ਧੋਨੀ ਦੇ ‘ਵਿਰੋਧ’ ਵਾਲੇ ਟਵੀਟ 'ਤੇ ਇਰਫਾਨ ਪਠਾਨ ਨੇ ਦਿੱਤੀ ਪ੍ਰਤੀਕਿਰਿਆ, ਲਿਖਿਆ- ਸਿਰਫ ਦੋ ਲਾਈਨ...

ਨਵੀਂ ਦਿੱਲੀ : ਟੀਮ ਇੰਡੀਆ ਦੇ ਤੇਜ਼ ਗੇਂਦਬਾਜ਼ ਇਰਫਾਨ ਪਠਾਨ ਦਾ ਬੀਤੇ ਦਿਨੀਂ ਸੋਸ਼ਲ ਮੀਡੀਆ 'ਤੇ ਇੱਕ ਟਵੀਟ ਕਾਫੀ ਵਾਇਰਲ ਹੋਇਆ ਸੀ। ਉਕਤ ਟਵੀਟ 'ਚ ਉਨ੍ਹਾਂ ਨੇ ਪਲੇਅਰਸ ਸਪੀਰੀਟ ਨੂੰ ਲੈ ਕੇ ਇੱਕ ਲਾਈਨ ਲਿਖੀ ਸੀ- ਜਿਸ ਨੂੰ ਕ੍ਰਿਕਟ ਫੈਂਸ ਨੇ ਧੋਨੀ 'ਤੇ ਤੰਜ ਸਮਝਿਆ। ਇਹ ਮਾਮਲਾ ਉਦੋਂ ਹੋਰ ਵੱਧ ਗਿਆ ਜਦੋਂ ਚੇਨਈ ਸੁਪਰ ਕਿੰਗਜ਼ ਟੀਮ ਤੋਂ ਆਪਣਾ ਨਾਮ ਵਾਪਸ ਲੈਣ ਵਾਲੇ ਹਰਭਜਨ ਦਾ ਵੀ ਰਿਪਲਾਈ ਆ ਗਿਆ। ਹੁਣ ਇਸ ਮਾਮਲੇ 'ਤੇ ਪਠਾਨ ਨੇ ਇੱਕ ਹੋਰ ਟਵੀਟ ਕਰ ਮਾਹੌਲ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਪਠਾਨ ਨੇ ਟਵੀਟ 'ਚ ਲਿਖਿਆ ਹੈ- ਸਿਰਫ ਦੋ ਲਾਈਨ 'ਚ ਹੀ ਸਿਰ ਘੁੰਮ ਗਿਆ, ਪੂਰੀ ਕਿਤਾਬ ਪੜ੍ਹਣ 'ਤੇ ਚੱਕਰ ਵੀ ਆਣਗੇ।

Sirf Do line mein sir ghum gaye, puri kitaab padhne par chakkar bhi aaega;) #lovingit 😂

— Irfan Pathan (@IrfanPathan) October 5, 2020

ਦੱਸ ਦਈਏ ਕਿ ਇਰਫਾਨ ਨੇ ਤਿੰਨ ਅਕਤੂਬਰ ਨੂੰ ਉਸੇ ਦਿਨ ਪਹਿਲਾ ਟਵੀਟ ਕੀਤਾ ਸੀ ਜਿਸ ਦਿਨ ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਮੈਦਾਨ 'ਤੇ ਕਾਫ਼ੀ ਥੱਕੇ ਹੋਏ ਨਜ਼ਰ ਆ ਰਹੇ ਸਨ। ਉਨ੍ਹਾਂ ਦੇ ਚਿਹਰੇ ਤੋਂ ਥਕਾਵਟ ਸਾਫ਼ ਝਲਕ ਰਹੀ ਸੀ। ਇਸ ਕਾਰਨ ਉਹ ਚੇਨਈ ਨੂੰ ਮਿਲੇ ਟੀਚੇ ਨੂੰ ਨਾਬਾਦ ਹੋਣ  ਦੇ ਬਾਵਜੂਦ ਹਾਸਲ ਨਹੀਂ ਕਰ ਪਾਏ। ਇਸ ਦੌਰਾਨ ਇਰਫਾਨ ਨੇ ਟਵਿਟ ਕਰ ਦਿੱਤਾ- ਕੁੱਝ ਲੋਕਾਂ ਲਈ ਉਮਰ ਸਿਰਫ਼ ਇੱਕ ਗਿਣਤੀ ਹੈ ਜਦੋਂ ਕਿ ਦੂਸਰਿਆਂ ਲਈ ਡਰਾਪ ਕਰਨ ਦਾ ਤਰੀਕਾ।

Age is just a number for some and for others a reason to be dropped...

— Irfan Pathan (@IrfanPathan) October 3, 2020

ਇਰਫਾਨ ਦੇ ਇਸ ਟਵਿਟ ਤੋਂ ਬਾਅਦ ਹੀ ਸੋਸ਼ਲ ਮੀਡੀਆ 'ਤੇ ਹੰਗਾਮਾ ਮੱਚ ਗਿਆ। ਲੋਕਾਂ ਨੇ ਇਸ ਨੂੰ 39 ਸਾਲਾ ਧੋਨੀ ਨਾਲ ਜੋੜ ਕੇ ਦੇਖਿਆ। ਇਹ ਮਾਮਲਾ ਉਦੋਂ ਹੋਰ ਚਰਚਾ 'ਚ ਆ ਗਿਆ ਜਦੋਂ ਹਰਭਜਨ ਨੇ ਇਰਫਾਨ ਦੇ ਟਵੀਟ ਨੂੰ ਰੀਟਵੀਟ ਕਰਕੇ ਲਿਖ ਦਿੱਤਾ- 100000000 ਤੁਸੀਂ ਸਹਿਮਤ ਹੋ ਇਰਫਾਨ ਪਠਾਨ।

10000000 percent agree with you. @IrfanPathan https://t.co/3RtQB6IKAd

— Harbhajan Turbanator (@harbhajan_singh) October 3, 2020