਨੇ ਤੇ ਰਵੀ ਸ਼ਾਸਤਰੀ ਵਲੋਂ ਸਰਵਸ੍ਰੇਸ਼ਠ ਸੰਯੋਜਨ ਉਤਾਰਿਆ ਜਾਣਾ ਹੈ।
ਨੋਟ- ਫਿੱਟ ਹੋਣ ’ਤੇ ਬਾਕਸਿੰਗ ਡੇ ਟੈਸਟ ਦੇ ਆਖਰੀ-11 ’ਚ ਵਿਹਾਰੀ ਦੀ ਜਗ੍ਹਾ ਲੈ ਸਕਦੈ ਜਡੇਜਾ। ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਸਾਂਝੇ ਕਰੋ।