ਆਸਟ੍ਰੀਆ ਨੂੰ ਹਰਾ ਕੇ ਭਾਰਤੀ ਹਾਕੀ ਟੀਮ ਦਾ ਯੂਰਪੀ ਦੌਰਾ ਜਿੱਤ ਦੇ ਨਾਲ ਖਤਮ

ਏ ਸਟੇਲਵੀਨ— ਰਮਨਦੀਪ ਸਿੰਘ ਅਤੇ ਚਿੰਗਲੇਨਸਨਾ ਸਿੰਘ ਕਾਂਜੁਗਮ ਦੇ 2-2 ਗੋਲ ਦੀ ਮਦਦ ਨਾਲ ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਆਸਟ੍ਰੀਆ ਨੂੰ 4-3 ਨਾਲ ਹਰਾ ਕੇ ਯੂਰਪੀ ਦੌਰੇ ਦਾ ਅੰਤ ਜਿੱਤ ਦੇ ਨਾਲ ਕੀਤਾ। ਰਮਨਦੀਪ ਨੇ 25ਵੇਂ ਅਤੇ 32ਵੇਂ ਮਿੰਟ 'ਚ ਗੋਲ ਕੀਤੇ ਜਦਕਿ ਚਿੰਗਲੇਨਸਨਾ ਨੇ 37ਵੇਂ ਅਤੇ 60ਵੇਂ ਮਿੰਟ 'ਚ ਗੋਲ ਦਾਗਿਆ। ਭਾਰਤ ਨੇ ਯੂਰਪ ਦੌਰੇ ਦਾ ਅੰਤ ਤਿੰਨ ਜਿੱਤ ਅਤੇ 2 ਹਾਰ ਨਾਲ ਕੀਤਾ। 

ਆਸਟ੍ਰੀਆ ਲਈ ਓਲੀਵਰ ਬਿੰਡਰ (14ਵਾਂ), ਮਾਈਕਲ ਕੋਰਪੇਰ (53ਵਾਂ) ਅਤੇ ਪੈਟ੍ਰਿਕ ਐੱਸ (55ਵਾਂ) ਨੇ ਗੋਲ ਕੀਤੇ। ਦੁਨੀਆ ਦੀ ਚੌਥੇ ਨੰਬਰ ਦੀ ਟੀਮ ਨੀਦਰਲੈਂਡ ਨੂੰ ਲਗਾਤਾਰ ਦੋ ਮੈਚ ਹਰਾਉਣ ਦੇ ਬਾਅਦ ਭਾਰਤ ਨੇ ਆਸਟ੍ਰੀਆ ਦੇ ਖਿਲਾਫ ਹੌਲੀ ਸ਼ੁਰੂਆਤ ਕੀਤੀ। ਗੇਂਦ 'ਤੇ ਕੰਟਰੋਲ 'ਚ ਭਾਰਤ ਅੱਗੇ ਰਿਹਾ ਪਰ ਸਰਕਲ ਦੇ ਅੰਦਰ ਇੰਨੇ ਹਮਲਾਵਰ ਗੋਲ ਨਹੀਂ ਕੀਤੇ ਜਾ ਸਕੇ। ਆਸਟ੍ਰੀਆ ਨੇ 14ਵੇਂ ਮਿੰਟ 'ਚ ਬਿੰਡੇਰ ਦੇ ਗੋਲ ਦੇ ਦਮ 'ਤੇ ਪਹਿਲੇ ਕੁਆਰਟਰ 'ਚ 1-0 ਦੀ ਬੜ੍ਹਤ ਬਣਾ ਲੀ। ਭਾਰਤ ਨੇ ਹਾਲਾਂਕਿ ਦੂਜੇ ਕੁਆਰਟਰ 'ਚ ਆਪਣੀ ਗਲਤੀ 'ਚ ਸੁਧਾਰ ਕਰਕੇ 25ਵੇਂ ਮਿੰਟ 'ਚ ਪੈਨਲਟੀ ਕਾਰਨਰ ਹਾਸਲ ਕੀਤਾ। ਅਮਿਤ ਰੋਹੀਦਾਸ ਨੇ ਗੇਂਦ ਰਮਨਦੀਪ ਨੂੰ ਸੈਂਪੀ ਜਿਸ ਨੇ ਗੋਲ ਕਰਨ 'ਚ ਕੋਈ ਢਿੱਲ ਨਹੀਂ ਕੀਤੀ। ਬ੍ਰੇਕ ਤੋਂ ਬਾਅਦ ਭਾਰਤੀ ਟੀਮ ਨੇ ਜ਼ਿਆਦਾ ਹਮਲਾਵਰ ਰੁਖ ਦਿਖਾਇਆ। ਰਮਨਦੀਪ ਨੇ 32ਵੇਂ ਮਿੰਟ 'ਚ ਸ਼ਾਨਦਾਰ ਗੋਲ ਕੀਤਾ। 

