ਭਾਰਤੀ ਡਰਾਈਵਰ ਨੇ ਪਾਕਿ ਕ੍ਰਿਕਟਰਾਂ ਤੋਂ ਨਹੀਂ ਲਿਆ ਟੈਕਸੀ ਕਿਰਾਇਆ, ਹੋਟਲ ''ਚ ਨਾਲ ਖਾਇਆ ਖਾਣਾ
11/26/2019 10:29:14 AM
ਸਪੋਰਟਸ ਡੈਸਕ— ਪਾਕਿਸਤਾਨ ਕ੍ਰਿਕਟ ਟੀਮ ਇਨ੍ਹਾਂ ਦਿਨਾਂ 'ਚ ਆਸਟਰੇਲੀਆ ਦੇ ਦੌਰੇ 'ਤੇ ਹੈ ਜਿੱਥੇ ਦੋਵੇਂ ਟੀਮਾਂ ਵਿਚਾਲੇ ਟੈਸਟ ਸੀਰੀਜ਼ ਖੇਡੀ ਜਾ ਰਹੀ ਹੈ। ਇਸ ਦੇ ਪਹਿਲੇ ਮੈਚ 'ਚ ਮਹਿਮਾਨ ਟੀਮ ਨੂੰ ਪਾਰੀ ਦੀ ਸ਼ਰਮਨਾਕ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਹ ਮੁਕਾਬਲਾ ਬ੍ਰਿਸਬੇਨ ਦੇ ਮੈਦਾਨ 'ਤੇ ਖੇਡਿਆ ਗਿਆ ਸੀ ਜਿੱਥੇ ਆਸਟਰੇਲੀਆਈ ਖਿਡਾਈਆਂ ਨੇ ਆਪਣਾ ਦਮ ਦਿਖਾਇਆ ਤਾਂ ਉੱਥੇ ਹੀ ਇਕ ਭਾਰਤੀ ਟੈਕਸੀ ਡਰਾਈਵਰ ਨੇ ਵੀ ਕੁਝ ਅਜਿਹਾ ਕੀਤਾ ਜਿਸ ਦੀ ਹਰ ਪਾਸੇ ਸ਼ਲਾਘਾ ਹੋ ਰਹੀ ਹੈ।
ਦਰਅਸਲ, ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਸ਼ਾਹੀਨ ਸ਼ਾਹ ਅਫਰੀਦੀ, ਯਾਸਿਰ ਸ਼ਾਹ ਅਤੇ ਨਸੀਮ ਸ਼ਾਹ ਨੇ ਬ੍ਰਿਸਬੇਨ 'ਚ ਹੀ ਇਕ ਭਾਰਤੀ ਟੈਕਸੀ ਡਰਾਈਵਰ ਦੇ ਨਾਲ ਸਫਰ ਕੀਤਾ, ਜਿਸ ਦੇ ਬਾਅਦ ਉਨ੍ਹਾਂ ਨੇ ਕਿਰਾਇਆ ਦੇਣਾ ਚਾਹਿਆ ਤਾਂ ਡਰਾਈਵਰ ਨੇ ਉਸ ਨੂੰ ਲੈਣ ਤੋਂ ਮਨ੍ਹਾਂ ਕਰ ਦਿੱਤਾ। ਇਸ ਘਟਨਾ ਦਾ ਖੁਲਾਸਾ ਆਸਟਰੇਲੀਆ ਦੇ ਇਕ ਰੋਡੀਓ ਪ੍ਰੈਜ਼ੈਂਟਰ ਐਲੀਸੇਨ ਮਿਸ਼ੇਲ ਨੇ ਸਾਂਝਾ ਕੀਤਾ। ਉਨ੍ਹਾਂ ਕਿਹਾ ਕਿ ਇਸ ਗੱਲ ਦੀ ਜਾਣਕਾਰੀ ਉਨ੍ਹਾਂ ਨੂੰ ਕੈਬ ਡਰਾਈਵਰ ਨੇ ਹੀ ਦਿੱਤੀ।
🚕🏏️🚖 The heartwearming story of the Indian taxi driver and five @TheRealPCB players.❤️
— ABC Grandstand (@abcgrandstand) November 24, 2019
🎥📺@AlisonMitchell tells Mitchell Johnson about it on Commentator Cam. 🔊🎙️ #AUSvPAK
Listen live 📻📱 ABC Radio / Grandstand digital / ABC Listen app — https://t.co/dhH8gmo5FZ pic.twitter.com/qdwsK83F7X
ਖਾਸ ਗੱਲ ਇਹ ਰਹੀ ਕਿ ਡਰਾਈਵਰ ਨੇ ਪੈਸੇ ਲੈਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਪਾਕਿਸਤਾਨੀ ਖਿਡਾਰੀਆਂ ਨੇ ਵੀ ਦਰਿਆਦਿਲੀ ਦਾ ਸਬੂਤ ਦਿੱਤਾ ਅਤੇ ਉਸ ਨੂੰ ਆਪਣੇ ਨਾਲ ਡਿਨਰ ਕਰਨ ਦੇ ਲਈ ਲੈ ਗਏ। ਜ਼ਿਕਰਯੋਗ ਹੈ ਕਿ ਇਨ੍ਹਾਂ ਦਿਨਾਂ 'ਚ ਪਾਕਿਸਤਾਨੀ ਕ੍ਰਿਕਟ ਟੀਮ ਦਾ ਪ੍ਰਦਰਸ਼ਨ ਨਿਰਾਸ਼ਜਨਕ ਹੀ ਹੈ। ਪਹਿਲੇ ਟੈਸਟ ਮੈਚ 'ਚ ਵੀ ਉਸ ਨੂੰ ਪਾਰੀ ਅਤੇ 5 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਪਾਕਿਸਤਾਨ ਦੇ ਬੱਲੇਬਾਜ਼ ਉਸ ਮੁਕਾਬਲੇ ਦੀ ਪਹਿਲੀ ਪਾਰੀ 'ਚ 240 ਤਾਂ ਦੂਜੀ ਪਾਰੀ 'ਚ 335 ਦੌੜਾਂ ਹੀ ਬਣਾ ਸਕੇ ਸਨ, ਜਦਕਿ ਆਸਟਰੇਲੀਆ ਨੇ 580 ਦੌੜਾਂ ਦਾ ਪਹਾੜ ਪਹਿਲੀ ਪਾਰੀ 'ਚ ਖੜ੍ਹਾ ਕੀਤਾ ਸੀ।