ਇੰਟਰ ਮਿਆਮੀ ਸਾਊਦੀ ਅਰਬ ''ਚ ਖੇਡਗੀ ਦੋ ਮੈਚ, ਮੇਸੀ ਤੇ ਰੋਨਾਲਡੋ ਦੀ ਹੋਵੇਗੀ ਟੱਕਰ

ਫੋਰਟ ਲਾਡਰਡੇਲ (ਅਮਰੀਕਾ), (ਭਾਸ਼ਾ) : ਦੁਨੀਆ ਭਰ ਦੇ ਫੁੱਟਬਾਲ ਪ੍ਰੇਮੀ ਜਿਸ ਮੈਚ ਦਾ ਇੰਤਜ਼ਾਰ ਕਰ ਰਹੇ ਸਨ, ਉਹ ਮੈਚ 1 ਫਰਵਰੀ ਨੂੰ ਸਾਊਦੀ ਅਰਬ 'ਚ ਹੋਵੇਗਾ ਜਦੋਂ ਲਿਓਨਲ ਮੇਸੀ ਅਤੇ ਕ੍ਰਿਸਟੀਆਨੋ ਰੋਨਾਲਡੋ ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਮੇਸੀ ਦੀ ਟੀਮ ਇੰਟਰ ਮਿਆਮੀ ਨੇ ਸੋਮਵਾਰ ਨੂੰ ਪੁਸ਼ਟੀ ਕੀਤੀ ਕਿ ਉਹ ਸਾਊਦੀ ਅਰਬ ਵਿੱਚ ਰਿਆਦ ਸੀਜ਼ਨ ਕੱਪ ਖੇਡੇਗੀ। ਉਨ੍ਹਾਂ ਦਾ ਸਾਹਮਣਾ 29 ਜਨਵਰੀ ਨੂੰ ਅਲ ਹਿਲਾਲ ਅਤੇ 1 ਫਰਵਰੀ ਨੂੰ ਰੋਨਾਲਡੋ ਦੀ ਟੀਮ ਅਲ ਨਾਸਰ ਨਾਲ ਹੋਵੇਗਾ। ਇਹ ਦੋਵੇਂ ਕਲੱਬ ਸਾਊਦੀ ਪ੍ਰੋ ਲੀਗ ਵਿੱਚ ਸਿਖਰ 'ਤੇ ਹਨ ਅਤੇ ਰੋਨਾਲਡੋ ਨੇ ਲੀਗ ਵਿੱਚ ਸਭ ਤੋਂ ਵੱਧ ਗੋਲ ਕੀਤੇ ਹਨ। 

ਇਹ ਵੀ ਪੜ੍ਹੋ : ਭਾਰਤ ਤੇ ਦੱਖਣੀ ਅਫਰੀਕਾ ਵਿਚਾਲੇ ਦੂਜਾ ਟੀ20 ਮੈਚ ਅੱਜ, ਜਾਣੋ ਮੌਸਮ ਤੇ ਸੰਭਾਵਿਤ ਪਲੇਇੰਗ 11 ਬਾਰੇ

ਇੰਟਰ ਮਿਆਮੀ ਦੇ ਖੇਡ ਨਿਰਦੇਸ਼ਕ ਕ੍ਰਿਸ ਹੈਂਡਰਸਨ ਨੇ ਕਿਹਾ, "ਇਹ ਮੈਚ ਸਾਨੂੰ ਨਵੇਂ ਸੀਜ਼ਨ ਦੀ ਤਿਆਰੀ ਵਿੱਚ ਮਦਦ ਕਰਨਗੇ।" ਸਾਨੂੰ ਅਲ ਹਿਲਾਲ ਅਤੇ ਅਲ ਨਾਸਰ ਵਰਗੀਆਂ ਮਜ਼ਬੂਤ ਟੀਮਾਂ ਦੇ ਖਿਲਾਫ ਪਰਖਣ ਦਾ ਮੌਕਾ ਮਿਲੇਗਾ।'' ਮੇਸੀ ਅਤੇ ਰੋਨਾਲਡੋ ਕਲੱਬ ਅਤੇ ਅੰਤਰਰਾਸ਼ਟਰੀ ਫੁੱਟਬਾਲ 'ਚ 35 ਵਾਰ ਆਹਮੋ-ਸਾਹਮਣੇ ਹੋਏ ਹਨ, ਜਿਨ੍ਹਾਂ 'ਚੋਂ ਮ੍ਸੀ ਦੀ ਟੀਮ ਨੇ 16 ਅਤੇ ਰੋਨਾਲਡੋ ਦੀ ਟੀਮ ਨੇ 10 ਮੈਚ ਜਿੱਤੇ ਹਨ।  ਜਦਕਿ ਨੌਂ ਮੈਚ ਡਰਾਅ ਰਹੇ। ਇਨ੍ਹਾਂ ਮੈਚਾਂ ਵਿੱਚ ਮੇਸੀ ਨੇ 21 ਗੋਲ ਕੀਤੇ ਅਤੇ 12 ਵਿੱਚ ਸਹਾਇਤਾ ਕੀਤੀ, ਜਦਕਿ ਰੋਨਾਲਡੋ ਨੇ 20 ਗੋਲ ਕੀਤੇ ਅਤੇ ਇੱਕ ਵਿੱਚ ਸਹਾਇਤਾ ਕੀਤੀ। ਮੇਸੀ ਨੂੰ ਉਸ ਦੀ ਸਾਬਕਾ ਟੀਮ ਪੈਰਿਸ ਸੇਂਟ-ਜਰਮੇਨ ਨੇ ਮਈ ਵਿੱਚ ਸਾਊਦੀ ਅਰਬ ਦੇ ਸੈਰ-ਸਪਾਟੇ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਤੋਂ ਬਾਅਦ ਮੁਅੱਤਲ ਕਰ ਦਿੱਤਾ ਸੀ। ਮੇਸੀ ਅਤੇ ਰੋਨਾਲਡੋ ਵੀ ਕ੍ਰਮਵਾਰ ਬਾਰਸੀਲੋਨਾ ਅਤੇ ਰੀਅਲ ਮੈਡਰਿਡ ਲਈ ਕਈ ਵਾਰ ਇੱਕ ਦੂਜੇ ਦੇ ਖਿਲਾਫ ਖੇਡ ਚੁੱਕੇ ਹਨ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8