ਇਸ ਗੋਲ ਨਾਲ ਭਾਰਤ ਨੂੰ 2-1 ਦੀ ਬੜ੍ਹਤ ਮਿਲ ਗਈ। ਭਾਰਤ ਨੂੰ ਗੋਲ ਕਰਨ ਦਾ ਇਕ ਹੋਰ ਮੌਕਾ ਮਿਲਿਆ ਜਦੋਂ ਮਨਦੀਪ ਸਿੰਘ ਨੇ ਪੈਨਲਟੀ ਕਾਰਨਰ ਦਿਵਾਇਆ। ਇਹ ਮੌਕਾ ਬੇਕਾਰ ਗਿਆ ਕਿਉਂਕਿ ਗੇਂਦ ਕ੍ਰਾਸਬਾਰ ਨਾਲ ਟਕਰਾਅ ਗਈ। ਮਨਦੀਪ ਦੇ ਬਣਾਏ ਇਕ ਹੋਰ ਮੌਕੇ 'ਤੇ ਭਾਰਤ ਨੂੰ ਸਫਲਤਾ ਮਿਲੀ ਜਦ 37ਵੇਂ ਮਿੰਟ 'ਚ ਉਪ ਕਪਤਾਨ ਚਿੰਗਲੇਨਸਨਾ ਨੇ ਗੋਲ ਦਾਗਿਆ। ਆਖਰੀ ਕੁਆਰਟਰ ਤੋਂ ਪਹਿਲਾਂ ਭਾਰਤ ਦੇ ਕੋਲ 3-1 ਦੀ ਬੜ੍ਹਤ ਸੀ ਪਰ ਆਸਟ੍ਰੀਆ ਨੇ 53ਵੇਂ ਮਿੰਟ 'ਚ ਪੈਨਲਟੀ ਕਾਰਨਰ ਦੇ ਗੋਲ ਦੇ ਦਮ 'ਤੇ ਵਾਪਸੀ ਦੀ ਕੋਸ਼ਿਸ਼ ਕੀਤੀ।

ਭਾਰਤ ਨੂੰ ਇਕ ਮਿੰਟ ਪਹਿਲਾਂ ਗੁਰਜੰਤ ਸਿੰਘ ਨੇ ਪੈਨਲਟੀ ਕਾਰਨਰ ਦਿਵਾਇਆ ਪਰ ਮਨਪ੍ਰੀਤ ਸਿੰਘ ਇਸ ਨੂੰ ਗੋਲ 'ਚ ਨਹੀਂ ਬਦਲ ਸਕੇ। ਅੱਠ ਮਿੰਟ ਬਾਕੀ ਰਹਿੰਦੇ ਫਾਰਵਰਲਡ ਲਲਿਤ ਉਪਾਧਿਆਏ ਨੂੰ ਗੋਲ ਕਰਨ ਦਾ ਸੁਨਹਿਰਾ ਮੌਕਾ ਮਿਲਿਆ ਪਰ ਆਸਟ੍ਰੀਆਈ ਗੋਲਕੀਪਰ ਨੇ ਗੇਂਦ ਨੂੰ ਅੰਦਰ ਨਹੀਂ ਜਾਣ ਦਿੱਤਾ। ਇਸ ਵਿਚਾਲੇ ਆਸਟ੍ਰੀਆ ਨੇ 55ਵੇਂ ਮਿੰਟ 'ਚ ਪੈਟ੍ਰਿਕ ਦੇ ਗੋਲ ਦੇ ਦਮ 'ਤੇ 3-3 ਦੀ ਬਰਾਬਰੀ ਕਰ ਲਈ। ਆਖਰੀ ਕੁਝ ਮਿੰਟ ਕਾਫੀ ਤਣਾਅਪੂਰਨ ਰਹੇ ਜਦੋਂ ਭਾਰਤ ਨੇ ਗੋਲ ਕਰਨ ਦੇ ਲਈ ਪੂਰਾ ਜ਼ੋਰ ਲਗਾ ਦਿੱਤਾ। ਹੂਟਰ ਤੋਂ 10 ਸਕਿੰਟ ਪਹਿਲਾਂ ਚਿੰਗਲੇਨਸਨਾ ਨੇ ਸ਼ਾਨਦਾਰ ਗੋਲ ਕੀਤਾ ਜਦੋਂ ਰਮਨਦੀਪ ਨੇ ਗੁਰਜੰਤ ਦੇ ਜ਼ਰੀਏ ਗੇਂਦ ਉਨ੍ਹਾਂ ਨੂੰ ਸੌਂਪੀ। ਭਾਰਤੀ ਟੀਮ ਕੱਲ ਯੂਰਪੀ ਦੌਰੇ ਤੋਂ ਵਾਪਸ ਪਰਤੇਗੀ।