IPL 2023: ਇਹ ਖਿਡਾਰੀ ਕਰੇਗਾ ਰਿਸ਼ਭ ਪੰਤ ਦੀ ਕਮੀ ਪੂਰੀ, ਦਿੱਲੀ ਟੀਮ 'ਚ ਹੋਇਆ ਸ਼ਾਮਲ
03/29/2023 5:16:38 PM
ਸਪੋਰਟਸ ਡੈਸਕ : ਬੰਗਾਲ ਦੇ ਵਿਕਟਕੀਪਰ-ਬੱਲੇਬਾਜ਼ ਅਭਿਸ਼ੇਕ ਪੋਰੇਲ ਨੂੰ ਰਿਸ਼ਭ ਪੰਤ ਦੀ ਜਗ੍ਹਾ 'ਤੇ ਆਈਪੀਐੱਲ 2023 ਲਈ ਦਿੱਲੀ ਕੈਪੀਟਲਜ਼ ਦੀ ਟੀਮ 'ਚ ਚੁਣਿਆ ਗਿਆ ਹੈ। ਪੰਤ ਫਿਲਹਾਲ ਹਾਦਸੇ 'ਚ ਲੱਗੀਆਂ ਸੱਟਾਂ ਤੋਂ ਉਭਰ ਰਹੇ ਹਨ। ਡੇਵਿਡ ਵਾਰਨਰ ਆਉਣ ਵਾਲੇ ਆਈਪੀਐਲ ਸੀਜ਼ਨ ਵਿੱਚ ਦਿੱਲੀ ਕੈਪੀਟਲਜ਼ ਦੀ ਕਪਤਾਨੀ ਕਰੇਗਾ, ਅਕਸ਼ਰ ਪਟੇਲ ਉਪ-ਕਪਤਾਨ ਹੋਵੇਗਾ।
ਇਹ ਵੀ ਪੜ੍ਹੋ : ਵਿਰਾਟ ਕੋਹਲੀ ਨੂੰ ਲੈ ਕੇ ਡਿਵਿਲੀਅਰਸ ਦਾ ਵੱਡਾ ਖ਼ੁਲਾਸਾ
ਦਿੱਲੀ ਟੀਮ ਦੇ ਇੱਕ ਸੂਤਰ ਨੇ ਇੰਡੀਆ ਟੂਡੇ ਨੂੰ ਦੱਸਿਆ, "ਰਿਸ਼ਭ ਪੰਤ ਉਪਲਬਧ ਨਹੀਂ ਹੈ, ਇਸ ਲਈ ਅਭਿਸ਼ੇਕ ਪੋਰੇਲ ਪਹਿਲੇ ਵਿਕਲਪ ਦੇ ਤੌਰ 'ਤੇ ਵਿਕਟਕੀਪਿੰਗ ਕਰਨਗੇ ਅਤੇ ਸਾਡੇ ਕੋਲ ਦੂਜੇ ਵਿਕਲਪ ਦੇ ਰੂਪ ਵਿੱਚ ਸਰਫਰਾਜ਼ ਹੈ। ਸਾਡੇ ਕੋਲ ਸਮੇਂ ਦੇ ਅਨੁਕੂਲ ਹੋਣ ਲਈ ਇੱਕ ਸਹੀ ਯੋਜਨਾ ਹੈ। ਲੋੜ ਪੈਣ 'ਤੇ ਦੋਵਾਂ ਦੀ ਵਰਤੋਂ ਕਰਾਂਗੇ।"
ਇਹ ਵੀ ਪੜ੍ਹੋ : IPL ਦੇ ਉਦਘਾਟਨੀ ਸਮਾਗਮ ’ਚ ਰਸ਼ਮਿਕਾ ਮੰਦਾਨਾ ਤੇ ਤਮੰਨਾ ਭਾਟੀਆ ਦੇਣਗੀਆਂ ਪੇਸ਼ਕਾਰੀ
20 ਸਾਲਾ ਪੋਰੇਲ ਨੇ ਹੁਣ ਤੱਕ 16 ਪਹਿਲੀ ਸ਼੍ਰੇਣੀ ਮੈਚ, ਤਿੰਨ ਲਿਸਟ ਏ ਮੈਚ ਅਤੇ ਤਿੰਨ ਟੀ-20 ਮੈਚ ਖੇਡੇ ਹਨ। ਖੱਬੇ ਹੱਥ ਦੇ ਇਸ ਬੱਲੇਬਾਜ਼ ਨੇ ਫਰਵਰੀ 2022 ਵਿੱਚ ਬੜੌਦਾ ਖ਼ਿਲਾਫ਼ ਪਹਿਲੀ ਸ਼੍ਰੇਣੀ ਵਿੱਚ ਡੈਬਿਊ ਕੀਤਾ ਸੀ। ਉਸ ਨੇ 30.21 ਦੀ ਔਸਤ ਨਾਲ 695 ਦੌੜਾਂ ਬਣਾਈਆਂ ਹਨ ਅਤੇ ਉਸ ਦੇ ਛੇ ਅਰਧ ਸੈਂਕੜੇ ਹਨ। ਉਸ ਨੇ ਲਿਸਟ-ਏ ਕ੍ਰਿਕਟ 'ਚ ਇਕ ਅਰਧ ਸੈਂਕੜਾ ਵੀ ਲਗਾਇਆ ਹੈ। ਦਿੱਲੀ ਕੈਪੀਟਲਜ਼ ਦੇ ਨਿਯਮਤ ਕਪਤਾਨ ਪੰਤ 2022 ਦੇ ਅਖੀਰ ਵਿੱਚ ਇੱਕ ਸੜਕ ਹਾਦਸੇ ਕਾਰਨ ਆਈਪੀਐਲ 2023 ਲਈ ਉਪਲਬਧ ਨਹੀਂ ਹੋਣਗੇ। ਉਹ ਇਸ ਸਮੇਂ ਕਈ ਸੱਟਾਂ ਤੋਂ ਠੀਕ ਹੋ ਰਹੇ ਹਨ। ਪੰਤ ਦੀ ਗੈਰ-ਮੌਜੂਦਗੀ ਵਿੱਚ ਤਜਰਬੇਕਾਰ ਆਸਟਰੇਲੀਆਈ ਬੱਲੇਬਾਜ਼ ਡੇਵਿਡ ਵਾਰਨਰ ਦਿੱਲੀ ਫਰੈਂਚਾਇਜ਼ੀ ਦੀ ਅਗਵਾਈ ਕਰਨਗੇ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।